Hosea 10:6 - Tshwa Bible

⁶ Va ta gi fambisa le Assiria, gi yava xinyikiwo ka hosi Jarebe. Efraime i tawa tingana, na Israeli i tava ni tingana hi kota ya wusungukati gakwe.

Hosea 10:6 Mawu Ofanana

2 Tihosi 17:3

Ku lota Xalmanesera a hosi ya le Asiria a ku talwa naye; zonake Hoxea i lo khoza kakwe, a mu luva.

Joba 18:7

A zikanzihelo za ntamu wakwe zi ta hlonganiswa, Ni xikungo xakwe xi ta mu wisa.

Isaya 1:29

Hakuva va tava ni tingana hi kota ya tisinya ta mikuhlu leti mu nga tsaka ha tona, mu wiswa tingana hi kota ya masimu lawa mu ma ranzileko.

Isaya 30:3

A khokhola ga Faro gi ta mu wisa tingana, Ni kutsumba ka nwina hi nzhuti wa le Gipite ku tava kukanganyiseka.

Isaya 45:16

Vontlhe vawa tingana va kanganyiseka; Vontlhe vamahi va zifananiso va suka na va hi ni tingana.

Jeremia 48:13

Moabi i tazwa tingana ha Kemoxe, Khwatsi hi yindlu ya ka Israeli yi ngazwa tingana ha Beteli, Loyi a nga hi kutsumba kabye.

Jeremia 7:24

Kanilezi a va ingisangi, hambu ku riya tindleve; kanilezi va lo famba lomu makungweni yabye ni lomu ka kunonoha ka timbilu tabye ta kubiha, va lo tlhelela nzhako, a va yangi mahlweni.

Ezekieli 16:28

U mahile wubhayi kambe ni maAssiria, hakuva u wa nga se kolwa; ina, u bhayile navo, kanilezi a ku kolwangi. 2 Kro. 28:16

Ezekieli 36:31

Zonake mu ta alakanya a tindlela ta nwina to biha, ni zimaho za nwina zo nyenyeza. Mu ta ti swihala hi kota ya kubiha ka nwina ni manyalataniso ya nwina.

Danieli 11:8

A vanungungulu vabye, ni zifananiso zabye zi chululweko, ni zibya zabye za siliva ni nzalama, i ta zi wutla a zi yisa Gipite. Zonake hi malembe yo kari a nga ta ha Vukela a hosi ya le Nwalungu.

Hosea 4:19

A xipupuri xi ta va songela lomu tipapeni ta xona; va tava ni tingana hi kota ya miphahlelo yabye.

Hosea 4:7

Laha va nga anza vawa nzi onhela; nzi ta hunzula wudumo gabye giva tingana.

Hosea 5:13

Laha Efraime a nga wona wubabyi gakwe, ni laha Juda a nga wona xilonza xakwe, zonake Efraime i loya le Assiria, a ya rumela ka hosi Jareba. Kanilezi na yenawu a nga zi koti ku mu chuma, a nga zi koti ku holisa xilonza xa wena. 2 Tih. 15:19; 16:7

Hosea 8:6

Hakuva gona gita hi ka Israeli; mufuli a gi mahileko, gona a hi Nungungulu. Ina, a role ga Samaria gi ta tshobyiwe fufanyi.

Mika 6:16

Hakuva u hlayisa a zilayelo za Omri, ni matirela wontlhe ya yindlu ya ka Ahabi, u famba hi tindlela tabye. Hikwalaho nzi ta ku hahlula, a vaaki va wena va hlekulwa; zonake u ta rwala a nzhukano ya vanhu va mina. 1 Tih. 16:25, 26, 30-33