Hosea 11:6 - Tshwa Bible

⁶ A supado yi ta daya lomu mitini yakwe, yi tshova a zikwinyaro za yona, yi va hihirita hi kota ya xikungo xabye wutsumbu.

Hosea 11:6 Mawu Ofanana

Tisimu 106:39

Lezo va lo nyenyeziswa hi mitiro yabye, Va nga tsumbeki zimahweni zabye.

Tisimu 106:43

Zikhati zinyingi i lo va tlhatlhisa, Kanilezi va mu ala makungweni yabye; Va lova kubiheni kabye.

Isaya 18:5

Hakuva a mahlweni ka kutshovela, Loku a ziluva zi tlhatlhekile, Ni rari ga mauva na gi kari gi buva, I ta tsema mahluke hi mukwana, A susa ni zimilwa za kona.

Isaya 27:10

Hakuva a muti wu bhiyelweko wu mahile rumbi, Wuakelo gi tsikilweko, gi mahile xiwula; A marole ma gela kona, ma etlela kona, maga maravi ma seleko.

Isaya 30:1

Khombo ka vanana va hluwukileko, ku wula Jehova; Lava va lavako wusungukati, va nga gi lavi ka mina, Lava va bohako xivumelwano, a handle ka moya wa mina, Va fela ku ti engetela xionho hehla ka xionho.

Isaya 9:14

Hikwalaho Jehova i ta tsema ka Israeli a hloko ni nkila, A tsema ravi ga cinzu ni lihoka hi siku ginwe. 2 Tih. 17:3

Jeremia 5:17

Vona va taga a mavele ya wena ni xibaba xa wena, va taga vafana va wena ni vanhanyana va wena, va taga tiyivu ta wena ni tihomu ta wena, va taga zivina za wena ni mikuwu ya wena; a miti ya wena ya makhokhola, leyi u yi tsumbako, va ta yi lovisa hi supado. Levi 26:16; Deut. 28:31

Jeremia 50:35

A supado a yive hehla ka maKaldea, ku wula Jehova, ni le hehla ka vaaki va le Babuloni, ni hehla ka tihosana takwe, ni hehla ka titlhari takwe.

Mikosi 2:9

A tinyangwa takwe ti wile lahasi, a tshoveletela zikwinyaro za kona; A hosi ni tihosana ta kona ti lomu matikweni, a ka ha hi na nayo; A vaprofeti vakwe a va ha kumi miwoniso hi ka Jehova.

Ezekieli 20:47

uku ka khwati ga le Dzongeni: Zwana a mhaka ya Jehova; Hosi Jehova i ngalo: Nzi ta dzivela nzilo ka wena, wu ta hisa a tisinya tontlhe to taakama lomo ka wena ni tontlhe ta ku woma. A nhova yi nga ta timiwa: tontlhe tinghohe ti taswa kusukela Dzongeni kala Nwalungu.

Hosea 10:14

Ku ta huma pfilupfilu xikari ka vanhu va wena, a makhokhola ya wena wontihe ma ta khungumulwa, kota lezi Xalmani a nga khungumula Bet-arbeli hi siku ga kulwa, laha a vamamani va nga pswandlaswa zinwe ni vanana.

Hosea 10:6

Va ta gi fambisa le Assiria, gi yava xinyikiwo ka hosi Jarebe. Efraime i tawa tingana, na Israeli i tava ni tingana hi kota ya wusungukati gakwe.

Hosea 13:16

Samaria i ta tsayiswa hikuva a vukeleko a Nungungulu wakwe. Va ta dawa hi supado; a zihlangana zabye zi ta pswhandlaselwa, ni vavasati vabye lava va nga ni tinyimba va ta hanzulelwa.

Hosea 4:16

Hakuva Israeli i na ni kanu khwatsi i thokazi ka xitlalu; makunu Jehova i ta va risa khwatsi i tiyivana wutshanwini gi anamileko.

Hosea 4:17

Efraime i ti nyiketele zifananisweni; mu tsikeni.

Levi 26:25

Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

Levi 26:31

Nzi ta hahlula a miti ya nwina, yi maha marumbi; nzi ta hangalasa matshamu ya nwina yo basa; cima nzi nga ta ha nuhetela a masema ya minyikelo ya nwina. Isa. 1:13

Levi 26:33

Na nwina nzi ta mu hangalasa lomu matikweni, nzi mu hlongorisa hi matlhari, a tiko ga nwina gi sala gi maha xiwula, ni miti ya nwina yi maha marumbi.

Amosi 6:8

Hosi Jehova i hlambanyile hi wutsumbu gakwe, aku: Jehova a Nungungulu wa tiyimpi i ngalo; Nza swireka hi matshanza ya Jakobe, nza venga a ziluvelo zakwe, hikwalaho nzi ta nyikela kulobyisweni a muti ni zontlhe zi nga ka wona.

Mika 5:11

Nzi ta hahlula a miti ya tiko ga wena, nzi khungumula a makhokhola ya wena wontlhe.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Deuteronome 28:52

Na vona va ta ku vimbezela lomu mitini ya wena yontlhe, kala kuwa lahasi wontihe a makhokhola lawa ma gingisilweko hi ntamu, walawo u ma tsumbako lomu tikweni ga wena gontlhe. Va ta ku hlasela lomu mitini ya wena yontlhe, lomu ka tiko legi Jehova Nungungulu wa wena a nga ku nyika gona.

Deuteronome 32:25

Lahandle va ta dawa hi tlhari, Ni lomu tindlwini va ta dawa hi kutshisa; A jaha gi ta lova khwatsi hi nhanyana, Ni loyi a anwako khwatsi hi xikhosana.