Hosea 5:6 - Tshwa Bible

⁶ Va ta hlota Jehova ni mitlhambi yabye ya tiyivu ni ya tihomu, kanilezi va nga ta mu kuma; i humele xikari kabye.

Hosea 5:6 Mawu Ofanana

Eksodusi 10:9

Mosi aku; Hi ta famba ni vanana va hina, ni zikhosana za hina, ni vafana va hina, vi vanhanyana va hina, ni tiyivu ta hina, ni tihomu ta hina; hakuva hiya nkhozweni ya Jehova.

Mavingu 1:28

Zonake va ta vitana ka mina, kanilezi cima nzi nga ta hlamula; a ta nzi lava, kanilezi va nga ta nzi kuma. Jer. 11:11; Ezek. 8:18; Mik. 3:4

Mavingu 15:8

A muphahlo wa va kubiha manyala ka Jehova; anilezi i tsakiswa hi mukombelo wa valulamileko.

Mavingu 21:27

A muphahlo wa loyi wa kubiha manyalataniso; guvunguvu loku a wu nyikela hi makungo ya kubiha.

Xizimba xa ka Solomoni 5:6

Nzi lo vululela a muranziwa wa mina, Kanilezi i wa sina a sukile; A muhefemulo wa mina wu lo nyawutana loku a wulawulile na mina. Nzi lo mu lava, kanilezi a nzi mu kumangi; Nzi mu vitanile, kanilezi a nga nzi hlamulangi.

Isaya 66:3

Loyi a tlhavako homu i fanana ni loyi a dayako munhu; Loyi a phahlelako hi yivana i fanana ni loyi a sokorotako a mbyana; Loyi a mahako munyikelo wa mapa i fanana ni loyi a nyikelako hi nkhata wa khumba; Loyi a hisako a libani i fanana ni loyi a khozelako xifananiso. Kota lezi va ranzako a tindlela tabye wutsumbu; Ni mihefemulo yabye yi tsakela manyalataniso,

Jeremia 11:11

Hikwalaho Jehova i ngalo: Nzi ta neha khombo hehla kabye, va nga ta huluka ka gona; va ta rila ka mina, kanilezi nzi nga ta va ingisa. Mav. 1:28; Isa. 1:15

Jeremia 11:14

Hikwalaho u nga va kombeleli lava vanhu; u nga dzuki u tlakusa gezu ha vona hi mikombelo, hakuva nzi nga ta vazwa a xikhati va rilako ka mina hi kota ya khombo gabye.

Jeremia 14:12

Loku va yila, nzi nga tazwa a kurila kabye; loku va nyikela a muphahlo wa kuhiswa ni wa zakuga, nzi nga ta wu tsakela; kanilezi nzi ta va lovisa hi supado, ni ndlala, ni ntungu. Mav. 1:28; Isa. 1:15

Jeremia 7:4

Mu nga tsumbi timhaka ta mawunwa, taku: Tempeli ya Jehova, tempeli ya Jehova, a tempeli ya Jehova hi yaleyi!

Mikosi 3:44

U ti khubhunyetile hi refu, Kasi a mukombelo wu nga chikeli ka wena.

Ezekieli 8:18

Hikwalaho minawu nzi ta va holovela. A tihlo ga mina gi nga ta va nyenyeletela, ge nzi nga ta va zwela wusiwana. Hambu loku va rila tindleveni ta mina hi gezu ga hombe, nzi nga ta va ingisa. Mav. 1:28; Jer. 11:11

Ezekieli 8:6

I te ngalo ka mina: Nʼwana wa munhu, wa zi wona lezi va mahako ke? Nja hombe a manyalataniso lawa a yindlu ya ka Israeli yi mahako laha, lezaku nzi fela ku Suka lomu ndlwini ya mina yo basa. Kanilezi wa ha ta wona a manwani manyalataniso ya hombe yo tlula lawa.

Hosea 8:13

Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22

Amosi 8:12

Va ta nzula mabimbini wontlhe, kusukela Nwalungu kala wuceni; va ta tsenzeleka va hlota a mhaka ya Jehova, va nga yi kumi.

Mika 3:4

Hikwalaho Jehova a nga ta va hlamula loku va rila kakwe. Xikhatini lexo i ta va fihlela a nghohe yakwe hi kota ya zimaho zabye zi bihileko. Deut. 31:18; Isa. 1:15; Jer. 11:11

Malaki 1:10

O loku ku wo khwa i kona xikari ka nwina loyi a nga valako a tinyangwa, kasi mu nga dziveli a nzilo mahala laha alatini ga mina! A nzi xalaliswi hi nwina, ku wula Jehova wa tiyimpi, kambe nzi nga ta amukela a muphahlo wu tiswako hi canja ga nwina.

Luka 5:16

Kanilezi yena i lo famba xiwuleni, a ya khongela.

Johani 7:34

Mu ta nzi lava, kanilezi mu nga ta nzi kuma; ni laha nzi nga kona, nwina a mu zi koti kuta. Hos. 5:6; Xip. 13:33