Hosea 6:3 - Tshwa Bible

³ A hi tiveni Jehova, a hi hatliseni ku mu tiva. A kuhuma kakwe ku tiyile ku khwatsi wuronga; i tata ka hina khwatsi i vula, kukotisa a vula ya xirimo leyi yi tsakamisako misava.

Hosea 6:3 Mawu Ofanana

2 Samueli 23:4

I fanana ni wuronga loku gambo gi tsuwuka, Ni mixo leyi yi nga hiko na marefu; A kuwoninga ka gona anzhako ka kuna ka vula, Ku milisa a byanyi ga misava. Vala. 5:31

Joba 29:23

Va wa nzi rinzela khwatsi nzi vula, Va ahlamisa milomu yabye khwatsi hi loku va amukela a vula yo kala.

Tisimu 19:4

Hambu zi hi tano, a mhaka ya zona yi humele misaveni yontlhe, Ni magezu ya zona ma chikele magemeta-musi. I akele gambo a tenda xikari ka wona.

Tisimu 19:6

Gi suka le magunweni ya tilo, Gi renzeleka giya ka manwani magumo; A ku na xilo xi zi kotako ku ti sireta a kuhisa ka gona.

Tisimu 63:8

A muhefemulo wa mina wu na marele ka wena, A canja ga wena ga xinene ga nzi seketela.

Tisimu 65:9

U enzela misava, u yi tsanisa, U yi pfunisa nguvu; A congo wa Nungungulu wu tele hi mati. Wena u va nyika mavele, loku u longisisile lezo a misava. Deut. 11:11

Tisimu 72:6

I ta kota vula loku yina lomu magelweni, Kotisa a ti vula ti tsanisako misava.

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Isaya 2:3

A matiko yo tala ma taya, ma yaku: Ngonani, a hi kanziheni hiya xitsungeni xa ka Jehova, a ndlwini ya Nungungulu wa Jakobe, i ta hi gonzisa a tindlela takwe; zonake hi ta famba mipfutleni yakwe. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Isaya 32:15

Kala loku a moya wu chululwe ka hina hi le hehla, Ni xiwula xi maha simu ga pfuno, Ni simu ga pfuno gi hunzuka gi maha xigwangwa. Ezek. 39:29; Joeli 2:28

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Isaya 5:6

Nzi ta xi maha fusi, xi nga ta theniwa, hambu ku rimiwa; Xi ta mila zigetlwani ni mizwa; Nzi ta leletela marefu lezaku ma nga ha nisi vula hehla ka xona.

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Jeremia 24:7

Nzi ta vaha timbilu to nzi tiva lezaku hi mina Jehova; vona va tava vanhu va mina, mina nzi tava Nungungulu wabye, loku va tlhelela ka mina hi mbilu yabye yontlhe. Deut. 30:6; Maheb. 8:10

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Hosea 10:12

Ti byaleleni hi kululama, mu tshovela hi wuxinji; rimani wuhlavi ga nwina, hakuva makunu xikhati xa ku hlota Jehova, kala a ta mu nisela kululama.

Hosea 14:5

Nzi ta ku khwatsi nzi nzhokati ka Israeli; na yena i ta pfepfa ku fanana ni xitsangi, a tlhava mitsu ku fanana ni tisinya ta Lebanoni.

Hosea 14:6

A tiravi takwe ti ta nava, a wumbhuri gakwe gi ta fanana ni ga sinya ya oliva, ni masema ya yena ma ta fanana ni ya vinya ga Lebanoni.

Hosea 2:20

Nzi ta ku teka hi kutsumbeka, na wena u ta tiva Jehova.

Mika 4:2

A matiko manyingi ma ta yaku: Ngonani hi kanziha hiya xitsungeni xa Jehova, a ndlwini ya Nungungulu Wa Jakobe, kasi a ta ya hi gonzisa a tindlela takwe, hi famba ha tona. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Mika 5:7

A misalela ya ka Jakobe yi tava xikari ka matiko manyingi, khwatsi i nzhokati yi tako hi ka Jehova, ni ku khwatsi madona ya vula laha ka byanyi, leyi yi nga yimiswiko hi munhu, hambu ku rinzela a vana va vanhu.

Zakaria 10:1

Kombelani vula ka Jehova xikhatini xa vula ya xirimo! Hi Jehova a rumako zingwalangwanza, i ta va nyika a tivula ta hombe, a nyika ka munwe ni munwani a mihanzu lomu sinwini gakwe.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mateu 13:11

I lo hlamula aku ngalo kabye: Hakuva nwina mu nyikilwe ku tiva mifihlakalo ya mufumo wa tilo, kanilezi vena a va nyikiwangi. Xip. 11:25; Mar. 4:11; 1 Kor. 2:10

Luka 1:78

Hi kota ya wuxinji ga hombe ga Nungungulu wa hina, Lego a kuca ka le hehla ku ta nga hi enzela ha gona,

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Johani 7:17

Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43

Mitiro 17:11

A vaJuda va kona va wa hi va nene ku hunza va le Tesalonika, laha ka kuva va amukela a mhaka hi timbilu ti longileko, va hlola Mitsalo a masiku wontihe, lezaku a timhaka leti ti nghaho ke. Isa. 34:16; Lu. 16:29; Joh. 5:39

Deuteronome 32:2

A gonzo ya mina yi ta dona khwatsi i vula, A gezu ga mina gi ta tsakamisa khwatsi i nzhokati; Khwatsi i vula hehla ka byanyi go nyuka, Khwatsi manamula-nghala hehla ka byanyi!

Maheberu 3:14

Hakuva hina hi mahile lava va avelweko Kristu, loku hi khomisisa a kutsumba ka hina ko sangula ku tiya kala magumo,

2 Pedro 1:19

Makunu ku tiyisilwe nguvu, ka hina a mhaka ya kuprofeta; mu maha khwatsi loku mu yi khatalela, khwatsi hi kandiya leyi yi woningako wutshanwini ga munyama gi kala gica, ni mahlahla a huma timbilwini ta nwina. Tis. 119:105; Joh. 5:35; Kuv. 22:18

Kuvululelwa 22:16

Mina Jesu nzi rumile a ngelosi ya mina a kuba hungu mabandleni hi timhaka leti. Nzi mutsu ni hluke ga Davida, nzi mahlahle a ngangamelako wa mixo. Xip. 1:1; 5:5