Hosea 10:8 - Tshwa Bible

⁸ Ku ta lobyiswa ni matshamu ma tlakukileko ya le Aven ma nga xionho xa Israeli. A mizwa ni zigetlwani zi ta mita lomu maalatini yabye; zonake va taku ka zitsunga: Hi khubhunyeteni! Vaku ka miganga: Welani hehla ka hina! Isa. 2:19; Lu. 23:30; Kuv. 6:16

Hosea 10:8 Mawu Ofanana

Genesisi 3:8

Va lozwa a gezu ga Jehova Nungungulu na a famba lomu sinwini laha gambyeni; a wanuna ni sati wakwe va lo fihlala lomu tisinyeni ta simu va chava nghohe ya Nungungulu.

1 Tihosi 13:2

Yena i loba huwa mahlweni ka alati hi gezu ga Jehova, aku: Alati, alati! Jehova i ngalo: Languta, ku ta belekiwa a nisanyana lomu ndlwini ka Davida, a vito gakwe hi Josia. Yena i ta phahlela hehla ka wena hi vapristi va legi wutshamu gi tlakukileko, lava va hisako libani hehla ka wena, ku ta hiswa ni marambu ya vanhu hehla ka wena!

1 Tihosi 13:34

Lezo zi lova kuonha ka hombe lomu ndlwini ya Jeroboamu, yi kala yi lobyiswa laha misaveni.

1 Tihosi 14:16

Jehova i ta nyikela va ka Israeli hi kota ya zionho za Jeroboamu, lezi a zi mahileko ni lezi a onhisileko va ka Israeli ha zona.

2 Tihosi 23:15

Ni kambe i lo khungumula a alati legi gi nga wa hi le Beteli, ni wutshamu gi tlakukileko legi gi nga wa mahilwe hi Jeroboamu nʼwana Nebate, loyi a onhisileko va ka Israeli; i lo khungumula a alati lego ni wutshamu gi tlakukileko, a hisa a yindlu ya kona a yi maha tsutsungwani, a hisa ni xifananiso xa Axtarte.

2 Kronekele 31:1

Makunu laha zontlhe lezi zi nga wa mbhetekile, vontlhe va ka Israeli lava va nga wa hi kona va lo suka vaya mitini ya va ka Juda va ya fayetela zifananiso, va tsema matshamu ya zifananiso za Axtarte, va khungumula matshamu ma tlakukileko ni maalati tikweni gontlhe ga va ka Juda ni ga ka Benjamini, ni ga ka Efraime, ni ga va ka Manasa kambe, va kala va mbheta zontlhe. Zonake vontlhe va ka Israeli va lo tlhelela mitini yabye.

Isaya 2:19

A vanhu va ta tsutsumela timhakweni ta maribye, ni lomu minkeleni ya misava, hi ku chava Jehova ni kungangamela ka wukulu gakwe, laha a ta nga suka a chavisa misava.

Isaya 2:21

loku va tsutsumela lomu timhakweni ta maribye ni mikovotlweni ya zitsunga, hi ku chava Jehova ni kungangamela ka wukulu gakwe, laha a ta nga suka a chavisa misava.

Isaya 32:13

Lomu tikweni ga vanhu va mina ku ta mila mizwa ni zigetlwani, Ina, ni le hehla ka tiyindlu ta kutsaka mutini wa tsakiselelo.

Isaya 34:13

Ku ta mila mizwa lomu ziluvelweni za kona, A mahlehlo ni zigetlwani zi ta mila lomu makhokholeni; Gi tava wuakelo ga mahlolwa ni timbhuwu.

Hosea 10:2

A timbilu tabye ti khohlakele, hikwalaho va ta koneka. Nungungulu i ta khungumula a maalati yabye, a wisa zifananiso zabye.

Hosea 10:5

A vaaki va le Samaria va ta chava hi kota ya role ga le Betavene; hakuva a vanhu va kona va ta gi rilela, ni vapristi va gona va ta rurumela hakuva a wukosi ga gona gi sukile.

Hosea 10:9

Israeli, u onhile kusukela masikwini ya Gibea. Va lo yima laho, kasi a yimpi yi vukelako a vakubiha yi nga va kumi le Gibea. Vala. 19:22

Hosea 2:6

Hikwalaho nzi ta vala a ndlela yakwe hi mizwa, nzi mu vekela libhingo kasi a nga ha woni tisoko takwe.

