Hosea 1:10 - Tshwa Bible

¹⁰ Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Hosea 1:10 Mawu Ofanana

Genesisi 13:16

Nzi ta maha a pswalo wa wena kota a tshuri wa misava; loku munhu a zi kota ku hlaya a tshuri wa misava, a nga hlaya ni pswalo wa wena.

Genesisi 22:17

nzi ta ku katekisa nguvu, ni ku anzisa a pswalo wa wena, wu kota tinyeleti ta tilo, ni ku kotisa a seke ga le fungwini wa bimbi; ni pswalo wa wena wu ta fumela a nyangwa ya valala vabye.

Genesisi 32:12

Hi wena u nga wula ku ngalo: Nza tiyisa lezaku nzi ta ku mahela zinene, nzi ta maha a pswalo wa wena wu kota a seke ga bimbi gi nga hiko na kuhlayiwa.

2 Samueli 7:24

Wena u ti yimisele a vanhu va wena va ka Israeli a kuva va wena kala kupinzuka; hikwalaho wena Jehova u mahile Nungungulu wabye.

Isaya 43:6

Nzi taku ka Nwalungu: Humesa! Ni ka Dzonga: U nga alisi! Wuyisa a varisanyana va mina hi le kule, Ni vanhwana va mina hi le magemeta-musi ya misava;

Isaya 48:19

Ni vana va wena va wa ta ku khwatsi i seke, Ni pswalo wa marumbu ya wena wu wa ta kotisa vunye; A vito ga wona cima gi wa nga ta susiwa, Ge hambu ku fuviswa mahlweni ka mina. Gen. 22:17; 28:14

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Isaya 64:8

Kanilezi makunu, wena Jehova u dadani wa hina; Hina hi wumba, wena u muwumbi wa hina, Hina hontlhe hi ntiro wa mandla ya wena, Jer. 3:19; Rom. 9:20

Isaya 65:1

Nzi wa longile ku hlamula lava va nga kala va nga nzi vitani, Nzi vumele ku kumiwa hi lava va nga kala va nga nzi lavi. A ka tiko legi gi nga vitwangiko hi vito ga mina, nzi waku: Hi mina loyi! hi mina loyi! Rom. 10:20

Isaya 66:20

Va ta neha vamakwenu vontlhe hi le matikweni a kuva munyikelo ka Jehova. Va tata na va khilele mahaxi, ni tikareta, va tlakuliwa hi machira, vanwani va famba hi mamula ni makameli, vaya xitsungeni xa mina xi basileko le Jerusalema, ku wula Jehova; va nehiwa khwatsi hi vanana va ka Israeli va nehako minyikelo yabye lomu zibyeni zi basileko a ndlwini ya Jehova. Levi 2:1

Jeremia 33:22

Khwatsi hi yimpi ya tilo yi nga hlayiwiko, ni seke ga bimbi gi nga hiko na ku pimiwa, zakunghahi nzi ta anzisa a pswalo wa Davida a nanza ga mina, ni vaLevi lava va nzi tirelako.

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Hosea 1:9

Jehova aku kakwe: Mu chule a vito ga Lo-ammi, hakuva nwina a mu vanhu va mina, mina nzi nga tava Nungungulu wa nwina.

Hosea 2:23

Nzi ta ti byalela yena lomu tikweni, Lo-ruhama nzi ta mu zwela wuxinji, nziku ka Lo-ammi: Nwina mu vanhu va mina. Vona va taku ka mina: Wena u Nungungulu wa hina. Zak. 13:9; Rom. 9:25; 1 Ped. 2:10

Johani 1:12

Kanilezi vontlhe lava va nga mu amukela, i va nyikile ntamu wa ku maha vana va Nungungulu, vona lava va kholwako hi vito gakwe;

Va le Roma 8:19

Hakuva zontlhe zivangwa zi cuwukela hi kunavelisisa ka hombe a kuvululelwa ka vana va Nungungulu. 2 Ped. 3:13; 1 Joh. 3:2

2 Va le Korinte 6:18

Nzi tava Raru wa nwina, nwina mu tava a varisanyana ni vanhanyana va mina, ku wula Hosi ya Nyamintamu. Jer. 31:1, 9; Kuv. 21:7

Maheberu 11:12

Hikwalaho ka wanuna munwe, loyi a ngaku khwatsi i file, ku lo huma vanyingi khwatsi hi tinyeleti ta tilo, ni ku khwatsi hi seke ga le fungwini wa bimbi, legi gi nga hiko na ku hlayiwa. Gen. 22:17; Rom. 4:18, 19