Hosea 11:4 - Tshwa Bible

⁴ Nzi lo va koka hi tingoti ta wuxinji, ni magota ya liranzo; nzi lo rula muyoka wa tinhamu tabye, nzi va phamela.

Hosea 11:4 Mawu Ofanana

2 Samueli 7:14

Nzi tava raru wakwe, yenawu i tava nʼwana wa mina. Ku taku loku a maha za kubiha nzi mu tsayisa hi nhonga ya vanhu, ni limhika la vanana va vanhu, 1 Kro. 22:10; Maheb. 1:5; Kuv. 21:7

Tisimu 105:40

Va lo kombela, a va nyika tihwari, A va xurisa hi xibaba xa le tilweni.

Eksodusi 16:32

Mosi i te ngalo: Lezi zi leletelweko hi Jehova hi lezi: A ku hlayiswe a homeri leyi yi teleko hi manna xikari ka mingango ya nwina, kasi a zizukulwana za nwina zi ta ta wona a zibaba lezi nzi nga mu wundla ha zona lomu xiwuleni, xikhati lexo nzi nga mu humesa tikweni ga Gipite.

Xizimba xa ka Solomoni 1:4

Nzi koke, hi ta ku lanzela hi ku tsutsuma, A hosi yi nzi nehile tindlwini ta yona. Hi ta nengela hi tsakela wena; Hi ta dumisa a liranzo la wena ku hunza a vinya; Lava va ku ranzako va nani xigelo.

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Hosea 2:8

Hakuva a nga zi tivangi lezaku nzi mu hile zakuga, ni vinya, ni mafura, nzi mu anzisela a siliva ni nzalama leyi va nga maha ha yona zifananiso za Baali.

Levi 26:13

Hi mina Jehova, a Nungungulu wa nwina, loyi nzi mu humesileko tikweni ga le Gipite, kasi mu nga mahi tikhumbi tabye. Nzi tshovile a pingo wa makhotso ya nwina, nzi mu mahile mu famba na mu lulamile muku pswi.

Johani 12:32

Mina loku nzi tlakusilwe misaveni, nzi ta kokela vanhu vontlhe ka mina. Xip. 3:14; Rom. 5:18; Maheb. 2:9

2 Va le Korinte 5:14

Hakuva a liranzo la Kristu la hi kurumeta, kota lezi hi alakanyako ku ngalo: Munwe i lo fela vontlhe, hikwalaho vontlhe va file. Rom. 5:15

Deuteronome 32:12

Lezo Jehova yece i lo rangela a vanhu vakwe, Ku wa nga hi na munwani nungungulu.

Deuteronome 32:14

Ni mawomba ya tihomu, ni masi ya timbuti, Ni mafura ya tiyivu; Ni tihamba leti ti pswalilweko le Baxani, ni timhongo, Ni mapa ya mavele ma nanaselweko khwatsi. Mu nwile a vinya go nanziha, gi nga nkhata wa mauva.