Hosea 14:1 - Tshwa Bible

¹ Israeli, tlhelela ka Jehova a Nungungulu wa wena, hakuva u wile hi kota ya kugoha ka wena. Joeli 2:12; Zak. 1:3; Mal. 3:7

Hosea 14:1 Mawu Ofanana

2 Tihosi 8:12

Hazaeli i te ngalo: Hosi yanga, hi yini u rilako? Yena i lo hlamula, aku: Hi lezi nza yi tiva a xapi leyi u ta nga yi maha ka vanana va ka Israeli: u ta hisa a makhokhola yabye, u daya majaha yabye hi tlhari, u pswhandlasela a zivanana zabye, u bhoxetela a marumbu ya vasati vabye va nga ni tinyimba.

Isaya 19:22

Lezo Jehova i taba Gipite, i ta giba a tlhela a gi chuma; va ta hunzuluka ka Jehova, na yena i ta ingisa mikombelo yabye, a va chuma.

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Jeremia 4:1

Loku u hunzuluka, O Israeli, wuya ka mina, ku wula Jehova; Loku u susa manyala ya wena mahlweni ka mina, Zonake u nga ta ha nzulanzula kambe.

Mikosi 5:16

A zidlodlo za tihloko ta hina zi wile, I khombo ka hina, hakuva hi onhile.

Ezekieli 16:46

A nhonzwa ya wena ya xisati hi Samaria, loyi a akileko tlhelweni ga wena ga xibhabha zinwe ni vanhanyana vakwe. Ni nzisana ya wena ya xisati loyi a akileko tlhelweni ga wena ga xinene ni vanhanyana vakwe hi Sodoma.

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Ezekieli 33:14

Ni kambe, loku nziku ka wakubiha: Futsi u tafa; loku a hunzuluka xionhweni xakwe, a maha lezi zi nga za nayo ni kululama;

Hosea 10:12

Ti byaleleni hi kululama, mu tshovela hi wuxinji; rimani wuhlavi ga nwina, hakuva makunu xikhati xa ku hlota Jehova, kala a ta mu nisela kululama.

Hosea 12:6

Hikwalaho tlhelela ka Nungungulu wa wena, uva ni wuxinji ni kululama, u langutela Nungungulu wontihe masiku.

Hosea 12:8

Efraime i te ngalo: Kunene, nzi fumile, nzi ti kumele kufuma. A mitirweni ya mina va nga ta kuma nanzu ka mina hambu ni xionho. Kuv. 3:17

Hosea 13:9

A kulobyiswa ka wena Israeli, kuta hilezi u nzi vukeleko, mina loyi nzi nga muvuni wa wena.

Hosea 4:8

Vaga a zionho za tiko ga mina, va navela a zigoho za gona.

Hosea 5:5

A matshanza ya Israeli ma kustumunya ma mu vukela; hikwalaho Israeli na Efraime va ta khunguvanyeka zigohweni zabye; Juda kambe i ta khunguvanyeka navo.

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Hosea 9:13

Efraime i khwatsi hilezi nzi nga wonisa zona Tire, a byalilweko wutshanwini go saseka; kanilezi Efraime i ta heleketa vana vakwe ka mudayi.

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Amosi 1:13

Jehova i ngalo: Hi kota ya zionho ginharu za vana va ka Amoni, kutani mune wa zona, nzi nga ta susa a xitsayiso; hakuva va hanzulela a vavasati va le Gileade lava va nga ni tinyimba, kasi ku kulisa a tiko gabye.