Hosea 12:7 - Tshwa Bible

⁷ Kanani i na ni xikalu xa kukhohlisa mandleni yakwe, wa ranza ku kalavela.

Hosea 12:7 Mawu Ofanana

Genesisi 49:18

Jehova, nzi cuwukele ku tirulwa hi wena!

Mavingu 11:1

Jehova wa venga xikalu ya mawunwa; anilezi a lipimo li lulamileko la mu xalalisa.

Mavingu 16:11

A lipimo ni xikalu xo lulama zi ka Jehova; ontlhe tipimo ta xikalu i ntiro wakwe.

Isaya 3:5

A vanhu va ta tsimbeketana, munwe ni munwani a tsimbeketwa hi muakelane wakwe; a nisanyana i ta vukela loyi a khosaheleko, ni munhu wa nyalidede i ta vukela munhu a dzunzekileko.

Isaya 56:1

Jehova i ngalo: Hlayisani nongameto mu maha kululama, Hakuva a kuhanyisa ka mina ku laha kusuhani ni kuta, Ni kululama ka mina ku ta wonekeliswa lokuloku. Rom. 13:11

Ezekieli 16:3

Hosi Jehova i ngalo ka Jerusalema: Hi lixaka la wena ni kupswalwa ka wena, u wa tiko ga Kanani. A raru wa wena i wa hi muAmori ni nyine wa wena i wa lii muHiti.

Ezekieli 22:29

A vanhu va tiko legi vatsimbeketi ni vaphangi; ina, va xanisa a zisiwana ni vavumali, va tsimbeketa a vamatiko ahandle ka fanelo.

Ezekieli 28:5

Hi wukulu ga wutlhari ga wena ni mabhinzu ya wena u anzisile a kufuma ka wena; a mbilu ya wena yi ti tlakusile hi kota ya kufuma ka wena.

Hosea 14:2

Tekani timhaka, mu tlhelela ka Jehova, mu yaku kakwe: Susa kugoha kontlhe, u hi amukela hi wuxinji; zonake hi ta ku phahlela hi milomu ya hina wutshanweni ga tihonwana. Maheb. 13:15

Joeli 2:12

Kasike, hambu nyamutlha, ku wula Jehova, wuyani ka mina hi timbilu ta nwina tontlhe, ni kuyila, ni kurila, ni ku maha hlomulo.

Amosi 2:7

Va navela ni tshuri wa misava wu nga tihlokweni ta lava va vumalako, va onha a mhaka ya lava va koramileko. A munhu ni raru wakwe va enghena ka nhwana munwe, va nyenyezisa a vito ga mina go basa.

Amosi 3:9

Banani nyiwo lomu ziluvelweni za le Axdode, ni lomu ziluvelweni za tiko ga Gipite, muku: Tsombanani le xitsungeni za Samaria, mu ta wona a pfilupfilu ya hombe yi nga kona lomo, ni hlokiseielo yi nga xikari ka gona.

Amosi 4:1

Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Amosi 5:11

Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

Mika 2:1

I khombo ka vona lava va alakanyelako kubiha, va hlota xikungo xo biha masengweni yabye, va zi maha loku gi cile, hakuva zi le ntanwini wa mandla yabye.

Mika 7:2

A vanhu va nene va nyamalele misaveni, ku hava loyi a lulamileko xikari ka vanhu. Vontlhe va xiyelela ku halata nkhata, a munwe ni munwani i hlota nakulobye hi tlhamu.

Zakaria 14:21

Ina, tontlhe timbita ta le Jerusalema ni ta le Juda ti tava ti basiselwe Jehova wa tiyimpi, kasi ni wihi a phahlelako i ta zi kota ku teka yinwe ya tona a bhika ha yona. Hi siku lego ku nga tava kona a muKanani lomu ndlwini ya Jehova wa tiyimpi. Joeli 3:17; Kuv. 21:27

Zakaria 5:8

Zonake yiku: Hi yena Kubiha. Zonake yi lo hoxa wasati nzeni ka efa, a veka a xifenengeto xa tsovu nonwini wa gona.

Zakaria 7:9

Jehova wa tiyimpi i ngalo: Lamulani hi nongameto, a munwe ni munwani a zwela wuxinji ni ku hawukela a nakulobye.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Johani 2:16

Aku ngalo ka lava va nga xavisa matuva: Susani lezi zilo laha; a yindlu ya Dadani mu nga yi mahi a yindlu ya mabhinzu. Lu. 2:49

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13

1 Samueli 12:3

Hi mina loyi; nzi kustumunyeleni mahlweni ka Jehova ni mahlweni ka a totilweko wakwe. I nkavi ya mani nzi tekileko? I mbongola ya mani nzi tekileko? Himani nzi mu phangileko? Himani nzi mu xanisileko? Kutani ku ngava mani nzi amukeleko hi kakwe a nchumu wo nzi rengelela ke? Nzi ta mu tlhelisela. Miti. 20:33