Hosea 2:21 - Tshwa Bible

²¹ A sikwini lego nzi ta hlamula, ku wula Jehova; nzi ta hlamula matilo, wona ma ta hlamula misava.

Hosea 2:21 Mawu Ofanana

Isaya 55:10

Kota lezi a vula ni gapongo zi nako hi le tilweni, Zi nga tlheliko na zi nga se ku tsakamisa misava, Zi yi nonisa ni ku yi milisa, Kasi ya nyika mbewu ka mubyali, ni zakuga ka mugi;

Isaya 62:4

U nga ta ha wuliwa lezaku u Loyi a tsikilweko, Ge hambu tiko ga wena ku vitanwa lezaku Wa xiwunza; Kanilezi u ta vitanwa aku Xiranzwa, Ni tiko ga wena gi ta vitanwa aku Khosikazi; Hakuva Jehova wa xalaliswa ha wena, Ni tiko ga wena gi tava ni nuna.

Isaya 62:5

Hakuva khwatsi hilezi a jaha gi chadako nhwana, Zinghaho a vana va wena va ta tekana na wena; Ni kota lezi a muyeni a tsakelako muswika wakwe, Zinghaho a Nungungulu wa wena i ta ku tsakela.

Isaya 65:24

Ku ta maheka lezaku na va nga se ku vitana nzi ta va hlamula, Ni loku va ha wulawula nzi ta ingisa. Gen. 24:15; Dan. 9:23; Mat. 7:7

Ezekieli 36:29

Nzi ta mu ponisa ka kontlhe a ku nga hlazeki ka nwina. Nzi ta vitana a mavele, nzi ma enzelekisa, nzi nga ha vangi a ndlala xikari ka nwina. Hos. 2:21; Joeli 2:21

Hosea 14:7

Lava va akileko nzhutini wakwe va ta tlhela va hluka kota mavele, va pfepfa ku fanana ni vina. A wudumo gakwe gi ta fanana ni ga vinya ga Lebanoni.

Joeli 2:19

Jehova i to hlamula aku ka vanhu vakwe: Langutani, nzi ta mu rumela mavele ni vinya ni mafura, mu ta xura ha zona. Nzi nga ta ha mu maha a xiruko xikari ka matiko. Deut. 28:11

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Zakaria 8:12

A mbewu ya kurula yi tava kona; a vina wu ta humesa a mihanzu ya wona, ni misava yi ta humesa a pfuno wa yona, ni tilo gi ta vanga nzhokati ya gona. Zontlhe lezi nzi ta zi nyika ka misalela ya vanhu lava a kuva tshomba yabye.

Zakaria 8:8

Nzi ta va wuyisa, va ta tshama xikari ka Jerusalema; va tava vanhu va mina, mina nzi maha Nungungulu wabye, hi zinene ni kululama.

Malaki 3:10

Nehani zontlhe za wukhume a ndlwini ya kuveketela, kasi ku fela kuva ni zakuga ndlwini ya mina, mu nzi ringa ha zona, ku wula Jehova wa tiyimpi, kasi ku wona loku nzi ta kala nzi nga mu vululeli a tinjhanela ta tilo nzi mu chululela a makatekwa yo tlhela mu vumala ni wutshamu go chela kona.

Malaki 3:11

Nzi ta mu hawukela a humbi, kasi yi nga mu dayeli a mihanzu ya misava ya nwina; ni mivina ya nwina yi nga ta tlhatlheka hi mahlweni ka xikhati lomu masinwini, ku wula Jehova wa tiyimpi.

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?