Hosea 2:13 - Tshwa Bible

¹³ Nzi ta mu tsayisa hi kota ya masiku ya maBaali, lawa a va hiseleko ho wona a libani, laha a nga ti bombisa hi zingwavila zakwe ni tinzalama takwe, a lanzela zigangu zakwe, mina a nzi rivala, ku wula Jehova.

Hosea 2:13 Mawu Ofanana

2 Tihosi 1:2

Ahazia i lowa hi laha njhaneleni ya yindlu yakwe le xitezi, leyi yi nga wa hi le Samaria; i lo babya. Zonake i lo rumela a mitsumi aku ka yona: Fambani mu ya wutisa ka Baali-Zebuba, a nungungulu wa va le Ekroni, kasi nza fela ku tiva lezaku xana nzi ta hanya ka wubabyi legi.

2 Tihosi 10:28

Jehu i lo lovisisa lezo Baali xikari ka va ka Israeli.

2 Tihosi 21:3

I lo aketa a matshamu ma tlakukileko lawa ma nga wa khungumulwe hi raru wakwe Hezekia, a aketa ni alati ga Baali, a maha xifananiso xa Axtarte, khwatsi hi lezi a nga wa mahile Ahabi a hosi ya ka Israeli; i lo khizamela wontihe mabandla ya tilo a ma khozela.

Joba 8:13

Zinghaho ni tindlela ta vontlhe lava va rivalako Nungungulu; Ni kutsumba ka mukhohlisi ku ta gumelwa.

Tisimu 106:13

Va lo hatlisa va rivala mitiro yakwe, A va rinzelangi a makungo yakwe.

Tisimu 106:21

Va lo rivala Nungungulu, Muhanyisi wabye, Loyi a nga maha zilo za hombe le Gipite;

Tisimu 78:11

Va lo rivala a mitiro yakwe. Ni zihlamaliso lezi a nga va kombisa.

Eksodusi 32:34

Suka makunu u rangela vanhu, u ya navo laha nzi ku leleteleko kona. Languta a ngelosi ya mina yi ta rangela mahlweni ka wena. Kanilezi a siku ga ku va tsayisa ka mina, nzi ta va tsayisa hi zionho zabye.

Isaya 17:10

Hakuva u tsikile Nungungulu wa kuhanyiswa ka wena, A ku alakanyangi a ribye ga khokhola ga wena, Hikwalaho u ta rima a masimu ya zibyalo zo saseka, U sima kona a zibyalo za le matikweni.

Isaya 65:7

A zigoho zabye, ku wula Jehova, Zinwe ni zigoho za vadadani vabye, Lava va hisileko tibani hehla ka zitsunga, Va nzi rukatela hehla ka miganga. Hikwalaho nzi ta va pimela a hakhelo ya mitiro yabye ya kale. Ekso. 20:5; Hos. 4:13

Jeremia 11:13

Hakuva a tsengo wa vanungungulu va wena wu ringana ni wa miti ya wena, O Juda! Mu yimisile a maganzelo ka lexi xa tingana ma ringana ni tsengo wa maruwa ya lomu Jerusalema: ma nga maganzelo yo hisela libani ka Baali. 2 Kro. 28:24

Jeremia 18:15

Hakuva a vanhu va mina va nzi rivakelwe, Va hisile libani ka zifananiso; Zi va khunguvanyekisile tindleleni tabye, a mipfutleni ya kale, Kasi va njenjereka ndleleni yo hambuka leyi yi nga bhoxiwangiko.

Jeremia 2:32

Xana a nhwana a nga rivala a wubombi gakwe ke? Kutani a muswika ku rivala a nchalachala wakwe? Kasike a tiko ga mina gi nzi rivele hi kale.

Jeremia 23:2

Hikwalaho Jehova Nungungulu wa Israeli i ngalo xungetano hi varisi va risako a vanhu va mina: Nwina mu hangalasile a tiyivu ta mina, mu ti hlongola, a mu chelangi kota hi tona. Nzi ta mu tsayisa hi kota ya kubiha ka zimaho za nwina, ku wula Jehova.

Jeremia 7:34

A mitini ya ka Juda ni lomu maruweni ya Jerusalema nzi ta miyeta a gezu ga kutsaka ni kuhlakana, a gezu ga muteki ni mutekiwa; hakuva a tiko gi ta maha rumbi. Isa. 24:7; Ezek. 26:13

Jeremia 7:9

Xana ma ha ta yiva, mu daya, mu bhaya, mu hlambanya mawunwa, mu hisa miphahlo yo nuhela ka Baali, ni ku lanzela vanwani vanungungulu lavo mu nga va tiviko?

