Hosea 11:8 - Tshwa Bible

⁸ Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Hosea 11:8 Mawu Ofanana

Genesisi 14:8

Ku lo huma a hosi ya le Sodoma, ni hosi ya le Gomora, ni hosi ya le Adma, ni hosi ya le Zoboime, ni hosi ya le Bela, ku nga Zoare; va lo hloma valwa navo le livaleni la Sidime;

2 Samueli 24:16

Makunu laha a ngelosi yi nga tlakusile a canja ga yona hehla ka Jerusalema a kuva yi gi lovisa, Jehova i lo tlhela kubiheni loko, aku ka ngelosi leyi yi lovisako vanhu: Basi, ku enele! Humuta a canja ga wena makunu! A ngelosi ya Jehova yi wa hi laha kusuhani ni nzhimbo wa Arauna a mujebusi. Ekso. 12:23

1 Tihosi 3:26

Zonake a nwinyi wa nwanana loyi a hanyako i lo dzuka lomu mbilwini yakwe, aku ka hosi: Hosi yanga: Mu nyike a nwanana loyi a hanyako, va nga kali va mu daya! Kanilezi loyi munwani i te ngalo: Cima a nga ta kuva wa mina, hambu kuva wa wena, a panziwe hi laha xikari! Isa. 49:15

2 Tihosi 13:23

Kanilezi Jehova i lo va zwela wusiwana, a va mahela wuxinji, a va languta hi kota ya xivumelwano xakwe zinwe na Abrahama, na Isaka, na Jakobe; a nga lavangi ku va lovisa, kala lezi a nga va hoxangi kule ni nghohe yakwe. Gen. 17:7; Ekso. 2:24; Levi 26:42

2 Kronekele 36:15

Jehova Nungungulu wa vadadani vabye i wa va layile zikhati zinyingi hi mitsumi yakwe, hakuva i wa hawukela a vanhu vakwe ni wutshamu gakwe.

Tisimu 106:45

A alakanya a xivumelwano xakwe hi kota ya vona, A va zwela hi wuxinji gakwe ga hombe. Deut. 30:1

Isaya 16:11

Lomu nzeni ka mina ka kowutana kota xitende hi kota ya Moabi, Ni mbilu ya mina hi kota ya Kir-harese.

Isaya 63:15

Cuwuka lahasi hi le tilweni, u wona Hi le ndlwini ya wena ya wubaswa ni kungangamela. Ku kwihi kupangama ka wena ni mitiro ya wena ya ntamu ke? A lixuve la mbilu ya wena ni wuxinji ga wena a za ha tiri ka mina.

Jeremia 18:8

kanilezi loku a tiko legi nzi wulawulileko ha gona, gi hunzuluka kubiheni ka gona, minawu nzi ta hunzuluka nzi tsika a khombo legi nzi nga xuvile a ku gi mahela. Ezek. 18:21; Jona 3:10

Jeremia 3:12

Yana, u ya kanela mahungu laya le Nwalungu, uku: Wuya Israeli, wena loyi u hambukileko, ku wula Jehova. Nzi nga ta ha mu zangarela, hakuva mina nzi na ni tipswalo, ku wula Jehova, nzi nga ta simamisa nzi zangara kala kupinzuka.

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Jeremia 42:10

Loku mu nonohisa mu tshama tikweni legi nzi ta mu akisa nzi nga mu wisi hasi; nzi ta mu byala nzi nga mu tsuwuli; hakuva nza xaniseka hi kubiha loku nzi mu maheleko kona.

Jeremia 9:6

U akile xikari ka wukhohlisi; Hi kota ya wukhohlisi va ala ku nzi tiva, ku wula Jehova.

Jeremia 9:7

Hikwalaho, ku wula Jehova wa tiyimpi, Nzi ta va nyekisa, nzi va hlota; Hakuva nzi nga mahisa kuyini hi nhwana wa vanhu va mina ke?

Mikosi 1:20

Jehova, languta a hlomulo wa mina, a moya wa mina wa karateka, A mbilu ya mina yi hunzukile nzeni ka mina, hakuva nzi ti alisile; Le handle a supado yi nzi dayela a vana va mina, te kaya kufa ntsena. Deut. 32:25; Isa. 16:11

Mikosi 3:32

Hakuva loku a vanga hlomulo, Wa mahela wuxinji hi wunyingi ga wunene gakwe.

