Hosea 11:11 - Tshwa Bible

¹¹ Vata hi le Gipite na va rurumela kukotisa xinyanyani, ni kukotisa a tuva na va huma hi le tikweni ga Assiria. Zonake nzi ta va maha va tshama tindlwini tabye, ku wula Jehova. A kungakholeki ka Israeli.

Hosea 11:11 Mawu Ofanana

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Isaya 60:8

Mbamani lava va tako khwatsi i refu, Va ku khwatsi matuva ma purumako xihahlweni xa wona ke?

Jeremia 31:12

Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.

Ezekieli 34:27

A tisinya ta lomu nkoveni ti ta pswala mihanzu ya tona, ni misava yi ta humesa mihanzu ya yona, va ta tshama hi kurula tikweni gabye. Va ta zi tiva lezaku hi mina Jehova laha nzi ta nga tshova a muyoka wabye, nzi va tlhatlhisa mandleni ya lava va nga va maha tikhumbi.

Ezekieli 34:28

Va nga ta ha maha a pfimba wa vamatiko, hambu ku giwa hi zivanza za misava; va ta tshama hi kurula, a nga kona a to va dzukisa.

Ezekieli 37:21

U ta wula ka vona, uku: Hosi Jehova i ngalo: Langutani, nzi ta humesa, a vanana va ka Israeli lomu matikweni lawa va yileko ka wona, nzi ta va tsombanyisa hi ka matlhelo wontihe, nzi va wuyisa a tikweni gabye,

Ezekieli 37:25

Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Hosea 7:11

Efraime i fanana ni tuva ga manya, gi nga hiko na kupima; va vitana a maGipite, vaya le Assiria. 2 Tih. 15:19; 16:7

Obadia 1:17

Kanilezi lava va ponileko va tava le xitsuhgeni xa Zioni, xi tava wutshamu gi basileko; zonake a yindlu ya ka Jakobe yi ta fumela a tshomba yabye.

Zakaria 10:10

Nzi ta va tlhelisa va huma tikweni ga Gipite, nzi va tsombanyisa va huma tikweni ga Assiria; nzi va yisa tikweni ga Gileade ni le Lebanoni, ni wutshamu gi ta tlhela gi nga va ringani.

Zakaria 8:7

Jehova wa tiyimpi i ngalo: Langutani, nzi ta ponisa a vanhu va mina ka tiko ga Mutsuwuka-gambo, ni ka tiko ga Muhlwa-gambo.

Zakaria 8:8

Nzi ta va wuyisa, va ta tshama xikari ka Jerusalema; va tava vanhu va mina, mina nzi maha Nungungulu wabye, hi zinene ni kululama.