Hosea 13:6 - Tshwa Bible

⁶ Va xurile wuriselweni gabye; loku va xurile a timbilu tabye ti lo kukumuka, va nzi rivala. Deut. 8:12; 32:15

Hosea 13:6 Mawu Ofanana

Nehemia 9:35

Hakuva lomu mufunweni wabye a va ku tirelangi, laha u nga va nyika hi wunene ga wena ga hombe, ni tiko leʼga hombe go nona u nga va nyika, kanilezi vona a va humangi zimahweni zabye zo biha.

Tisimu 10:4

Hi matshanza yakwe a wakubiha aku: A nga zi khataleli. Na alakanya ku ngalo: A ku kona Nungungulu.

Mavingu 30:9

Nzi nga taku laha na nzi xure nzi ku kaneta, ziku: Himani Jehova? ambu kutani loku nzi hi xisiwana, nzi yiva, zi hlakana hi vito ga Nungungulu wa mina.

Isaya 17:10

Hakuva u tsikile Nungungulu wa kuhanyiswa ka wena, A ku alakanyangi a ribye ga khokhola ga wena, Hikwalaho u ta rima a masimu ya zibyalo zo saseka, U sima kona a zibyalo za le matikweni.

Jeremia 5:7

Xana nzi nga ku tsetselelisa kuyini? A vanana va wena va nzi tsikile, va hlambanya hi lava va nga hiko vanungungulu. Hambu loku nzi va xurisile hi gi eneleko, vona va mahile wubhayi, va lo tsombana lomu ndlwini ya wuoswi na va tele nguvu.

Ezekieli 23:35

Hikwalaho Hosi Jehova i ngalo: Kota lezi u nzi riveleko, u nzi fularela, hikwalaho u ta tsayiswa hi wuoswi ga wena ni wubhayi ga wena. 1 Tih. 14:9; Jer. 2:32; 3:21

Ezekieli 28:5

Hi wukulu ga wutlhari ga wena ni mabhinzu ya wena u anzisile a kufuma ka wena; a mbilu ya wena yi ti tlakusile hi kota ya kufuma ka wena.

Hosea 10:1

Israeli i vina wu tlhumileko nguvu, wu pswalako mihanzu. I anzisile a maalati yakwe maringano ni wunyingi ga mihanzu yakwe; laha a misava yakwe yi nga enzeleka ku nona, hi kona a nga engetela kusaseka ka zifananiso.

Hosea 12:8

Efraime i te ngalo: Kunene, nzi fumile, nzi ti kumele kufuma. A mitirweni ya mina va nga ta kuma nanzu ka mina hambu ni xionho. Kuv. 3:17

Hosea 2:13

Nzi ta mu tsayisa hi kota ya masiku ya maBaali, lawa a va hiseleko ho wona a libani, laha a nga ti bombisa hi zingwavila zakwe ni tinzalama takwe, a lanzela zigangu zakwe, mina a nzi rivala, ku wula Jehova.

Hosea 2:7

I ta lanzela a zigangu zakwe, kanilezi a nga va kumi. I ta va hlota, kanilezi a nga ta va kuma. Zonake i taku: Nzi ta tlhelela ka nuna wa mina wo ranga, hakuva zi wa hi chukwana ka mina ku hunza lezi.

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Hosea 4:7

Laha va nga anza vawa nzi onhela; nzi ta hunzula wudumo gabye giva tingana.

Hosea 5:14

Hakuva ka Efraime nzi ta fanana ni nghala, nzi fanana ni xinghalana a ka yindlu ya ka Juda. Mina wutsumbu nzi ta hanzula nzi ti fambela; nzi ta rwala a pfimba, ku nga hi kona a to nzi wutlela wona.

Hosea 7:14

A va rili ka mina hi timbilu tabye, ntsena ku keta masangweni yabye. Va tsombanela mavele ni vinya, va nzi fularela.

Hosea 8:14

Hakuva Israeli i rivele a Mumahi wakwe, a aka ziluvelo; na Juda i anzisile a miti yi bhiyelweko. Kanilezi nzi ta rumela a nzilo hehla ka miti yakwe, wu ta hisa a ziluvelo za yona.

Hosea 8:4

Va ti langele tihosi, na ku nga hi kuleletela ka mina; va yimisa tihosana, na mina nzi wa nga zi tivi. Va ti mahele zifananiso hi siliva ni nzalama yabye, kasi va fela ku lobyiswa.

Deuteronome 32:18

U tsikile a Ribye legi gi nga ku beleka, U rivele Nungungulu loyi a ku pswalileko.