Hosea 7:11 - Tshwa Bible

¹¹ Efraime i fanana ni tuva ga manya, gi nga hiko na kupima; va vitana a maGipite, vaya le Assiria. 2 Tih. 15:19; 16:7

Hosea 7:11 Mawu Ofanana

2 Tihosi 15:19

Ku lota Pule a hosi ya le Asiria a ku ta vukela tiko ga ka Israeli. Zonake Menahema i lo nyika Pule 1,000 wa titalenta ta siliva, kasi a fela ku mu vunetela ku tiyisa wuhosi lomu mandleni yakwe.

2 Tihosi 16:7

Zonake Ahaza i lo rumela mitsumi ka Tiglate-Pilesera a hosi ya le Asiria, aku kakwe: Mina nzi nanza ga wena tlhelo nʼwana wa wena. Kanziha u ta nzi hlanguta mandleni ya hosi ya le Siria ni mandleni ya hosi ya ka Israeli, a tihosi ti tileko ku ta nzi vukela.

Mavingu 15:32

Loyi a alako gonziselelo i kanyisa muhefemulo wakwe; anilezi loyi a ingisako ziluleko i kuma kupimisisa.

Mavingu 17:16

Zi vuna yini a kuva a xipumbu xi hi ni mali ya ku xava wutlhari, aha a mbilu ya xona yi nga gi khataleliko ke?

Mavingu 6:32

Loyi a bhayako ni wasati, a nga na kupimisisa; oyi a zi mahako i lovisa muhefemulo wakwe.

Jeremia 2:18

Ni makunu, u fambela yini hi ndlela ya Gipite, A ku yanwa a mati ya Nilo ke? U fambela yini hi ndlela ya Assiria, A ku yanwa a mati ya congo ke?

Jeremia 2:36

Hikuyini u hatlisako nguvu ku hunzula a ndlela ya wena ke? Hi Gipite kambe u ta wisiwa tingana Kotisa lezi u nga wisiwa tingana hi Assiria. 2 Kro. 28:20

Hosea 11:11

Vata hi le Gipite na va rurumela kukotisa xinyanyani, ni kukotisa a tuva na va huma hi le tikweni ga Assiria. Zonake nzi ta va maha va tshama tindlwini tabye, ku wula Jehova. A kungakholeki ka Israeli.

Hosea 12:1

Efraime wa risa mheho, a lanzela mheho ya Mutsuwuka-gambo. Wa ha simamisa ku anzisa mawunwa ni lobyiselelo; va maha xivumelwano na Assiria, va rwala a mafura maya Gipite.

Hosea 12:2

Jehova wa holova na Juda, i ta tsayisa Jakobe maringano ni tindlela takwe, a mu chachazela maringano zimaho zakwe.

Hosea 14:3

Assiria a nga ta hi hanyisa; hi nga ta khilele a mahaxi. Hi nga ta wula kambe ka mitiro ya mandla ya hina, hiku: Nwina mu vanungungulu va hina; hakuva a xisiwana xa kuma wuxinji ka wena.

Hosea 4:11

A wubhayi, ni vinya, ni byala zi daya a kupima.

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Hosea 5:13

Laha Efraime a nga wona wubabyi gakwe, ni laha Juda a nga wona xilonza xakwe, zonake Efraime i loya le Assiria, a ya rumela ka hosi Jareba. Kanilezi na yenawu a nga zi koti ku mu chuma, a nga zi koti ku holisa xilonza xa wena. 2 Tih. 15:19; 16:7

Hosea 5:4

A va zi koti ku tlhelela ka Nungungulu wabye hi kota ya zimaho zabye; hakuva a moya wa wubhayi wu lomu nzeni kabye, Jehova a va mu tivi.

Hosea 8:13

Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22

Hosea 9:3

Va nga ta tshama lomu tikweni ga Jehova, kanilezi Efraime i ta tlhelela Gipite, ni le Assiria va taga kuga ku nga hlazekangiko, Deut. 28:68; 2 Tih. 25:26; Dan. 1:8

Hosea 9:6

Va ta panzanyeka hi kota ya lobyiselelo; Gipite i ta va tsombanyisa, Memfisi a va lahla. A zibya zabye za siliva lezi va zi ranzako zi ta fenengetiwa hi feha, ni mizwa yi ta mila matendeni yabye.

Obadia 1:7

Wontlhe matiko lawa u mahileko nawo xivumelwano, ma ku tlhelisele mbhinganweni wa wena; a vanghana va wena va ku khohlisile, va ku hlula. Lava va gako zakuga za wena va ta ku dembela ziyo laho u to kala u nga gi woni.

Mateu 10:16

Langutani, nza mu ruma na mu fanana ni tiyivu xikari ka timhisi; hikwalaho, tlharihani kota tinyoka, mu ku khwatsi mu matuva, mu ngavi na wumbyori. Lu. 10:3; Rom. 16:19; 1 Kor. 14:20