Hosea 1:7 - Tshwa Bible

⁷ Kanilezi nzi tava ni wuxinji ka yindlu ya ka Juda, nzi va ponisa ha Jehova a Nungungulu wabye; nzi nga ta va ponisa hi mawura, kutani tisupado ni kulwa, hambu mahaxi ni vakhileli va mahaxi.

Hosea 1:7 Mawu Ofanana

2 Tihosi 19:29

A xikombiso xa kona ka wena hi lexi: A lembe legi mu taga mituke; a ga wumbiri mu taga zo ti milela ha zoce; a ga wunharu mu ta byala, mu tshovela, mu rima zivina za nwina, muga mihanzu ya zona.

2 Tihosi 19:34

Nzi ta wu vikela, nzi wu hlayisela vito ga mina, hi kota ya nanza ga mina Davida.

2 Tihosi 19:35

Zonake ka gwalego wusiku a ngelosi ya Jehova yi lo huma yi ya hlasela 185,000 wa vavanuna lomu wugovelweni ga maAsiria. A xikhati lexi a vanhu va nga vuka ni mixo, va lo kuma lezaku vontlhe va wa file.

2 Tihosi 6:18

A maSiria ma lo relela maya ka Elixa, yena a khongela ka Jehova, aku: Lamata a mahlo ya vanhu lava hi wukhumu. Jehova i lo lamata a mahlo yabye, khwatsi hi lezi Elixa a wulileko.

Tisimu 33:16

A hosi a yi hluli hi wunyingi ga mabutho; A nhenha a yi poni hi ntamu wa yona wa hombe. 2 Kro. 14:11

Tisimu 44:7

Kanilezi hi wena u hi ponisako ka valala va hina, U va wisa tingana lava va hi vengako.

Eksodusi 14:13

Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Eksodusi 14:30

Ka lego siku Jehova i lo hanyisa Israeli canjeni ga vaGipite, ni vaIsraeli va lo wona a zirumbi za vaGipite lomu mbhirini ya bimbi.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Jeremia 25:5

Va waku: Hunzulukani munwe ni munwani a ndleleni yakwe yo biha, ni ka kubiha ka zimaho za nwina, kasi ma aka tikweni legi Jehova a nyikileko nwina ni vararu va nwina, kusukela kaleloko ku kala kupinzuka.

Jeremia 25:6

Mu nga lanzeli vanwani vanungungulu, kasi mu va tirela ni ku va khizamela, mu nga vindlusi a khulo ga mina hi mitiro ya mandla ya nwina, kasi mina nzi nga mu maheli kubiha.

Jeremia 33:26

zonake nzi ta tsika a pswalo wa Jakobe ni wa Davida a nanza ga mina, lezaku nzi nga ha dzuki nzi teka xikari ka vana vakwe loyi a ta nga fumela a lixaka la Abrahama, Isaka na Jakobe, hakuva nzi ta wuyisa a vakhomiwa vabye nzi va hawukela.

Hosea 1:8

Makunu loku a lumule Lo-ruhama, i lo xura nyimba a beleka mufana.

Hosea 11:12

Efraime i nzi ranzele hi mawunwa, ni yindlu ya ka Israeli hi kukhohlisa. Kanilezi Juda wa ha hluwuka Loyi wo Basa a tsumbekileko.

Zakaria 4:6

Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

1 Samueli 17:47

Wontihe hlengeletano lowu wu ta zi tiva lezaku Jehova wa ponisa, kanilezi na ku nga hi supado ni tlhari, hakuva a kulwa ni kuhlula za Jehova; makunu i mu nyikele nwina mandleni ya hina.