Hosea 6:6 - Tshwa Bible

⁶ Hakuva nzi ranza wuxinji, a nzi ranzi miphahlelo; ni ku tiva Nungungulu ka hunza a minyikelo ya kuhiswa. 1 Sam. 15:22; Mat. 9:13; 12:7

Hosea 6:6 Mawu Ofanana

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Tisimu 50:8

A nzi ku kawuki hi kota ya miphahlo ya wena, A minyikelo ya wena ya kuhiswa yi le mahlweni ka mina masiku wontihe.

Mavingu 21:3

A ku maha kululama ni nongameto, a amukeleka ka Jehova ku hunza muphahlo. 1 Sam. 15:22; Isa. 1:11; Hos. 6:6

Mutshawuteli 5:1

Hlayisa a konzo wa wena loku uya lomu ndlwini ya Nungungulu; a ku tshinela kasi ku ingisa ku sasekile ku hunza miphahlelo ya zipumbu, hakuva a zi zi tivi lezaku zi maha kubiha. 1 Sam. 15:22; Mav. 15:8; Hos. 6:6

Isaya 1:11

Yi nzi vuna yini a miphahlo ya nwina yo tala ke? ku wula Jehova. Nzi kolilwe hi minyikelo ya kuhiswa ya timhamba, ni mafura ya marole yo kuluka; a nzi xalaliswi hi nkhata wa tikuzi, ni wa tiyivana ni timhongo. Tis. 50:8; Jer. 6:20; Am. 5:21

Isaya 58:6

A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Jeremia 22:16

I lamule a mhaka ya lava va tsimbeketilweko ni ku vumala, Hi kota ya lezo i wa humelela. Xana lezo a hi ku nzi tiva ke? Ku wula Jehova,

Jeremia 7:22

Hakuva a nzi byelangi a vararu va nwina, hambu a ku va laya hi tlhelo ga minyikelo ya kuhiswa ni miphahlo, a ka siku lego nzi nga va humesa tikweni ga Gipite. 1 Sam. 15:22; Isa. 1:11

Danieli 4:27

Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Hosea 14:2

Tekani timhaka, mu tlhelela ka Jehova, mu yaku kakwe: Susa kugoha kontlhe, u hi amukela hi wuxinji; zonake hi ta ku phahlela hi milomu ya hina wutshanweni ga tihonwana. Maheb. 13:15

Hosea 2:20

Nzi ta ku teka hi kutsumbeka, na wena u ta tiva Jehova.

Hosea 4:1

Zwanani a mhaka ya Jehova, nwina vanana va ka Israeli, hakuva Jehova wa kecara a vaaki va tiko, hakuva lomu tikweni a ku na zinene, a ku na wuxinji, ge hambu ku tiva Nungungulu.

Hosea 8:13

Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22

Amosi 5:21

Nza venga ni ku nyenya a mibuzo ya nwina, a nzi xalaliswi hi tihlengeletano ta nwina ta ximuse. Levi 26:31; Isa. 1:11; Jer. 6:20

Mika 6:6

Nzi taya na nzi hi ni yini mahlweni ka Jehova, nzi ya ti koramisa mahlweni ka Nungungulu a tlakukileko? Nzi ta tshinela kakwe na nzi hi ni minyikelo ya kuhiswa, ni marole ya lembe ginwe ke?

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Mateu 12:7

Kanilezi loku mu wa zi tivile aku zi wula yini lezaku: Nzi ranza wuxinji, a nzi ranzi miphahlelo, ngha na mu ngakonangi lava va nga hava nanzu. Hos. 6:6; Mika 6:6-8

Mateu 5:7

Va katekile lava va nga ni wuxinji, hakuva va ta mahelwa wuxinji. Tis. 41:1; Maheb. 6:10; Jak. 2:13

Mateu 9:13

Fambani mu ya gonza lezaku zi wula yini leʼzo ngalo: Nzi ranza wuxinji, a nzi ranzi miphahlo. Hakuva a nzi telangi a ku ta vitana a valulamileko, kanilezi a vaonhi. Hos. 6:6; Xip. 12:7; 1 Tim. 1:15

Marku 12:33

Ni ku mu ranza yena hi mbilu yontlhe, ni kupima kontlhe, ni ntamu wontihe, ni ku ranza wakelene kota munhu a ti ranzako wutsumbu, za hunza nguvu minyikelo yontlhe yo hiswa ni miphahlo. 1 Sam. 15:22; Hos. 6:6

Joxua 5:5

hakuva vontlhe vavanuna lava va nga huma hi le Gipite va wa enghenile wukwera; kanilezi vontlhe lava va belekilweko laha ndleleni lomu xiwuleni na vata hi le Gipite, a va engheniswangi wukwera.

1 Johani 2:3

Hi laha hi zi tivako ha kona lezaku ha mu tiva, loku hi hlayisa a milayo yakwe.

1 Johani 3:6

Kani hi wihi a tshamako ka yena a nga onhi; kani hi wihi a onhako a nga mu wonangi, ge ni ku mu tiva. 3 Joh. 11

1 Samueli 15:22

Samueli a ku ngalo: Xana Jehova wa tsakiswa hi minyikelo ya kuhiswa ni miphahlelo, ku hunza ku ingisa gezu gakwe ke? Zwisisa! a kuingisa ku chukwana ku hunza miphahlelo, ni ku hlayisa gezu ga Jehova ku hunza mafura ya tiyivu. Hos. 6:6; Mat. 9:13; 12:7