Hosea 14:3 - Tshwa Bible

³ Assiria a nga ta hi hanyisa; hi nga ta khilele a mahaxi. Hi nga ta wula kambe ka mitiro ya mandla ya hina, hiku: Nwina mu vanungungulu va hina; hakuva a xisiwana xa kuma wuxinji ka wena.

Hosea 14:3 Mawu Ofanana

2 Kronekele 16:7

Xikhatini xwalexo, Hanani a muwoni i lota ka Asa a hosi ya ka Juda a taku kakwe: Lezi wena u tsumbileko a hosi ya le Siria, u nga tsumbi Jehova Nungungulu wa wena, hi kota ya lezi a mabutho ya hosi ya le Siria ma pswhutukile canjeni ga wena.

Tisimu 10:14

Wena u zi wonile, hakuva u wona a kuxaniseka ni hlomulo, U zi khoma hi canja ga wena; Loyi a nga hlomulweni i ti nyikela ka wena; Hi wena muvuni wa zisiwana.

Tisimu 146:3

Mu nga tsumbi tihosi, Hambu a nʼwana wa munhu, loyi a nga zi kotiko ku ponisa. Jer. 17:5

Tisimu 146:9

Jehova wa lonzowota a vamatiko, Wa hlayisa a zisiwana ni tinoni; Kanilezi i hambanyisa a tindlela ta vakubiha. Deut. 10:18

Tisimu 33:17

A mahaxi ma nga tsanzeka ku ponisa, A munhu a nga hanyiswi hi ntamu wa wona.

Tisimu 68:5

I dadani wa zisiwana, tlhelo muyimeli wa tinoni, Nungungulu i lomu wuakelweni gakwe go basa. Deut. 10:18

Isaya 1:29

Hakuva va tava ni tingana hi kota ya tisinya ta mikuhlu leti mu nga tsaka ha tona, mu wiswa tingana hi kota ya masimu lawa mu ma ranzileko.

Isaya 2:20

A ka siku lego a vanhu va ta hoxa ka mabhonyani ni ka makhoha a zifananiso zabye za siliva ni za nzalama, lezi va nga ti mahela kasi ku zi khozela;

Isaya 27:9

Hikwalaho a kugoha ka Jakobe ku ta basiswa; Lowu hi wona mbhanzu wa kutsetselelwa ka xionho xakwe; Laha maribye wontihe ya maganzelo ma panzekile kota maribye ya mhemba, A maAxera ni zifananiso za gambo zi nga ha ta yima. Levi 26:30; Isa. 2:20

Isaya 30:16

Nwina mu te ngalo: Hina hi ta hlasela na hi khilele mahaxi! Hikwalaho mu ta hlaselwa. Muku ngalo: Hi ta khilela mahaxi ya mazambo! Hikwalaho mu ta hlongolwa hi lava va nga ni mazambo. 2 Tih. 25:4

Isaya 30:2

Nwina lava mu relelako muya Gipite, Na mu nga wutisangi nomu wa mina; Mu tsutsumela khokholeni ga Faro, Na mu tsumba a nzhuti wa le Gipite. Jer. 37:7; Ezek. 17:15

Isaya 31:1

Khombo ka vona lava va relelako Gipite ku ya vuniwa, Lava va tsumbako mahaxi, Va tsumba tikareta hakuva tinyingi, Va tsumba vakhileli va mahaxi hakuva va nga ni ntamu, Kanilezi a va tsumbi Loyi a Basileko wa ka Israeli, Ge, hambu ku lava Jehova.

Isaya 31:3

A maGipite mbanhu, a hi Nungungulu; Ni mahaxi yabye i nyama, a hi moya. Laha Jehova a ta nga nawuluta a canja gakwe Va tawa hi wumbiri gabye, a muvuni ni loyi a vuniwako, Vontlhe va ta lobyiswa khatiginwe.

