Hosea 11:3 - Tshwa Bible

³ Kasike hi mina nzi nga dedisa Efraime, nzi va angarela mawokweni ya mina; kanilezi a va zi tivangi lezaku nzi va chumile. Ekso. 15:26; Deut. 1:31

Hosea 11:3 Mawu Ofanana

Tisimu 107:20

I lo rumela a mhaka yakwe a va hanyisa, A va ponisa kulobyisweni kabye.

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Eksodusi 19:4

Mu zi wonile lezi nzi zi mahileko ka vaGipite ni lezi nzi mu tlakukileko zona hi tipapa ta gama nzi mu tisa ka mina.

Eksodusi 23:25

Khozelani Jehova, Nungungulu Wa nwina, zonake i ta katekisa a zakuga za nwina, ni mati ya nwina, a susa mababyi xikari ka nwina.

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Isaya 46:3

Nzi ingiseni, nwina va yindlu ya Jakobe, Nwina nwentlhe mu seleko ka yindlu ya ka Israeli; Nwina lava nzi mu rweleko kusukela kupswalweni ka nwina, Nzi mu beleka na ma ha hi rumbyini ga nyine wa nwina. Ekso. 19:4; Deut. 1:31; 32:11

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Jeremia 30:17

Hakuva nzi ta ku chuma, Nzi holisa a timbanga ta wena, ku wula Jehova; Hakuva u wuliwa Muhleleleki, Zioni loyi va nga mu khataleliko.

Jeremia 8:22

Xana a ku na muri le Gileadi, Ku hava nʼanga leyo ke? A mbanga ya nʼwana wa xisati wa vanhu va mina a yi holiswangi hikuyini ke?

Hosea 14:4

Nzi ta chuma a kutlhelela kabye nzhako, nzi va ranza hi mbilu yontlhe ya mina, hakuva a zanga ya mina yi sukile kabye.

Hosea 2:8

Hakuva a nga zi tivangi lezaku nzi mu hile zakuga, ni vinya, ni mafura, nzi mu anzisela a siliva ni nzalama leyi va nga maha ha yona zifananiso za Baali.

Hosea 7:1

Loku nziku hi ku chuma Israeli, zonake ku woneka a zigoho za Efraime ni kubiha ka Samaria, hakuva va tira kukhohlisa. A makhamba ma enghena ni ntlawa wa vaphangi wa phanga hi lahandle.

Hosea 7:15

Hi mina nzi nga gonzisa, nzi tiyisa mawoko yabye, kanilezi va alakanyela kubiha ha mina.

Mitiro 13:18

Yena i lo hunisela ha vona le xiwuleni a xipimo xa 40 wa malembe.

Deuteronome 1:31

Ni lomu xiwuleni mu wonile lezaku Jehova, Nungungulu wa wena, i lo ku beleka kota loku munhu a beleka nwanana wakwe, ka yontlhe ndlela leyi mu fambileko ka yona kala mu ta chikela laha. Deut. 32:10

Deuteronome 33:27

Nungungulu wa pinzukelwa mbuchavelo ga wena, Ni laha hasi ku fumela a mawoko yakwe ya pinzukelwa. I hlongolile a valala mahlweni ka wena, A ku ngalo: Lovisa!

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.