Mikosi 1:4

A magonzo ma yako Zioni ma rila, hakuva a nga kona a tako hlengeletanweni wa ximuse; A ku na vanhu tinyangweni takwe, a vapristi vakwe va hefemuteka. A vanhwana vakwe va xaniseka, yena wutsumbu i na ni xiviti.

Mikosi 5:14

A masingalakati a ma ha tshami tinyangweni, A majaha a ma habi zitende za wona.

Ezekieli 16:12

Nzi lo veka a phera nhovini ya wena, ni tiphera lomu tindleveni ta wena, ni xidlodlo xo saseka hlokweni ya wena.

Ezekieli 16:17

Ni kambe u tekile a wubombi legi nzi nga ku nyika ga nzalama ni siliva u ti mahela ha gona a zifananiso za vavanuna, u bhaya nazo.

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Ezekieli 23:35

Hikwalaho Hosi Jehova i ngalo: Kota lezi u nzi riveleko, u nzi fularela, hikwalaho u ta tsayiswa hi wuoswi ga wena ni wubhayi ga wena. 1 Tih. 14:9; Jer. 2:32; 3:21

Hosea 11:2

Kanilezi va lo fularela lava va nga vitana; va lo phahlela ka vaBaali, va hisela zifananiso a tibani.

Hosea 13:1

Laha Efraime a nga wulawula a kuchava ku wa hi kona. I ti tlakusile lomu tikweni ga Israeli, kanilezi laha a nga ti rwexa nanzu ha Baali, i lofa.

Hosea 13:6

Va xurile wuriselweni gabye; loku va xurile a timbilu tabye ti lo kukumuka, va nzi rivala. Deut. 8:12; 32:15

Hosea 2:5

Hakuva a nyine wabye i mahile wuoswi, loyi a va belekileko i mahile zilo za tingana. I te ngalo: Nzi ta lanzela a zigangu za mina, lava va nzi phamelako va nziha mati, va nzi nyika a woya ga tiyivu, ni wukene, a mafura ya mina ni zakunwa.

Hosea 2:7

I ta lanzela a zigangu zakwe, kanilezi a nga va kumi. I ta va hlota, kanilezi a nga ta va kuma. Zonake i taku: Nzi ta tlhelela ka nuna wa mina wo ranga, hakuva zi wa hi chukwana ka mina ku hunza lezi.

Hosea 4:13

Va phahlela hehla ka zitsunga, va hisa libani lomu migangeni, ni lahasi ka mikuhlu ni mapoplari ni mikanyi, hakuva a minzhuti ya zona yi nene. Hikwalaho a vanhanyana va nwina va bhaya, ni vakatamwane va nwina va maha wuoswi.

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Hosea 8:14

Hakuva Israeli i rivele a Mumahi wakwe, a aka ziluvelo; na Juda i anzisile a miti yi bhiyelweko. Kanilezi nzi ta rumela a nzilo hehla ka miti yakwe, wu ta hisa a ziluvelo za yona.

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Amosi 8:10

Nzi ta hunzula a mibuzo ya nwina yi maha xirilo, ni tisimu ta nwina ti maha mikosi; a ziwunu zontlhe nzi ta zi ambexa tinguwo ta tisakwa, a tihloko tontlhe ti ta halulwa. A xirilo xa kona xi ta fanana ni xo khwatsi ko riliwa a nʼwana loyi a belekelweko yece, a kugumelwa ka xona ku ta fanana ni siku ga hlomulo. Jer. 6:26; 48:37; Zak. 12:10

Deuteronome 32:18

U tsikile a Ribye legi gi nga ku beleka, U rivele Nungungulu loyi a ku pswalileko.

Deuteronome 6:12

chela kota lezaku u nga rivali Jehova loyi a ku humesileko tikweni ga le Gipite, lomu ndlwini ya wukhumbi.

Valamuli 10:6

A vanana va ka Israeli va lo engeta kambe va maha kubiha mahlweni ka Jehova, va khozela maBaali ni maAxtarote, ni vanungungulu va vaSiria, ni vanungungulu va vaSidoni, ni vanungungulu va vaMoabi, ni vanungungulu va vanana va ka Amoni, ni vanungungulu va maFilistia; va fularela Jehova va nga mu khozeli.

Valamuli 3:7

A va ka Israeli va lo maha kubiha mahlweni ka Jehova, va rivala Jehova Nungungulu wabye, va khozela maBaali na Axtarte.

1 Samueli 12:9

Kanilezi laha va nga rivala Jehova, Nungungulu wabye, i lo va xavisa ka Sisera, a nduna ya yimpi ya Hazora ni ka vaFilistia, ni ka hosi ya vaMoabi, lava va va hlaseleko.