Hosea 14:5 - Tshwa Bible

⁵ Nzi ta ku khwatsi nzi nzhokati ka Israeli; na yena i ta pfepfa ku fanana ni xitsangi, a tlhava mitsu ku fanana ni tisinya ta Lebanoni.

Hosea 14:5 Mawu Ofanana

2 Samueli 23:4

I fanana ni wuronga loku gambo gi tsuwuka, Ni mixo leyi yi nga hiko na marefu; A kuwoninga ka gona anzhako ka kuna ka vula, Ku milisa a byanyi ga misava. Vala. 5:31

2 Tihosi 19:30

Kasike a misalela ya yindlu ya ka Juda leyi yi ta nga pona, yi ta tlhava mitsu lahasi, yi chela mihanzu le hehla.

Joba 29:19

A mutsu wa mina wu nava wuya matini, Wusiku gontlhe a nzhokati yi wa wela hehla ka maravi ya mina.

Tisimu 133:3

Zi fanana ni nzhokati ya le Hermoni, Leyi yi welako zitsungeni za Zioni; Hakuva hi laho Jehova a rumako makatekwa, A wutomi kala kupinzuka.

Tisimu 72:16

A mavele ma ta pfuna nguvu tikweni ni lomu hehla ka zitsunga, Ni mihanzu ya gona yi ta ninginika khwatsi hi khwati ga Lebanoni; Lava va akileko lomu mitini va ta hluka kotisa a byanyi ga misava.

Tisimu 72:6

I ta kota vula loku yina lomu magelweni, Kotisa a ti vula ti tsanisako misava.

Tisimu 80:9

U lo yi longisela a misava, Yi zima mitsu, yi nava ni ku tata gontlhe tiko.

Tisimu 92:12

A wakululama i ta hluka kukotisa a sinya ya cinzu, A kula kukotisa a sedare ya Lebanoni. Mav. 11:28; Jer. 17:8; Hos. 14:6

Tisimu 92:13

Lava va byalilweko ndlwini ya Jehova, Va ta anza lomu hubyeni ya Nungungulu wa hina.

Mavingu 19:12

A zanga ya hosi yi khwatsi i nghonyamo yi dzumadzumako; anilezi a liranzo lakwe li fanana ni nzhokati yi welako byanyini,

Xizimba xa ka Solomoni 2:16

A muranziwa wa mina ngwa mina, na mina nzi wakwe; I risa mitlhambi yakwe xikari ka makonʼwa,

Xizimba xa ka Solomoni 4:5

A mavele ya wena me khwatsi timhutana timbiri, Ti nga mahahla ya mhuti, Leti ti gako xikari ka makonʼwa.

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Isaya 18:4

Hakuva Jehova i nzi byelile, aku: Nzi ta rula, nzi cuwuka na nzi hi lomu ndlwini ya mina, Khwatsi hi mumu wo hisa loku gambo gi cile, Kukotisa a hunguva ya mbhera xikhatini xa ximumu loku ku tshoveliwa.

Isaya 26:19

A vafileko va wena va ta tlhela va hanya, A zirumbi za vafi va mina a zi vuke! Vukani mu giya, nwina lava mu etleleko tshurini, Hakuva a nzhokati ya wena i nzhokati ya wuronga, Zonake a misava yi ta tlhela yi humesa a vafileko. Ezek. 37:3

Isaya 27:6

A ka zikhati zi tako Jakobe i ta mila mitsu; Israeli i ta pfepfa a hluka, I ta tata misava hi mihanzu yakwe.

Isaya 35:2

Ma ta pfepfa ku hunza mpimo, Ma bhuma hi litsako ni kuyimbelela; Ma ta nyikiwa a wukosi ga Lebanoni, Ni kunona ka Karmeli na Xaroni. Va ta wona a wukulu ga Jehova, ni wukenikeni ga Nungungulu wa hina.

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Isaya 45:8

Donelani nwina matilo, Nwina marefu mu chulula kululama. Ngha misava yi vululeka yi milisa kuhanyiswa Ni ku humesa kululama khatiginwe; Mina Jehova nzi zi vangile lezo.

Isaya 57:18

Nzi wonile tindlela takwe, Kanilezi makunu nzi ta mu hanyisa; Nzi ta mu rangela nzi mu chavelela ni lava a rilako navo.

Isaya 57:19

Nzi ta veka kukhesa milonwini ya vanhu: Kurula ka loyi a nga le kule, Ni kurula ka loyi a nga kusuhani! Ku wula Jehova: Nzi ta mu hanyisa. Efe. 2:17; Maheb. 13:15

Jeremia 3:22

Wuyani, nwina vanana va hluwukileko, Mina nzi ta chuma a kuhambuka ka nwina. Hi hina valava, hi tile ka wena; Hakuva wena u Jehova a Nungungulu wa hina.

Jeremia 32:41

Nzi ta tangaliswa ha vona, nzi va katekisa; futsi nzi ta va zimeka tikweni legi hi mbilu ya mina yontlhe ni muhefemulo wa mina wontihe. Deut. 30:9

Hosea 6:3

A hi tiveni Jehova, a hi hatliseni ku mu tiva. A kuhuma kakwe ku tiyile ku khwatsi wuronga; i tata ka hina khwatsi i vula, kukotisa a vula ya xirimo leyi yi tsakamisako misava.

Mika 5:7

A misalela ya ka Jakobe yi tava xikari ka matiko manyingi, khwatsi i nzhokati yi tako hi ka Jehova, ni ku khwatsi madona ya vula laha ka byanyi, leyi yi nga yimiswiko hi munhu, hambu ku rinzela a vana va vanhu.

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Mateu 6:28

Hikuyini mu karatekako hi kota ya tinguwo ke? Langutani a makhonʼwa ya lomu khwatini, lezaku ma kulisa kuyini; a ma tiri, hambu ni ku luka;

Luka 12:27

Langutani a makoʼnwa, lezaku ma kulisa kuyini: a ma swuli, hambu ni ku khata; kasi lezo nziku ka nwina: Hambu Solomoni hi kungangamela kakwe kontlhe a nga bombangi kota ginwe ga wona.

Va le Efesusi 3:17

lezaku Kristu a tshama timbilwini ta nwina hi kukholwa; lezaku na mu zimekilwe ni ku seketelwa liranzweni, Joh. 14:23

Deuteronome 32:2

A gonzo ya mina yi ta dona khwatsi i vula, A gezu ga mina gi ta tsakamisa khwatsi i nzhokati; Khwatsi i vula hehla ka byanyi go nyuka, Khwatsi manamula-nghala hehla ka byanyi!