Hosea 7:1 - Tshwa Bible

¹ Loku nziku hi ku chuma Israeli, zonake ku woneka a zigoho za Efraime ni kubiha ka Samaria, hakuva va tira kukhohlisa. A makhamba ma enghena ni ntlawa wa vaphangi wa phanga hi lahandle.

Hosea 7:1 Mawu Ofanana

Isaya 28:1

Khombo ka xidlodlo xa matshanza xa zidakwa za le Efraime, Ni ka xitsangi xi wunileko xi nga wubombi gabye, Xi nga le hehla ka nkova wu nonileko wa laʼva hluliwako hi vinya.

Isaya 59:12

Hakuva a zihambunyeto za hina zi tele mahlweni ka wena, Ni zionho za hina za hi ranisa; Hakuva a zihambunyeto za hina ha zi wona, Ha zi tiva a zigoho za hina:

Isaya 59:13

Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Isaya 59:14

A nongameto wu tlhelisilwe nzhako, Ni kululama ku yimile kule na hina, Hakuva zinene zi wile le hubyeni, Ni kululama a ku zi koti ku enghena.

Jeremia 51:9

Hi ringile ku chuma Babuloni, kanilezi a nga banyangi. A hi mu tsikeni, hi ti fambela munwe ni munwani aya tikweni ga ka kabye, hakuva a kutsayiswa kakwe ku chikele le tilweni, ku tlakukile ku chikela le marefini.

Ezekieli 16:46

A nhonzwa ya wena ya xisati hi Samaria, loyi a akileko tlhelweni ga wena ga xibhabha zinwe ni vanhanyana vakwe. Ni nzisana ya wena ya xisati loyi a akileko tlhelweni ga wena ga xinene ni vanhanyana vakwe hi Sodoma.

Ezekieli 23:4

A mavito yabye, loyi wa nhonzwa hi Ohola, a nzisana hi Oholiba. Va lo maha va mina, va beleka vafana ni vanhanyana. A mavito lawa, Ohola hi Samaria, na Oholiba hi Jerusalema.

Ezekieli 24:13

Kota lezi a chaka ga wena gi bihileko nguvu, ni kota lezi nzi nga ku hlaza kanilezi a ku basangi, hikwalaho a chaka ga wena gi nga ta hlaziwa kambe kala loku nzi rengisile a zanga ya mina hehla ka wena.

Hosea 10:5

A vaaki va le Samaria va ta chava hi kota ya role ga le Betavene; hakuva a vanhu va kona va ta gi rilela, ni vapristi va gona va ta rurumela hakuva a wukosi ga gona gi sukile.

Hosea 11:12

Efraime i nzi ranzele hi mawunwa, ni yindlu ya ka Israeli hi kukhohlisa. Kanilezi Juda wa ha hluwuka Loyi wo Basa a tsumbekileko.

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Hosea 12:1

Efraime wa risa mheho, a lanzela mheho ya Mutsuwuka-gambo. Wa ha simamisa ku anzisa mawunwa ni lobyiselelo; va maha xivumelwano na Assiria, va rwala a mafura maya Gipite.

Hosea 12:2

Jehova wa holova na Juda, i ta tsayisa Jakobe maringano ni tindlela takwe, a mu chachazela maringano zimaho zakwe.

Hosea 4:17

Efraime i ti nyiketele zifananisweni; mu tsikeni.

Hosea 4:2

Ku kona ntsena ku hlambanya mawunwa, ni kukhohlisa, ni kudaya, ni wukamba, ni wubhayi; va tira hi tihanyi, ku halatwa nkhata.

Hosea 5:1

Zwanani a mhaka leyi nwina vapristi, ingisani nwina va yindlu ya ka Israeli, mu kangatela ndleve nwina va yindlu ya hosi, hakuva a lamulelo lowu ngwa nwina; hakuva nwina mu ti mahile a ziyo le Mizpa ni likoka li anekilweko hehla ka Tabora. 1 Tih. 12:32

Hosea 6:4

Efraime, nzi ta maha yini ka wena? Juda, nzi ta maha yini ka wena? Hakuva a liranzo la nwina li khwatsi i hunguva ya mixo, ni nzhokati leyi yi tlhatlhekako hi kuhatlisa.

Hosea 7:13

I khombo ka vona, hakuva va nzi fularele. A va lobyiswe hakuva va nzi hluwukile! Va hembile wunwa ha mina hambu lezi nzi nga va tlhatlhisile.

Hosea 8:5

A role ga wena Samaria ga nzi hlamukisa; a zanga ya mina ya va vindlukela. Va ta ala ku basiswa kala rini?

Hosea 8:9

Hakuva va yile Assiria ku fanana ni mangwa yi nga yoce. Efraime i ti kumele ziranzwa hi zinyikiwo.

Amosi 3:10

A ku maha kululama a va zi tivi, ku wula Jehova, va hlengeletela ziluvelweni zabye a zilo lezi va zi phangileko hi kanu ni mubango.

Amosi 3:9

Banani nyiwo lomu ziluvelweni za le Axdode, ni lomu ziluvelweni za tiko ga Gipite, muku: Tsombanani le xitsungeni za Samaria, mu ta wona a pfilupfilu ya hombe yi nga kona lomo, ni hlokiseielo yi nga xikari ka gona.

Amosi 8:14

Lava va hlambanyako hi xionho xa Samaria, vaku: Hi wutomi ga nungungulu wa wena Dani! niku, Hi wutomi ga ndlela ya le Berexeba! Na vonawu va tawa, va nga ha vuki kambe. 1 Tih. 12:28; Hos. 10:8

Mika 6:16

Hakuva u hlayisa a zilayelo za Omri, ni matirela wontlhe ya yindlu ya ka Ahabi, u famba hi tindlela tabye. Hikwalaho nzi ta ku hahlula, a vaaki va wena va hlekulwa; zonake u ta rwala a nzhukano ya vanhu va mina. 1 Tih. 16:25, 26, 30-33

Mateu 23:37

Jerusalema, Jerusalema, loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga lava ku wungeletela a vanana va wena, kota a pswele gi wungeletelako a zihukwana za gona lahasi ka tipapa ta gona, kanilezi a mu vumelangi. Deut. 32:11; Tis. 17:8; Lu. 13:34

Luka 13:34

Jerusalema, Jerusalema, wena loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga xuva ku wungeletela a vanana va wena, kota a pswele gi wungeletelako a zihukwana za gona lahasi ta tipapa ta gona, kanilezi a mu zi ranzangi! Mat. 23:37

Luka 19:42

aku: Loku wena u wa zi tivile nyamutlha lezi zi vangako kurula! Kanilezi makunu zi fihlilwe ka wena.