Hosea 4:13 - Tshwa Bible

¹³ Va phahlela hehla ka zitsunga, va hisa libani lomu migangeni, ni lahasi ka mikuhlu ni mapoplari ni mikanyi, hakuva a minzhuti ya zona yi nene. Hikwalaho a vanhanyana va nwina va bhaya, ni vakatamwane va nwina va maha wuoswi.

Hosea 4:13 Mawu Ofanana

2 Tihosi 17:7

Hakuva a vanana va ka Israeli va wa onhele Jehova Nungungulu wabye loyi a va humesileko tikweni ga Gipite, lahasi ka canja ga Faro a hosi ya le Gipite, kambe va wa khozele vanwani vanungungulu. Levi 18:3

2 Tihosi 23:7

I lo khungumulela a tiyindlu ta vanhu lava va ti nyiketelako wubhayini va tshamileko lomu ndlwini ya Jehova, laha a vavasati va lukelako kona a matenda ya Axtarte.

Isaya 1:29

Hakuva va tava ni tingana hi kota ya tisinya ta mikuhlu leti mu nga tsaka ha tona, mu wiswa tingana hi kota ya masimu lawa mu ma ranzileko.

Isaya 57:5

Nwina lava mu vurako lahasi ka mikanyi, A hasi ka sinya yinwe ni yinwani yi hlukako; Nwina lava mu dayako vanana lomu mikoveni, Ni lomo timhakweni ta maribye. Levi 18:21; 1 Tih. 14:23

Isaya 57:7

U andlele a sango ga wena xitsungeni xi tlakukileko, Hi laho kambe u kanzihileko a ku ya phahlela hi timhamba.

Jeremia 2:20

Hakuva hi kale na u tshovile muyoko wa wena, U phewulela a tingoti ta wena, uku: Nzi nga ha ta tira. Hakuva u baramile zitsungeni zontlhe zo tlakuka. Ni lomu hasi ka tontlhe tisinya to nyuka, u maha wubhayi.

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Jeremia 3:6

Jehova i lo wula ka mina masikwini ya hosi Josia, aku: Xana u wonile lezi Israeli a wasati loyi a hambukileko a nga zi maha ke? Yena i kanzihile a zitsunga zontlhe zi tlakukileko, ni hasi ka tontlhe tisinya to nyuka, kwalomo i na si hutsetse wubhayini. 2 Tih. 17:10

Jeremia 44:8

Mu vindlusela yini a zanga ya mina hi mitiro ya mandla ya nwina, mu hisela vanwani vanungungulu a tibani lomu tikweni ga Gipite, lomu mu tileko mu ta luvela, kasi mu fela ku susiwa mu mahiwa xiruko, mu tseketselwa xikari ka matiko wontihe ya misava ke?

Ezekieli 16:16

U tekile a tinguwo ta wena u ti mahela ha tona a matshamu ma tlakukileko ma bombisilweko hi mivala ya tixakaxaka, u maha wuoswi hehla ka wona. A zilo zo tano a zi na nga maheka, ge zi nga tava zi mahekile.

Ezekieli 16:25

A mahanzakanyeni wontihe u akile matshamu ma tlakukileko, a wumbhuri ga wena u gi nyenyezisa, na u ti nyikela ka vontlhe vahunzi, u enzelekisile a wuoswi ga wena.

Ezekieli 6:13

Nwina mu ta zi tiva lezaku nzi mina Jehova, laha a vanhu vabye va delweko va mbambamela xikari ka zifananiso zabye, ni lomu matlhelweni ya maganzelo yabye, ni ka miganga yontlhe, ni lomu hehla ka zitsunga, ni lomu hasi ka tisinya to nyuka, ni hasi ka tisinya tontlhe ta mikuhlu, laho va nga mahela kona a minyikelo yo nuhela ka zontlhe zifananiso zabye.

Hosea 10:8

Ku ta lobyiswa ni matshamu ma tlakukileko ya le Aven ma nga xionho xa Israeli. A mizwa ni zigetlwani zi ta mita lomu maalatini yabye; zonake va taku ka zitsunga: Hi khubhunyeteni! Vaku ka miganga: Welani hehla ka hina! Isa. 2:19; Lu. 23:30; Kuv. 6:16

Hosea 11:2

Kanilezi va lo fularela lava va nga vitana; va lo phahlela ka vaBaali, va hisela zifananiso a tibani.

Hosea 2:13

Nzi ta mu tsayisa hi kota ya masiku ya maBaali, lawa a va hiseleko ho wona a libani, laha a nga ti bombisa hi zingwavila zakwe ni tinzalama takwe, a lanzela zigangu zakwe, mina a nzi rivala, ku wula Jehova.

Amosi 7:17

Hikwalaho Jehova i ngalo: A sati wa wena i tava xibhayi lomu mutini, a vafana va wena ni vanhanyana va wena va ta dawa hi supado; a masimu ya wena ma ta panzelelwa mimbhingano. Wena wutsumbu u ta fela tikweni gi nga hlazekangiko, na Israeli futsi i ta humeswa tikweni gakwe a yiswa wukhumbini. 2 Tih. 17:6, 18, 24