Hosea 7:16 - Tshwa Bible

¹⁶ Va tlhela, kanilezi na ku nga hi kuya ka Loyi a nga Hehla-hehla. Va fanana ni wura gi khohlisako. A tihosana tabye ti ta dawa hi supado hi kota ya tinzhukano ta tirimi tabye. Va ta hlekulwa ha zona tikweni ga Gipite. Kol. 3:1

Hosea 7:16 Mawu Ofanana

Tisimu 12:3

Jehova a hetise a milomu yi wulawulako mahlenga, Ni lirimi leli li wulawulako matshanza.

Tisimu 12:4

Lava va nge: Hi tirimi ta hina hi na ni ntamu; A milomu nja hina, himani a hi fumako? Ekso. 5:2

Tisimu 12:5

Hi kota ya kutsimbeketwa ka zisiwana ni kurila ka vavumali, Nzi ta vuka makunu, ku wula Jehova; Nzi ta ponisa loyi a zi langutelako.

Tisimu 17:10

Va nonohisa a timbilu tabye, Va wulawula matshanza hi milomu yabye.

Tisimu 52:2

A lirimi la wena li pola zilo zi bihileko, Li kariha khwatsi likari, wena mukhohlisi.

Tisimu 57:4

A muhefemulo wa mina wu lomu xikari ka tinghala; Nzi etlele xikari ka lava va pupuxako nzilo; A vanhu lava a meno yabye ma nga matlhari ni tigalala, Lava a tirimi tabye ti nga tisupado to kariha.

Tisimu 73:9

Va tlakukela tilweni hi milomu yabye, A tirimi tabye ti navalata misaveni yontlhe.

Tisimu 78:37

Hakuva a timbilu tabye ti wa nga namarelangi kakwe, Kambe a va tsumbekangi xivumelwaneni xakwe.

Tisimu 78:57

Va lo tlhelela nzhako, va khohlisa kota vararu vabye, Vaku khwatsi hi wura legi gi khohlisako.

Isaya 3:8

Hakuva Jerusalema gi hahlukile, na Juda i wile, hakuva a tirimi tabye ni zimaho zabye zi vukele Jehova, va tsanwisile a mahlo ya wukulu gakwe.

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Jeremia 3:10

Hambu ka zontlhe lezo, Juda, a makabye wakwe loyi a nga tsumbekangiko, a nga wuyangi ka mina hi mbilu yakwe yontlhe, kanilezi hi wukhohlisi, ku wula Jehova.

Jeremia 42:18

Hakuva Jehova wa tiyimpi, a Nungungulu wa Israeli, i ngalo: Laha mu ta nga enghena Gipite nzi ta chulula a zanga ya mina hehla ka nwina, khwatsi hilezi nzi nga yi chululisisa zona hehla ka vaaki va Jerusalema. Mu tava xiruko ni xirewukiso, mu rukiwe ni ku xanziwa; mu nga ta ha wona legi wutshamu.

Ezekieli 23:32

Hosi Jehova i ngalo: U tanwa hi gombe ga makwenu, legi go anama ni kueta; u tava xiruko ni xihlekiso, hakuva ga hombe.

Ezekieli 36:20

Loku va chikele matikweni lawa va nga hangalaka ka wona, va lo nyenyezisa a vito ga mina go basa, kala a vanhu va wulawula ha vona, vaku: Lava mbanhu va Jehova, va humile tikweni gakwe. Isa. 52:5; Rom. 2:24

Danieli 7:25

I ta wulawula magezu yo vukela Loyi a Hunzeleleko Kutlakuka, a xanisa a vobasa va Loyi a Hunzeleleko Kutlakuka. I ta xuva ku hunzula a masiku ma basileko ni nayo; a vobasa va ta nyikelwa mandleni yakwe hi xikhati ni zikhati ni khihlanya ga xikhati.

Hosea 11:5

Efraime a nga ta tlhelela tikweni ga Gipite, kanilezi i ta fumelwa hi hosi ya maAssiria, hakuva va alile ku tlhelela ka mina.

Hosea 11:7

A vanhu va mina va bohile xifungo xo nzi fularela, hambu loku va vitanwa a kuya ka loyi a nga hehla, a nga kona ni munwe a mu tlakuselako a mbilu yakwe.

Hosea 6:4

Efraime, nzi ta maha yini ka wena? Juda, nzi ta maha yini ka wena? Hakuva a liranzo la nwina li khwatsi i hunguva ya mixo, ni nzhokati leyi yi tlhatlhekako hi kuhatlisa.

Hosea 7:13

I khombo ka vona, hakuva va nzi fularele. A va lobyiswe hakuva va nzi hluwukile! Va hembile wunwa ha mina hambu lezi nzi nga va tlhatlhisile.

Hosea 9:3

Va nga ta tshama lomu tikweni ga Jehova, kanilezi Efraime i ta tlhelela Gipite, ni le Assiria va taga kuga ku nga hlazekangiko, Deut. 28:68; 2 Tih. 25:26; Dan. 1:8

Hosea 9:4

Va nga ta maha minyikelo ya vinya ka Jehova, ge hambu ku mu tsakisa hi miphahlelo yabye. A miphahlelo yabye yi taku khwatsi zibaba za xirilo, vontlhe lava va ta nga ziga va ta nyenyeziswa ha zona; hakuva a kuga kabye ku tave ko enela vona voce, zi nga ta enghena ndlwini ya Jehova.

Hosea 9:6

Va ta panzanyeka hi kota ya lobyiselelo; Gipite i ta va tsombanyisa, Memfisi a va lahla. A zibya zabye za siliva lezi va zi ranzako zi ta fenengetiwa hi feha, ni mizwa yi ta mila matendeni yabye.

Malaki 3:13

A magezu ya nwina ma wa nzi vukela hi ntamu, ku wula Jehova. Kanilezi mu ngalo: Zini hi zi wulileko zo vukela wena?

Malaki 3:14

Mu te ngalo: A zi vuni nchumu ku tirela Nungungulu! Hi kanyarile yini hi ku hlayisa zileletelo za yena, ni lezi hi nga famba na hi ambele tinguwo ta xirilo mahlweni ka Jehova wa tiyimpi?

Mateu 12:36

Nza mu byela, nziku: A timhaka tontlhe ta hava leti va ti wulawulako vanhu, va ta ti hlamulela ha tona sikwini ga kulamula.

Luka 8:13

Lava va nga le maribyeni, hi vona lava na va yi zwile a mhaka, va yi amukela hi kutsaka; kanilezi a va na mitsu; va su kholwa xikhatanyana, ni xikhatini xa minzhingo va su khunguvanyeka.

Jakobe 3:5

Hizalezo ni lirimi, xirwana xi tsongwani, kanilezi la ti kukumukisa hi zilo za hombe. Langutani, a nzilwana wu tsongwani wa hisa a khwati ga hombe. Tis. 73:8, 9

2 Pedro 2:8

Hakuva a munhu loyi a lulamileko, a akileko xikari ka vona, i lo karateka moyeni wakwe wo lulama masiku wontihe, hi ku wona ni kuzwa a mitiro yabye ya kubiha.

Kuvululelwa 13:5

Xi lo nyikiwa a nomu wa ku wulawula a timhaka ta hombe ni tihlamba; xi nyikiwa ni ntamu wa ku tira a 42 wa tihweti. Dan. 11:36