Hosea 3:4 - Tshwa Bible

⁴ Hakuva a vanana va ka Israeli va ta tshama masiku manyingi na va nga hi na hosi, va nga hi na hosana, va nga hi na miphahlelo, va nga hi na mhinga, va nga hi na efodi kutani terafime.

Hosea 3:4 Mawu Ofanana

Genesisi 31:19

Labani i wa yile ku ya kaya tiyivu; Rakeli i lo yiva materafime ya raru wakwe. Vala. 17:5; 1 Sam. 19:13; Hos. 3:4

Genesisi 31:34

Makunu Rakeli i wa tekile a materafime a ma tumbeta lomu ka xigabhatsa xa kameli a xi tshamela. Labani i lo lavisisa kontlhe lomu tendeni, kanilezi a nga ma kumangi.

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

2 Samueli 6:14

Zonake Davida a kina hi ntamu wakwe wontihe mahlweni ka Jehova, na ambele a efode ya wukene.

2 Tihosi 23:24

Ni kambe Josia i lo hlongola vangoma, ni zitumbe, ni materafime, ni zifananiso za vanungungulu, ni wontihe manyala lawa ma wonilweko lomu tikweni ga ka Juda ni ga Jerusalema, kasi ku tiyisa a timhaka ta nayo leti ti tsalilweko lomu bhukwini legi mupristi Hilkia a gi thumbileko lomu ndlwini ya Jehova. Levi 19:31; Deut. 18:10; Isa. 8:19

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

Eksodusi 28:4

A tinguwo leti va ta nga ti maha hi leti: a ngenge ya laha xifuveni, ni efode, ni bhaji go leha, ni hembe, ni xihuku, ni bhandi. Va ta mahela nakuloni Aroni ni vana vakwe a tinguwo leti ti basileko, kasi va fela ku tira a ntiro wa wupristi mahlweni ka mina.

Eksodusi 28:6

Va ta maha a efode hi nzalama, ni wukuxe, ni kuzirila, ni kupswhuka, ni wukene go saseka gi khatilweko, hi mitiro ya wutlhari.

Mikosi 2:9

A tinyangwa takwe ti wile lahasi, a tshoveletela zikwinyaro za kona; A hosi ni tihosana ta kona ti lomu matikweni, a ka ha hi na nayo; A vaprofeti vakwe a va ha kumi miwoniso hi ka Jehova.

Ezekieli 19:14

A nzilo wu la su gwava lomu maravini, wu hisa mihanzu, Laha kaku ni ravi go ringana a nhonga ya wuhosi a ga ha hi kona. 2 Kro. 36:11, 19 Lowu hi wona nkosi, va ta nga bela nkosi ha wona.

Ezekieli 20:32

Lezi nwina mu zi alakanyako zi nga ta maheka, lezi mu nge: Hi ta fanana ni yinwani mifumo ni tixaka ta matiko: hi ta khozela a tisinya ni maribye. Deut. 4:28

Ezekieli 21:21

Hakuva a hosi ya le Babuloni yi yimile laha mahanzakanyeni ya tindlela timbiri, kasi ku vumba; yi chukumisa a tigalala, yi wutisa zifananiso, yi cuwuka lomu ka xivinzi.

Ezekieli 21:31

Nzi ta chulula a zanga ya mina hehla ka wena, nzi ta ku pupuxela hi nzilo wa khulo ga mina, nzi ku nyikela mandleni ya vanhu va tihanyi, lava va tlharihileko kuloviseni.

Danieli 11:31

A mabutho ma rumilweko hi yena ma ta nyenyezisa a wutshamu ga kubasa ni khokhola, va ta fuvisa a minyikelo ya kuhiswa ya simasima, va yimisa a manyalataniso ya mbangalakasa. Mitse. 28:4; Mat. 24:15

Danieli 12:11

Kusukela xikhatini lexi a minyikelo ya kuhiswa va simasima yi ta nga fuviswa, ku yimiswa a manyalataniso ya mbangalakasa, ku tava 1,290 wa masiku.

Danieli 9:27

Yi ta maha xivumelwano xi tiyileko ni vanyingi ka viki ginwe. Hi khihlanya ga viki yi ta maha a miphahlelo ni minyikelo ya tinzhoho yi yima. A muhahluli i tata hehla ka tipapa ta manyalataniso ya mbalakasa, kala a tsayiselelo lowu wu yimisilweko wu chululiwa hehla ka muhahluli. Isa. 28:22; Mat. 24:15; Mar. 13:14

Hosea 13:10

Yi kwihi a hosi ya wena, leyi yi faneleko ku ku ponisa mitini ya wena yontlhe? Ni Valamuli va wena lava u ngaku kabye: Nzihe a hosi ni tihosana, va kwihi ke?

Hosea 13:11

Nzi ku nyikile a hosi zangeni ya mina, nzi ta yi susa hi khulo ga mina.

