Hosea 13:10 - Tshwa Bible

¹⁰ Yi kwihi a hosi ya wena, leyi yi faneleko ku ku ponisa mitini ya wena yontlhe? Ni Valamuli va wena lava u ngaku kabye: Nzihe a hosi ni tihosana, va kwihi ke?

Hosea 13:10 Mawu Ofanana

1 Tihosi 12:20

Makunu laha vontlhe va ka Israeli va ngazwa lezaku Jeroboamu i wuyile, va lo mu vitanisa a kuta lomu mutlhanganweni, zonake va lo mu yimisa a kuva hosi ka vontlhe va ka Israeli. A nyangwa ya ka Juda yona yoce yi lo lanzela a yindlu yo Davida.

2 Tihosi 17:4

A hosi ya le Asiria yi lo wona lezaku i na ni makungo ya ku mu vukela, hakuva i wa rumile a mitsumi yiya ka So, a hosi ya le Gipite, ni lezaku i wa nga ha rumeli a nzhuvo ka hosi ya le Asiria khwatsi hi manwani malembe. Zonake a hosi ya le Asiria yi lo mu khoma yi mu valela paxweni.

Tisimu 10:16

Jehova i Hosi kala kupinzuka ni kupinzuka; A vamatiko va lobyiswa tikweni gakwe.

Tisimu 149:2

Israeli a tsakele mumahi wakwe, A vanana za Zioni a va tsakele a Hosi yabye.

Tisimu 44:4

Nungungulu, wena u hosi ya mina, Leletela a kuhlula ka Jakobe.

Tisimu 74:12

Hakuva, Nungungulu, u Hosi ya mina kusukela kaleloko, Hi wena u hanyisako laha misaveni.

Tisimu 89:18

Hakuva a xitlhangu xa hina xi lumba Jehova, A hosi ya hina nja Wakubasa wa Israeli.

Isaya 33:22

Hakuva Jehova hi mulamuli wa hina, Jehova munyiki wa nayo wa hina, Jehova i Hosi ya hina, i ta hi hanyisa.

Isaya 43:15

Hi mina Jehova, a Wa ku Basa wa nwina, A muvangi wa Israeli, a Hosi ya nwina.

Jeremia 2:28

Makunu va kwihi a vanungungulu va wena lava u ti maheleko ke? Hi nga va tsika va yima, hi wona loku va zi kota ku ku hanyisa xikhatini xa makhombo! Hakuva a vanungungulu va wena va ringana ni tsengo wa miti ya wena, o Juda. Deut. 32:37; Vala. 10:14

Jeremia 8:19

Hi ngazwa a gezu ga xirilo ga nʼwana wa xisati wa vanhu va mina, Legi gi humako tikweni ga le kule, giku: Kasi Jehova a nga kona le Zioni ke? Xana a Hosi yakwe a yi kona kakwe ke? Hikuyini va vindlukisileko a zanga ya mina hi zifananiso zabye, Ni vanungungulu va vamatiko ke? Mika 4:9

Mikosi 4:20

Loyi a totilweko hi Jehova, loyi a nga hi kuhefemula ka hina, i phasilwe marinzini yabye; Loyi hi nga wula ha yena hiku: Hi ta hanyela nzhutini wakwe xikari ka matiko. 2 Tih. 25:5

Hosea 10:3

Hizinene vona ta taku: A hi na hosi, lezi hi nga chaviko Jehova; kanilezi a hosi yi nga hi vuna yini?

Hosea 13:4

Kasike mina nzi Jehova a Nungungulu wa wena kusukela kuhumeni ka wena a tikweni ga Gipite; u nga ta tiva munwani nungungulu ahandle ka mina, ahandle ka mina a ku na muhanyisi.

Hosea 3:4

Hakuva a vanana va ka Israeli va ta tshama masiku manyingi na va nga hi na hosi, va nga hi na hosana, va nga hi na miphahlelo, va nga hi na mhinga, va nga hi na efodi kutani terafime.

Hosea 7:7

Vontlhe va hisa ku fanana ni njalo, vaga a Valamuli vabye; a tihosi tabye tontlhe ti wile, ku hava ni munwe a nzi khongelako.

Hosea 8:4

Va ti langele tihosi, na ku nga hi kuleletela ka mina; va yimisa tihosana, na mina nzi wa nga zi tivi. Va ti mahele zifananiso hi siliva ni nzalama yabye, kasi va fela ku lobyiswa.

Zakaria 14:9

Jehova i tava hosi ya misava yontlhe; hi siku lego Jehova i tava munwe, ni vito gakwe gi tava ginwe. Mal. 1:11; Joh. 10:16

Johani 1:49

Nataneli i lo hlamula, aku ngalo: Rabi, wena u Nʼwana wa Nungungulu, U Hosi ya vaIsraeli. Mat. 14:33; 27:42

1 Samueli 8:7

Jehova i te ngalo ka Samueli: Ingisa timhaka tontlhe leto a vanhu va ku byelako, hakuva a va tsiki wena, kanilezi hi mina va nzi tsikileko, va nga ranzi lezaku nzi maha hosi yabye.