Hosea 2:8 - Tshwa Bible

⁸ Hakuva a nga zi tivangi lezaku nzi mu hile zakuga, ni vinya, ni mafura, nzi mu anzisela a siliva ni nzalama leyi va nga maha ha yona zifananiso za Baali.

Hosea 2:8 Mawu Ofanana

1 Kronekele 29:16

Jehova Nungungulu wa hina, zontlhe zilo lezi hi zi longiseleko ku aka ha zona a yindlu, yi lumbako vito ga wena go basa, zita hi le canjeni ga wena, zontlhe za wena.

Joba 19:8

Yena i bhiyile a ndlela ya mina, a nzi zi koti ku hunza; Yena i vekile munyama lomu tisokweni ta mina.

Isaya 1:3

A homu ya tiva a nwinyi wa yona, ni mbongola ya tiva a xigowolo xa nwinyi wa yona, kanilezi Israeli a nga tivi nchumu, a vanhu va mina a va pimi nchumu.

Isaya 46:6

Va humesa a nzalama mikwameni, va pima a siliva xikalwini; Va vitana a mufuli a kuva a maha nungungulu ha zona, Loyi va ta nga mu khizamela, va mu khozela. Vala. 17:4; Jer. 10:3

Jeremia 7:18

A vanana va wungeletela tihunyi, a vararu va dzivela nzilo, ni vavasati va vuva mapa, kasi ku maha zikhekhetselo ka muzinza wa tilo; na va nyikela minyikelo ya zakunwa a ka vanwani vanungungulu, kasi ku nzi vuxela zanga.

Ezekieli 23:41

zonake u lo tshama laha mubhedini wo saseka, na ku hi ni meza yi longisilweko mahlweni ka wona, laha u nga veka a libani la mina ni mafura ya mina.

Danieli 3:1

Hosi Nebukadnezzare i lo maha a xifananiso xa nzalama, a kutlakuka ka xona ku wa hi 60 wa mikono, ni 6 wa mikono a kuanama. I lo xi yimisa lomu nkoveni wa Dura, a tikweni ga Babuloni.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Hosea 10:1

Israeli i vina wu tlhumileko nguvu, wu pswalako mihanzu. I anzisile a maalati yakwe maringano ni wunyingi ga mihanzu yakwe; laha a misava yakwe yi nga enzeleka ku nona, hi kona a nga engetela kusaseka ka zifananiso.

Hosea 13:1

Laha Efraime a nga wulawula a kuchava ku wa hi kona. I ti tlakusile lomu tikweni ga Israeli, kanilezi laha a nga ti rwexa nanzu ha Baali, i lofa.

Hosea 13:2

Makunu va simamisa ku onha, va ti mahela a zifananiso zi chululweko hi siliva yabye, zi nga zifananiso za vanungungulu va kupima kabye; zontlhe lezi hi mitiro ya vafuli. Va wulawula ha zona, vaku: Lava va phahlelako ngha va pswopswa marole.

Hosea 2:5

Hakuva a nyine wabye i mahile wuoswi, loyi a va belekileko i mahile zilo za tingana. I te ngalo: Nzi ta lanzela a zigangu za mina, lava va nzi phamelako va nziha mati, va nzi nyika a woya ga tiyivu, ni wukene, a mafura ya mina ni zakunwa.

Hosea 4:11

A wubhayi, ni vinya, ni byala zi daya a kupima.

Hosea 8:4

Va ti langele tihosi, na ku nga hi kuleletela ka mina; va yimisa tihosana, na mina nzi wa nga zi tivi. Va ti mahele zifananiso hi siliva ni nzalama yabye, kasi va fela ku lobyiswa.

Habakuka 1:16

Zonake a phahlela a likoka lakwe, a hisela masole yakwe a libani, hakuva hi zona zi nonisako a xiavelo xakwe, ni zakuga zakwe zi nanziha.

Luka 15:13

Anzhako ka masiku ma tsongwani, a nʼwana loyi wa nzisana i lo hlengeletela zontlhe, a famba matiko wundle; a ya hangalasa a tshomba yakwe hi kuonhakala.

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

Deuteronome 8:18

Alakanya Jehova Nungungulu wa wena, hakuva hi yena a ku nyikileko ntamu a ku ti lavela tshomba, a kuva a tiyisa xivumelwano lexi a hlambanyileko ka vararu va wena, khwatsi hi lezi a mahako ni nyamutlha lezi.

Valamuli 9:27

Va lo huma vaya masinwini, va ya kolela mauva va ma kamela, va maha mibuzo, vaya lomu ndlwini ya mingungulu wabye va yaga, vanwa, va rukatela Abimeleki.