Isaya 36:8

Hikwalaho, zwananani makunu ni nwinyi wa mina, a hosi ya le Assiria, zonake nzi ta ku nyika 2,000 wa mahaxi, loku wena u ta zi kota ku kuma vakhileli va kona.

Jeremia 49:11

Siya a zisiwana za wena, nzi ta va hlayisa va hanya; ni tinoni ta wena a ti tsumba mina.

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Ezekieli 37:23

Va nga ta ha ti nyenyezisa hi zifananiso zabye, hambu hi manyalataniso yabye, ge hambu hi zihambunyeto zabye. Kanilezi nzi ta va ponisa wuakelweni gabye gontlhe legi va onhileko ka gona, nzi va basisa. Zonake va tava vanhu va mina, mina nziva Nungungulu wabye.

Hosea 12:1

Efraime wa risa mheho, a lanzela mheho ya Mutsuwuka-gambo. Wa ha simamisa ku anzisa mawunwa ni lobyiselelo; va maha xivumelwano na Assiria, va rwala a mafura maya Gipite.

Hosea 13:2

Makunu va simamisa ku onha, va ti mahela a zifananiso zi chululweko hi siliva yabye, zi nga zifananiso za vanungungulu va kupima kabye; zontlhe lezi hi mitiro ya vafuli. Va wulawula ha zona, vaku: Lava va phahlelako ngha va pswopswa marole.

Hosea 14:8

Efraime, i mhaka muni nzi nga nayo ni zifananiso? Mina wutsumbu nzi mu hlamule, nzi ta mu khatalela. Mina nzi kota a sinya yo nyuka ya khuwu, a mihanzu ya wena u ta yi kuma ka mina.

Hosea 2:17

Hakuva nzi ta susa a mavito ya maBaali nonwini wakwe, cima va nga ha ta vitanwa hi mavito kambe. Ekso. 23:13; Zak. 13:2

Hosea 4:12

A vanhu va mina va kombela wusungukati ka timhinga tabye, a nhonga yabye yi va tlhatlhambutela; hakuva a moya wa wubhayi wu va pengisile, va bhayile va tsika Nungungulu wabye.

Hosea 5:13

Laha Efraime a nga wona wubabyi gakwe, ni laha Juda a nga wona xilonza xakwe, zonake Efraime i loya le Assiria, a ya rumela ka hosi Jareba. Kanilezi na yenawu a nga zi koti ku mu chuma, a nga zi koti ku holisa xilonza xa wena. 2 Tih. 15:19; 16:7

Hosea 7:11

Efraime i fanana ni tuva ga manya, gi nga hiko na kupima; va vitana a maGipite, vaya le Assiria. 2 Tih. 15:19; 16:7

Hosea 8:6

Hakuva gona gita hi ka Israeli; mufuli a gi mahileko, gona a hi Nungungulu. Ina, a role ga Samaria gi ta tshobyiwe fufanyi.

Hosea 8:9

Hakuva va yile Assiria ku fanana ni mangwa yi nga yoce. Efraime i ti kumele ziranzwa hi zinyikiwo.

Jona 2:10

Zonake Jehova i lo laya hlavi, yi hlata Jona laha muhanzeni.

Zakaria 13:2

Hi siku lego, ku wula Jehova wa tiyimpi, nzi ta fuvisa a mavito ya zifananiso laha tikweni, zi nga ha alakanyiwi kambe. Nzi ta hlongola a vaprofeti ni moya wu nga hlazekangiko lomu tikweni. Ezek. 30:13; Hos. 2:17; 1 Joh. 4:1

Johani 14:18

Nzi nga ta mu siya na mu hi zisiwana, nzi tata ka nwina. Mat. 28:20

Deuteronome 17:16

Ntsena lezaku a nga ti longiseli a mahaxi yo tala, hambu ku zwanana ni Gipite kasi kuva ni mahaxi yo tala; hakuva Jehova i te ngalo ka nwina: Mu nga ha tlheli kambe muya hi ndlela leyo. 1 Tih. 10:26, 28; Isa. 31:1