Mikosi 3:33

Hakuva a hi kuranza ka mbilu yakwe lezaku a hlokisa Ni ku zwisa kubayisa a vanana va vanhu.

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Ezekieli 6:9

Lava va ta nga huluka Xikari ka nwina, va ta nzi alakanya matikweni lawa va ta nga yiswa kona wukhumbini, laha na nzi tshovile a timbilu tabye leti ti nga tsumbekangiko, leti ti sukileko ka mina; ni mahlo yabye lawa ma mbilukelako a zifananiso zabye. Va ta ti nyenya wutsumbu gabye hi kota ya kubiha loku va ku mahileko ka wontihe manyalataniso yabye. Mitse. 15:39

Hosea 6:4

Efraime, nzi ta maha yini ka wena? Juda, nzi ta maha yini ka wena? Hakuva a liranzo la nwina li khwatsi i hunguva ya mixo, ni nzhokati leyi yi tlhatlhekako hi kuhatlisa.

Hosea 7:1

Loku nziku hi ku chuma Israeli, zonake ku woneka a zigoho za Efraime ni kubiha ka Samaria, hakuva va tira kukhohlisa. A makhamba ma enghena ni ntlawa wa vaphangi wa phanga hi lahandle.

Amosi 4:11

Nzi mu lovisile khwatsi hi laha Nungungulu a nga lovisa Sodoma ni Gomora, mu lo pona ku fanana ni lihunyi li susilweko nzilweni; hambu zi hi tano, a mu hunzulukangi ka mina, ku wula Jehova. Gen. 19:24; Isa. 13:19

Amosi 7:3

Jehova i lo zi tsika. Zi nga ta maheka, ku wula Jehova.

Amosi 7:6

Jehova i lo zi tsika. Ni lezi zi nga ta maheka, ku wula Hosi Jehova.

Mika 5:3

Hikwalaho i ta va nyikela valala kala xikhatini lexo loyi a lunwako a ta nga hefemula ha xona; zonake a Vanakulobye lava va seleko va ta tlhelela ka vana va ka Israeli.

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Mateu 23:37

Jerusalema, Jerusalema, loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga lava ku wungeletela a vanana va wena, kota a pswele gi wungeletelako a zihukwana za gona lahasi ka tipapa ta gona, kanilezi a mu vumelangi. Deut. 32:11; Tis. 17:8; Lu. 13:34

Deuteronome 29:22

Zonake a zizukulwana za nwina lezi zi ta ngava kona anzhako ka nwina, ni vamatiko lava va ta ngata hi le matikweni ya le kule, laha va ta nga ta wona a zixaniso ni makhombo lawo Jehova a ta nga xanisa tiko lego ha wona,

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8

Deuteronome 32:36

Hakuva Jehova i ta yimela vanhu vakwe, Ni kambe i ta hawukela malanza yakwe, Laha a ta nga wona lezaku a ntamu wabye wu mbhelile. Ni lezaku ku nga ta sala ni munwe wa vona. 1 Tih. 14:10; 2 Tih. 14:26

2 Pedro 2:6

I lo lamula a miti ya Sodoma ni Gomora a kuva yi lobyisiwa, yi maha khuma, a yi yimisa a kuva xikombiso ka lava va ta nga kala va nga hanyeli Nungungulu. Gen. 19:24; Mitse. 26:10

Juda 1:7

Kota Sodoma ni Gomora ni miti ya kona, leyi yi nga ti nyikela wubhayini, ni ku lanzela nyama ya hava, yi yimisilwe a kuva xikombiso, yi tsayiswa hi nzilo wa pinzukelwa.

Kuvululelwa 11:8

Ni zirumbi zabye zi ta su chanjala lomu ruweni ga muti wa hombe, lowu wu chuliwako hi moya, aku i Sodoma ni Gipite, laha Hosi yabye yi nga belelwa kona. Maheb. 13:12; Xip. 14:8; 17:1, 5

Kuvululelwa 18:18

vaba huwa hi ku wona a musi wa kuhiswa ka wona, vaku: Hi wihi muti wo fanana ni muti lowu wa hombe ke? Ezek. 27:30; Xip. 13:4

Valamuli 10:16

Va lo susa xikari kabye vanungungulu va vamatiko, va khozela Jehova. Jehova a tsetselela va ka Israeli hi kota ya ku wona zikarato zabye.