Hosea 11:10 - Tshwa Bible

¹⁰ Va ta lanzela Jehova loyi a ta nga dzumadzuma khwatsi i nghala. Hakuva i ta dzuma, a vanana va tata kakwe hi kururumela, na va huma hi Mupela-gambo.

Hosea 11:10 Mawu Ofanana

Joba 37:1

Hi kota ya lezo a mbilu ya mina ya rurumela, Yi suka wutshanwini ga yona.

Tisimu 119:120

A miri wa mina wa rurumela hi ku chava wena, Nza chava ni kulamula ka wena.

Tisimu 2:11

Tirelani Jehova hi xichawo, Mu tsaka hi kururumela. Fil. 2:12

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Isaya 2:5

Yindlu ya Jakobe, ngonani hi famba kuwonekeleni ka Jehova!

Isaya 31:4

Hakuva Jehova i wulile ka mina, aku: Khwatsi hi nghala kutani xinghalana xi dzumako pfimbeni wa xona, Xi nga chaviko a guwa ga varisi vo tala laʼva vitanilweko, Xi nga tsutsumiko xi chava a wunyingi gabye; Hizalezo Jehova wa tiyimpi i ta relela a talwa a xitsungeni xa Zioni ni mugangeni wa kona.

Isaya 42:13

Jehova wa huma kota nhenha, Wa ti vuxa khwatsi hi munhu a yako yimpini; I kanyuluka, aba huwa, A kombisa ntamu wakwe ka valala vakwe.

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Isaya 64:2

A kukotisa a nzilo wu dzivelako tihunyi ti womileko, A nzilo wu vilisa mati; Lezaku a valala va wena va fela ku tiva a vito ga wena, Ni matiko ma rurumela mahlweni ka wena.

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Isaya 66:5

Zwanani a mhaka ya Jehova nwina lava mu rurumelako hi gezu gakwe! Hakuva a vamakwenu lava va mu vengako, Lava va mu hlongolako hi kota ya vito ga mina, Ve ngalo: Jehova a kombisa a wukulu gakwe, Kasi ha fela ku wona kutsaka ka nwina! Kanilezi va tawa tingana.

Jeremia 2:2

Yana, kanyuluka tindleveni ta Jerusalema, uku: Jehova i ngalo: Nza alakanya a wunene ga wuswa ga wena, Ni liranzo la wena xikhatini xa kuwutiwa ka wena; Laha u nga kari u nzi lanzela le xiwuleni, A ka tiko legi gi nga kala gi nga byaliwangi.

Jeremia 25:30

Hikwalaho u ta profeta kabye leti timhaka, uku: Jehova wa dzuma-dzuma hi le hehla, A zwata gezu gakwe hi lomu ndlwini yakwe yo basa; Wa dzumela wuriselo gakwe hi kuchavisileko, Waba huwa kukotisa vakhuwuti va mauva, Na vukela vaaki vontlhe va misava. Joeli 3:16; Am. 1:2

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Jeremia 33:9

A muti lowu wu tava litsako ni wudzunzo ni wudumo ka mina mahlweni ka tontlhe a tixaka ta misava, leti ti ta ngazwa wunene gontlhe nzi ta nga va mahela; ti ta chava ni ku rurumela hi kota ya gontlhe a wunene ni kuvuvuma kontlhe nzi to va mahela kona.

Jeremia 5:22

Xana a mu nzi chavi ke? ku wula Jehova; mu nga ta rurumela mahlweni ka mina ke? Mina loyi nzi nga veka a seke a kuva mbhingano wa bimhi wa kala kupinzuka, lezaku gi nga zi koti ku wu hunza. Hambu loku a mabyandlati ma gobhoza hi ntamu a ma zi koti ku hlula, hambu loku gi nga dzinza-dzinza hi ntamu, cima gi nga ta hunza. Joba 26:10; Tis. 104:9

Jeremia 50:4

A masikwini ya xikhati lexo, ku wula Jehova, a vana va ka Israeli ni va ka Juda ya tata zinwe; na va rila va ta famba va hlota Jehova Nungungulu wabye.