Hosea 2:11

Nzi ta mbhetisa a litsako lakwe lontlhe, ni mibuzo yakwe, ni mihlakano ya kuwoneka ka hweti, ni masabado yakwe, ni tihlengeletano takwe tontlhe ta ximuse.

Levi 8:7

I lo ambexa Aroni a hembe, a mu boha hi bhandi, ni ku mu ambexa ni nghanju, zonake i lo mu ambexa ni efode, a yi tiyisa hi ngoti ya kona.

Zakaria 10:2

Hakuva a materafime ma wulawula zahava, ni vangoma va vumba mawunwa; vanyamilorwani va lora zahava, va tangalisa hi lezi zi nga nyawuliko. Hikwalaho a vanhu va penga kota a ntlhambi wa tiyivu, va xaniseka hi ku vumala murisi. Isa. 8:19; Mat. 9:36

Zakaria 13:2

Hi siku lego, ku wula Jehova wa tiyimpi, nzi ta fuvisa a mavito ya zifananiso laha tikweni, zi nga ha alakanyiwi kambe. Nzi ta hlongola a vaprofeti ni moya wu nga hlazekangiko lomu tikweni. Ezek. 30:13; Hos. 2:17; 1 Joh. 4:1

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Johani 19:15

Va lo kanyuluka, vaku: Mu suse, mu suse, mu belele! Pilatu aku kabye: Nzi belela a hosi ya nwina ke? A vapristi va hombe va lo hlamula, vaku: A hi na hosi saseka Kesari. Gen. 49:10

Maheberu 10:26

Hakuva loku hi onha ha womu anzhako ka kuva na hi tivile zinene, a wa ha hi kona a muphahlo wa zionho; Mitse. 15:30; 2 Ped. 2:20

Valamuli 17:5

Hilezo inaloyi Mika i wa hi ni yindlu ya vanungungulu. I lo ti mahela a efode, ni terafime, a hlawula a munwe wa vafana vakwe a mu maha mupristi wakwe. Gen. 31:19; 1 Sam. 19:13

Valamuli 18:14

Zonake a ntlhanu wa vavanuna lava va nga wa yile ku ya hlola tiko ga le Laixa, va lo wutisa vamakabye vabye, vaku: Ma zi tiva lezaku lomu tindlwini leti ku na ni efode, ni terafime, ni xifananiso xi vatlilweko ni xinwani xi wumbilweko ke? Hikwalaho ehleketani makunu lezi mu ta nga ya maha.

Valamuli 8:27

Gideoni i lo maha a efode ha zona, a yi veka le Ofra, laha mutini wabye. Kanilezi a vaIsraeli va lo maha wuoswi ha yona, yi maha kambe a ziyo ka Gideoni ni ka yindlu yakwe yontlhe. Ekso. 28:4, 6

1 Samueli 14:3

Ahija nʼwana Ahituba a nakulobye wa Ikabode nʼwana Fineasi wa Eli, a mupristi wa Jehova le Xilo i wa ambele a efode. Ni vanhu a va zi tivangi lezaku Jonatani i fambile.

1 Samueli 15:23

Hakuva a kuhluwuka ku fanana ni wutumbe, ni xikanikani xi fanana ni ku khozela xifananiso ni terafime. Makunu kota lezi u alileko a gezu ga Jehova, yenawu i ku alile; u nga ha ta kuva hosi kambe.

1 Samueli 2:18

Kanilezi Samueli i wa khozela mahlweni ka Jehova na a ha hi nwanana, a ambala a efode ya wukene. Ekso. 28:4, 6

1 Samueli 21:9

A mupristi! te ngalo: Laha ku na ni supado ya Goliate a muFilistia loyi u nga mu daya le minzhelelweni ya mikanyi; hi yona yi tsonzelweko lomu ka nguwo hi le nzhako ka efode. Loku u zi ranza ku yi teka, yi teke, hakuva laha ku hava yinwani. Davida i te ngalo: A ku na yinwani yo kota yona, nzi nyike yona.

1 Samueli 22:18

A hosi yi te ngalo ka Doegi: Ngone laha u ta daya vapristi! Zonake Doegi a muEdomi i lo ta daya vapristi. Lego siku i lo daya 85 wa lava va ambeleko a efode ya wukene. Ekso. 28:40

1 Samueli 23:6

Makunu laha Abiatari nʼwana Ahimeleki a nga chavela; ka Davida le Keila, i wa hi ni efode canjeni gakwe.

1 Samueli 23:9

Kanilezi Davida i lo zi tiva lezaku Saule i tsemile xikungo xa ku mu hlota, zonake i te ngalo ka Abiatari a mupristi: Neha a efode!

1 Samueli 30:7

Davida i te ngalo ka mupristi Abiatara; nʼwana Ahimeleki: Neha laha a efode. Abiatara i lo neha a efode ka Davida.