Hosea 12:4 - Tshwa Bible

⁴ I lwile ni ngelosi a yi hlula, na a kari a rila a yi khongela. I lo mu kuma le Beteli, i lo wulawula na hina laho.

Hosea 12:4 Mawu Ofanana

Genesisi 25:26

Hi lenzhako kakwe ku lo huma makabye wakwe, na canja gakwe a khomile xirenze xa Esau; a vito gakwe gi lo chulwa ku ngalo hi Jakobe. Na Isaka i wa hi ni 60 wa malembe kubelekweni kabye. Esau a xavisa a wutewula gakwe.

Genesisi 32:24

Jakobe i lo sala yece; laho i lo pfinyana ni munhu gi kala gica.

Genesisi 32:25

Laha a munhu wa kona a nga wona lezaku a nga zi koti ku mu hlula, i lo mu khumba laha nyongeni, a nyonga ya Jakobe yi lo khuyuka khwatsi hilezi va nga kari va pfinyana.

Genesisi 32:26

Yena i te ngalo: Nzi tsike nzi famba hakuva gi lava kuca. Jakobe aku ngalo: Nzi nga ta ku tsika u famba na u nga se nzi katekisa.

Genesisi 32:29

Jakobe i lo mu wutisa, aku ngalo: Nzi byele a vito ga wena. Yena aku ngalo: U nzi wutisela yini a vito ga mina ke? Yena i lo mu katekisa kwalaho.

Genesisi 35:15

Jakobe i lo chula a wutshamu lego Nungungulu a nga wa wulawula naye ka gona, a vito ga Beteli.

Genesisi 48:15

Zonake i lo katekisa Josefa, aku: Nungungulu loyi vadadani, Abrahama, na Isaka, va nga wa famba mahlweni kakwe, Nungungulu loyi a nga nzi wundla kusukela kubelekweni ka mina kala lezi, Maheb. 11:21

Tisimu 66:6

I hunzulusile bimbi a gi maha muhanza wu womileko, Va lo famba hi milenge va tlatuka congo; Hi lo mu tsakela laho. Ekso. 14:21; Jox. 3:18

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Malaki 3:1

Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

1 Va le Tesalonika 4:17

Zonake hina lava ha ha hanyako, lava hi seleko, hi ta amukelwa zinwe navo marefini, a ku ya khinga Hosi le ndengelengeni; lezo hi taku tsonzoma zinwe ni Hosi. Kuv. 11:12; Joh. 12:26; 14:3; 17:24; Miti. 1:9

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33