Hosea 1:4 - Tshwa Bible

⁴ Jehova aku kakwe: Mu chule vito ga Jezreeli, hakuva lokuloku nzi ta photela a nkhata wa Jezreeli ka yindlu ya ka Jehu, nzi mbhetisa a mufumo wa yindlu ya ka Israeli. 1 Tih. 21:1; 2 Tih. 9:8

Hosea 1:4 Mawu Ofanana

2 Tihosi 10:1

Makunu Ahabi i wa siyile 70 wa vafana le Samaria. Jehu i lo tsala mapapilo a ma rumela le Samaria ka vafumeli va le Jezreeli, ni ka masingalakati, ni ka vawundli va vana va Ahabi,

2 Tihosi 10:17

Loku va chikele le Samaria, i lo daya vontlhe lava va nga wa sele va ka Ahabi, a va lovisa vontlhe khwatsi hi kuwula ka Jehova ka Elija.

2 Tihosi 15:29

Masikwini ya Peka hosi ya ka Israeli, Tiglate-Pilesera a hosi ya le Asiria i lota a ta teka Ijoni, na Abelabete-Maaka, na Janoa, na Kedexe, na Hazora, na Gileade, na Galile, ni gontlhe a tiko ga ka Naftali, a va khoma va maha tikhumbi a va fambisa le Asiria.

2 Tihosi 15:8

Hi lembe ga wu 38 ga kufuma ka Azaria a hosi ya ka Juda, Zakaria nʼwana Jeroboamu i lo sangula ku fuma le Samaria; i lo fuma 6 wa tihweti.

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 8:3

Nzi lo enghena ka muprofeti wa xisati, i lo xura nyimba a pswala nʼwana. Na Nungungulu aku ka mina: Mu chule vito ga Maher-xalal-hax-baz.

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 20:3

Hi manziko wa kona Paxuri i lo humesa Jeremia hi lomu makhotsweni. Zonake Jeremia aku ngalo kakwe: Jehova a nga ku chulangi vito ku u Paxuri, kanilezi u Magor-missabibi.

Jeremia 23:2

Hikwalaho Jehova Nungungulu wa Israeli i ngalo xungetano hi varisi va risako a vanhu va mina: Nwina mu hangalasile a tiyivu ta mina, mu ti hlongola, a mu chelangi kota hi tona. Nzi ta mu tsayisa hi kota ya kubiha ka zimaho za nwina, ku wula Jehova.

Jeremia 3:8

Nzi lo wona lezaku hambu lezi nzi nga hlongole Israeli, nzi mu nyika a papilo ga kuhambana hi kota ya wubhayi gakwe, Juda a makabye wakwe loyi a nga tsumbekangiko, a nga chavangi, kanilezi yenawu i lo famba a ya maha gona wubhayi. Deut. 24:1; 2 Tih. 17:18

Ezekieli 23:10

Va lo vumbulula a wumbyiri gakwe: va teka vafana ni vanhanyana vakwe, yena wutsumbu va lo mu daya hi supado. I lo maha a tsheketo xikari ka vavasati laha a nga lamuliwa ni ku tsayiswa.

Ezekieli 23:31

U fambile hi ndlela ya makwenu, hikwalaho nzi ta ku nyika a gombe gakwe.

Hosea 1:6

I lo xura nyimba kambe a mu belekela a nhanyana. Jehova aku kakwe: Mu chule a vito ga Lo-ruhama, hakuva nzi nga ha tava ni wuxinji kambe ka yindlu ya ka Israeli, nzi nga ta va tsetselela.

Hosea 1:9

Jehova aku kakwe: Mu chule a vito ga Lo-ammi, hakuva nwina a mu vanhu va mina, mina nzi nga tava Nungungulu wa nwina.

Hosea 2:13

Nzi ta mu tsayisa hi kota ya masiku ya maBaali, lawa a va hiseleko ho wona a libani, laha a nga ti bombisa hi zingwavila zakwe ni tinzalama takwe, a lanzela zigangu zakwe, mina a nzi rivala, ku wula Jehova.

Hosea 2:22

Zonake a misava yi ta hlamula a mavele, ni vinya, ni mafura, na zonawu zi ta hlamula Jezreeli.

Hosea 9:17

A Nungungulu wa mina i ta va hlongola, hakuva a va mu ingisangi; va tava vanyapepe xikari ka matiko.

Amosi 9:8

Langutani, a mahlo ya Hosi Jehova ma honokela a mufumo lowu wa kuonha, nzi ta wu lovisa nghoheni ya misava; ntsena lezaku a yindlu ya ka Jakobe nzi nga ta yi lovisela magumo, ku wula Jehova.

Mateu 1:21

I ta beleka nisanyana, u ta mu chula vito gakwe aku hi Jesu (hi lezaku Muhanyisi); hakuva hi yena loyi a ta nga hanyisa a vanhu vakwe zionhweni zabye. Lu. 1:31; Miti. 4:12; 5:31

Luka 1:13

Kanilezi a ngelosi yi te ngalo kakwe: U nga chavi, Zakaria; hakuva a xikombelo xa wena xi zwilwe; a sati wa wena Elizabeti i ta ku pswalela a nisanyana, u ta mu chula vito gakwe ku hi Johani.

Luka 1:31

U ta xura nyimba, u beleka a nisanyana, u mu chula vito gakwe aku hi Jesu. Isa. 7:14; Mat. 1:21; Xip. 2:21

Luka 1:63

Yena i lo kombela a pedra go tsalela kona, a tsala, aku: A vito gakwe hi Johani. Vontlhe va lo hlamala.

Johani 1:42

I lo mu neha ka Jesu. Jesu i lo mu cuwuka aku ngalo: Hi wena Simoni, nʼwana Johani; u ta vitanwa ku ngalo, Kefasi, (hi kutlhamusela ku ngalo, Pedro). Mat. 18:18

Joxua 19:18

A mbhingano wabye wu wa hi le Jezreeli, ni Kesiloti, ni le Xunemu;