Hosea 4:13

Va phahlela hehla ka zitsunga, va hisa libani lomu migangeni, ni lahasi ka mikuhlu ni mapoplari ni mikanyi, hakuva a minzhuti ya zona yi nene. Hikwalaho a vanhanyana va nwina va bhaya, ni vakatamwane va nwina va maha wuoswi.

Hosea 4:15

Loku wena Israeli u maha wubhayi, Juda ngha a nga ti kokeli nanzu. Mu ngati le Gilgale, mu ngayi le Betavene, ge hambu ku hlambanya, muku: Ha Jehova a hanyako! Deut. 6:13; 1 Tih. 12:29; Am. 5:5

Hosea 5:8

Banani a khombela le Gibea, muba mpunzu le Rama; kanyulukani le Betavene, a nala wata Benjamini!

Hosea 8:5

A role ga wena Samaria ga nzi hlamukisa; a zanga ya mina ya va vindlukela. Va ta ala ku basiswa kala rini?

Hosea 9:6

Va ta panzanyeka hi kota ya lobyiselelo; Gipite i ta va tsombanyisa, Memfisi a va lahla. A zibya zabye za siliva lezi va zi ranzako zi ta fenengetiwa hi feha, ni mizwa yi ta mila matendeni yabye.

Amosi 1:5

Nzi ta tshova a zikwinyaro za Damasku, nzi lovisa a vaaki va lomu livaleni la le Aveni, ni loyi a khomako a nhonga ya wuhosi le Bet-edeni. Zonake a vanhu va le Siria va ta yiswa wukhumbini le Kira, ku wula Jehova.

Amosi 3:14

Hakuva a siku legi nzi ta nga tsayisa Israeli hi kota ya zihambunyeto zakwe, nzi ta tsayisa kambe ni maalati ya le Beteli, kasi a timhonzo ta maalati ti tsenwa tiwa lahasi. 1 Tih. 12:33; 2 Tih. 23:15

Amosi 7:9

A matshamu ma tlakukileko ya Isaka ma ta hahlulwa, ni matshamu ma basileko ya ka Israeli ma ta hangalasiwa; nzi ta vukela a yindlu ya ka Jeroboamu hi supado. 2 Tih. 17:20

Amosi 8:14

Lava va hlambanyako hi xionho xa Samaria, vaku: Hi wutomi ga nungungulu wa wena Dani! niku, Hi wutomi ga ndlela ya le Berexeba! Na vonawu va tawa, va nga ha vuki kambe. 1 Tih. 12:28; Hos. 10:8

Mika 1:13

Wena muaki wa le Lakixe, panisa a mahaxi ya mazambo laha kareteni, hakuva hi wena a masangulo ya xionho xa nhanyana wa le Zioni, a zihambunyeto za Israeli zi kumilwe ka wena. Jox. 15:39; 2 Tih. 19:8

Mika 1:5

Zontlhe lezo zi ta maheka hi kota ya zihambunyeto za Jakobe ni zionho za yindlu ya ka Israeli, A xihambunyeto xa Jakobe xi huma kwihi? A hi le Samaria ke? Hi wahi a matshamu yo tlakuka ya ka Juda? A hi Jerusalema ke?

Nahume 3:11

Na wena kambe u ta popiwa, u ti fihla; u ta lava a wuchavelo u tsutsuma valala va wena.

Luka 23:30

Xikhatini lexo va ta sangula ku wula ka zitsunga, vaku: Welani hehla ka hina; ni ka zitsungana: Hi khubhunyeteni. Isa. 2:19; Hos. 10:8; Kuv. 6:16

Deuteronome 9:21

A xionho xa nwina, gi nga gona role legi mu gi mahileko, nzi lo gi teka nzi gi hisa, ni ku gi fayetela, nzi gi gaya nzi gi silisisa, nzi maha tsutsungwani ha gona, zonake nzi wu chela lomu congweni lowu wu tako hi le xitsungeni.

Kuvululelwa 6:16

vaku ka zitsunga ni le maribyeni: Wanani hehla ka hina, mu hi fihla nghoheni ya loyi a tshamileko xitshanwini xa wuhosi, ni khulweni ga Yivana. Hos. 10:8; Lu. 28:30

Kuvululelwa 9:6

Hi lawo masiku a vanhu va ta lava kufa, cima va nga ta ku kuma; va ta navela kufa, ni kufa ku ta va tsutsuma. Joba 3:21; Isa. 2:19; Jer. 8:3