Hosea 3:5 - Tshwa Bible

⁵ Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Hosea 3:5 Mawu Ofanana

1 Tihosi 12:16

Laha vontlhe va ka Israeli vanga wa wonile lezaku a hosi a yi va ingisangi, a vanhu va lo hlamula hosi, vaku: Hi na ni xiavelo muni na Davida ke? Hina a hi na tshomba ni nʼwana Jese! Va ka Israeli, fambani matendeni ya nwina! Wena Davida, cuwuka a yindlu ya wena nwinyi! Zinghaho a va ka Israeli va lo tlhelela matendeni yabye.

Isaya 17:7

A ka siku lego a vanhu va ta cuwuka ka Mumahi wabye, Ni mahlo yabye ma ta khatalela loyi wa ku Basa wa ka Israeli.

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Isaya 2:3

A matiko yo tala ma taya, ma yaku: Ngonani, a hi kanziheni hiya xitsungeni xa ka Jehova, a ndlwini ya Nungungulu wa Jakobe, i ta hi gonzisa a tindlela takwe; zonake hi ta famba mipfutleni yakwe. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Isaya 60:5

Zonake u ta zi wona u tsaka, A mbilu ya wena yi ta tlula-tlula yi nengela, Hakuva a kufuma ka bimbi ku ta tiswa ka wena, Ni titshomba ta matiko ti tata ka wena.

Isaya 9:13

Kanilezi a vanhu a va tlhelelangi ka loyi a va bako, Ge, hambu ku lava Jehova wa tiyimpi.

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.

Jeremia 30:24

A zanga yo tshisa ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa.

Jeremia 30:9

Kanilezi va ta tirela Jehova, Nungungulu wabye, Na Davida, hosi yabye, Loyi nzi to va vuxela yena.

Jeremia 33:17

Hakuva Jehova i ngalo: Davida cima a nga ta vumala munhu a tshamako xitshanwini xa wuhosi xa yindlu ya Israeli; 2 Sam. 7:16; 1 Tih. 2:4; 8:25

Jeremia 33:9

A muti lowu wu tava litsako ni wudzunzo ni wudumo ka mina mahlweni ka tontlhe a tixaka ta misava, leti ti ta ngazwa wunene gontlhe nzi ta nga va mahela; ti ta chava ni ku rurumela hi kota ya gontlhe a wunene ni kuvuvuma kontlhe nzi to va mahela kona.

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Ezekieli 38:16

U tata u talwa ni tiko ga mina Israeli, u kotisa refu gi fenengetako misava. Loku ku hunzile malembe yo tala nzi ta ku ruma u yalwa ni tiko ga mina, kasi a matiko ma fela ku nzi tiva, laha nzi ta nga hlawuleka ha wena Goge, mahlweni kabye.

Ezekieli 38:8

Anzhako ka masiku yo tala u ta vitaniwa; loku ku hunzile malembe yo tala wena u talwa ni tiko legi gi ponileko supado, legi gi tsombanyisilweko hi le matikweni manyingi le zitsungeni za ka Israeli, lezi a xikhati xo leha zi nga wa hi marumbi; a vanhu va hu-mesilweko hi le matikweni, kasi vontlhe va tshama kona hi kurula.

Danieli 10:14

Makunu nzi tile ku ta ku byela lezi zi ta nga maheka ka tiko ga wena masikwini yo gumesa, hakuva muwoniso wa masiku ya le kule.

Danieli 2:28

Kanilezi i kona Nungungulu le tilweni loyi a tsetsulako a mifihlakalo, hi yena a tivisileko hosi Nebukadnezzare lezi zi ta nga maheka masikwini ma ha tako. A noro wa wena ni miwoniso leyi u yi wonileko sangweni ga wena, hi lezi:

Hosea 1:11

A vana va ka Juda ni vana va ka Israeli va ta tlhangana va ti yimisela hosi yinwe, va huma tikweni, hakuva gi tava ga hombe a siku ga Jezreeli. Joh. 10:16; Efe. 1:22

Hosea 11:10

Va ta lanzela Jehova loyi a ta nga dzumadzuma khwatsi i nghala. Hakuva i ta dzuma, a vanana va tata kakwe hi kururumela, na va huma hi Mupela-gambo.

Hosea 5:15

Nzi ta tlhela nzi ya tshama wutshanweni ga mina, kala va wulela zionho zabye, va hlota a nghohe ya mina. Hlomulweni wabye va ta nzi hlotisisa.

Hosea 5:6

Va ta hlota Jehova ni mitlhambi yabye ya tiyivu ni ya tihomu, kanilezi va nga ta mu kuma; i humele xikari kabye.

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Amosi 9:11

Hi siku lego nzi ta vuxa a tenda ga Davida legi gi wileko, nzi lema a tifa ta gona; nzi ta vuxa marumbi yakwe, nzi ta gi aketa khwatsi hi lezi gi nga hi zona kale;

Mika 4:1

Masikwini yo gumesa a xitsunga xa yindlu ya ka Jehova xi ta yimisiwa hehla ka zitsunga, xi ta tlakuswa hehla ka miganga, a matiko ma ta tsombana ka xona.

Mitsengo 24:14

Makunu mina nza famba ka hina. Kanilezi ngone nzi ta ku kombisa lezi zi ta nga mahiwa hi lava vanhu lomu tikweni ga wena ka masiku ma ha tako.

Va le Roma 11:25

Hakuva vamakabye, a nzi ranzi lezaku mu kohlwa hi fihlakalo lowu, mu nga dzuka mu alakanya lezaku mu tlharihile; lezaku a vaIsraeli va nonohisile a xipanze xa vona, va kala va enghena a vamatiko vontlhe; Lu. 21:24; Kuv. 7:9

Va le Roma 2:4

Kutani u kanyisa a kutala ka wunene gakwe ni kuhunisela ni kutimisela kakwe ke? A ku zi tivi lezaku a wunene ga Nungungulu gi lava ku ku kokela kuhunzulukeni ke? Ekso. 34:6; Efe. 1:7; 2 Ped. 3:9

Deuteronome 4:30

Laha u ta ngava zikaratweni, ni loku lezi zilo zontlhe zi chikela ka wena, hi zikhati za ha tako u ta tlhelela ka Jehova Nungungulu wa wena, zonake u ta ingisa a gezu gakwe.