Hosea 1:11 - Tshwa Bible

¹¹ A vana va ka Juda ni vana va ka Israeli va ta tlhangana va ti yimisela hosi yinwe, va huma tikweni, hakuva gi tava ga hombe a siku ga Jezreeli. Joh. 10:16; Efe. 1:22

Hosea 1:11 Mawu Ofanana

Tisimu 110:3

A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

Jeremia 30:21

A hosana yabye yi ta huma ka vona venyi, Ni mufumeli wabye i ta huma xikari kabye wutsumbu, Nzi ta mu tshineta, i tata ka mina; Hakuva himani a nga tiyako a tshinela ka mina ke? Ku wula Jehova.

Jeremia 30:3

Hakuva ma hata masiku, ku wula Jehova,, lawo nzi to tlhelisela ha wona a vabohiwa va vanhu va mina va Israeli na Juda, ku wula Jehova. Nzi ta va wuyiseta tikweni legi nzi hileko a vakoko vabye, va ta gi fumela.

Jeremia 30:7

Yowe, mina zanga! A siku legi ga hombe, A ku na ginwani go fanana nago. Xikhati xa khombo a ka Jakobe, Hambu zi hi tano, i ta pona ka xona. Joeli 2:11; Am. 5:18; Zef. 1:15

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Jeremia 32:37

Langutani, nzi ta va tsombanyisela hi le matikweni wontihe, lawo nzi va hlongoleleko kona a zangeni ya mina ni xiviti xa mina ni khulo ga hombe; nzi ta tlhela nzi va wuyisa ka legi wutshamu, nzi va maha va tshamiseka. Deut. 30:3; Jer. 30:10

Jeremia 50:19

Nzi ta tlhelisa Israeli a wuya wuriselweni gakwe, i ta gela lomu Karmeli ni lomu Baxani, i ta xura lomu zitsungeni za Efraime ni Gileade. Dan. 9:2; Mika 7:14

Ezekieli 39:25

Hikwalaho Hosi Jehova i ngalo: Makunu nzi ta tlhelisa kambe a tikhumbi ta Jakobe, nzi ta yi mahela wuxinji yontlhe a yindlu ya ka Israeli, nzi ta pangamela a vito ga mina go basa.

Hosea 2:1

Vitanani a vanakuloni, Ammi, ni vamakwenu, Ruhama.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Va le Roma 11:15

Hakuva loku a kuhoxiwa kabye ku hunzukile kuva a kutlhanganyiswa ka misava, xana a kuamukelwa kabye ku tava yini? ku tava kuhanya ka kuvuxiwa hi ka vafileko.