Jeremia 7:6

loku mu nga xanisi a muluveli, a xisiwana ni noni, loku mu nga halati a nkhata wa va nga hiko na nanzu ka legi wutshamu, hambu ni ku lanzela vanwani vanungungulu, muva ni makhombo hi kota ya vona; Ekso. 22:21

Jeremia 7:9

Xana ma ha ta yiva, mu daya, mu bhaya, mu hlambanya mawunwa, mu hisa miphahlo yo nuhela ka Baali, ni ku lanzela vanwani vanungungulu lavo mu nga va tiviko?

Ezekieli 26:16

Zonake a tihosana tontlhe ta bimbi ti ta chika hi le xitshanwini za tona za wuhosi. Ti veka tinguwo ta tona tlhelweni, Ti runzuwula a tinguwo ta tona ta mavalavala; Ti ta ambala kuchava, Ti tshama lahasi hi kururumela xikhati xontlhe, Ti rewukiswa hi wena.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Joeli 3:16

Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Amosi 1:2

Aku: Jehova i ta dzuma hi le Zioni, a zwata a gezu gakwe hi le Jerusalema; a wuriselo ga varisi gi ta rila, ni xixungwe xa Karmeli xi ta wuna. Jer. 25:30; Hos. 11:10; Joeli 3:18

Amosi 3:4

A nghala yi nga dzuma lomu khwatini, ahandle ka kuva yi hi ni pfimba ke? A zinghalana xi nga ngurangura nzawini wa xona, ahandle ka kuva xi khomile nchumu ke?

Amosi 3:8

Loku a nghala ya dzumadzuma, himani a to kala a nga chavi? Loku Hosi Jehova a wulawula, himani a to kala a nga profeti?

Mika 4:5

Hakuva a matiko wontlhe, a ginwe ni ginwani gi famba vitweni ga nungungulu wa gona, kanilezi hina hi ta famba vitweni ga Jehova a Nungungulu wa hina kala kupinzuka ni kupinzuka.

Habakuka 3:16

Nzi zi zwile, a mbilu ya mina yi rurumela, Hi gezu lego a milomu ya mina yi dzudzumela; Ku enghena kubola marambyini ya mina, na nzi kari nzi rurumela. Nzi yimelwe hi ku rinzela a siku ga khombo, A siku legi a tiko gi ta nga hlaselwa hi valala.

Zakaria 10:10

Nzi ta va tlhelisa va huma tikweni ga Gipite, nzi va tsombanyisa va huma tikweni ga Assiria; nzi va yisa tikweni ga Gileade ni le Lebanoni, ni wutshamu gi ta tlhela gi nga va ringani.

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

Zakaria 8:7

Jehova wa tiyimpi i ngalo: Langutani, nzi ta ponisa a vanhu va mina ka tiko ga Mutsuwuka-gambo, ni ka tiko ga Muhlwa-gambo.

Johani 8:12

Zonake Jesu i lo engeta a kanela ka vanhu, aku: Mina nzi kuwonekela ka tiko. Loyi a nzi lanzelako a nga ta ha famba munyameni; kanilezi i tava ni kuwonekela ka wutomi. Xip. 1:5, 9; 9:5; 12:35, 46

Mitiro 24:25

Kanilezi laha a nga kanela hi kululama, ni kutikhoma, ni kulamula ku tako, Felisi i lo chava, a hlamula, aku: Ti fambele makunu, nzi ta tlhela nzi ku vitana loku nzi kuma xikhati xi nene.

Va le Roma 8:1

Hikwalaho a ku na kukoniwa ka lava va nga ka Kristu Jesu. Gal. 5:16

2 Pedro 2:10

kanilezi i maha lezo nguvunguvu hi vona lava va fambako hi ka nyama kumbilukeleni ko nyenyeza, va kanyisa a wuhosi ga le hehla. Kota lezi va nga ni wurena va ti kukumukisa, a va chavi a ku rukatela a zivangwa zi ngangamelako. Juda 4, 7, 8

Kuvululelwa 10:3

Yi lo kanyuluka hi gezu ga hombe, ku khwatsi hi kudzuma ka nghala; laha na yi kanyulukile, ku lo zwakala a magezu ya ntlhanu wa kudzinza ni kumbiri.