Hosea 2:19 - Tshwa Bible

¹⁹ Zonake nzi ta ku teka uva wa mina kala kupinzuka; nzi ta ku teka hi kululama, ni nongameto, ni tipswalo, ni wuxinji.

Hosea 2:19 Mawu Ofanana

Tisimu 85:10

A wuxinji ni kutsumbeka zi tlhangene kona, A kululama ni kurula zi pswopswene.

Isaya 1:27

Zioni i ta tlhatlhiswa hi nongameto, ni vahunzulukileko va gona hi kululama.

Isaya 54:14

U ta bhiyelwa hi kululama, U tava kule ni kutsimbeketwa, U nga ta chava nchumu, Ni lobyiselelo wu nga ta ha tshinela ka wena.

Isaya 54:5

Hakuva a Muvangi wa wena hi yena nuna wa wena, Leyi a nga Jehova wa tiyimpi a vito gakwe; Loyi a Basileko wa ka Israeli Mutiruli wa wena, A ta nga vitanwa lezaku i Nungungulu wa misava yontlhe. Rom. 3:29

Isaya 54:6

Hakuva Jehova wa ku vitana khwatsi u wasati a tsikilweko, Loye a karatekako moyeni; A sati a lowolweko kuranga a nga hlongolwa ke? Ku wula Nungungulu wa wena.

Jeremia 4:2

Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17

Ezekieli 16:8

Laha nzi nga hunza laha u nga hi koha, nzi lo wona lezaku a xikhati xa Wena xa liranzo xi wa chikele; nzi lo tshambuluta a nkumba wa mina hehla ka wena, nzi fenengeta a wumbyiri ga wena. Ina, nzi lo ku hlambanyela; nzi maha xivumelwano zinwe na wena, zonake u lo maha wa mina, ku wula Hosi Jehova. Gen. 22:16; Rute 3:9; Hos. 2:2

Ezekieli 39:29

ge hambu ku va fihlela a nghohe ya mina kambe; hakuva nzi chulule a Moya wa mina hehla ka yindlu ya ka Israeli, ku wula Hosi Jehova. Joeli 2:28; Miti. 2:17

Hosea 14:4

Nzi ta chuma a kutlhelela kabye nzhako, nzi va ranza hi mbilu yontlhe ya mina, hakuva a zanga ya mina yi sukile kabye.

Joeli 3:20

Kanilezi Juda i ta tshama kala kupinzuka, na Jerusalema kala ka zizukulwana ni zizukulwana.

Zakaria 13:2

Hi siku lego, ku wula Jehova wa tiyimpi, nzi ta fuvisa a mavito ya zifananiso laha tikweni, zi nga ha alakanyiwi kambe. Nzi ta hlongola a vaprofeti ni moya wu nga hlazekangiko lomu tikweni. Ezek. 30:13; Hos. 2:17; 1 Joh. 4:1

Johani 3:29

Loyi a nga ni mutekiwa hi yena muteki; kanilezi a nyatsumi wa muteki, loyi a yimako kona a muzwa, wa tsaka nguvu hi kota ya gezu ga muteki; hi kona kutsaka loku ku tatisekileko ka mina. Mat. 22:2; Efe. 5:25; Kuv. 21:9

Va le Roma 7:4

Hizalezo na nwina vamakabye va mina, mu file hi tlhelo ga nayo hi miri wa Kristu; aku kasi mu fela ku tlhanganyiswa ka munwani, a nga yena loyi a vuxilweko hi ka vafileko, lezaku hi fela ku humesa mihanzu ka Nungungulu. Hos. 2:19; Gal. 2:19; Efe. 2:15

2 Va le Korinte 11:2

Nza lusa ha nwina hi xiluse xa Nungungulu; hakuva nzi lo mu nyikela a ku wutiwa hi nuna munwe, kasi nza fela ku mu yisa ka Kristu na mu hi nhwana a basileko. Levi 21:13; Hos. 2:19; 1 Kor. 4:15; Gal. 4:17; Kol. 1:28

Kuvululelwa 21:2

Nzi lo wona muti wo basa, a Jerusalema giswa, na gi relela hi le tilweni ka Nungungulu, na gi longisilwe kota muswika a bombiselweko nuna wakwe. Isa. 52:1; 2 Kor. 11:2; Maheb. 12:22