Hagai 2:6 - Tshwa Bible

⁶ Hakuva Jehova wa tiyimpi i ngalo: Ka hi xikhatanyana xitsongwani, nza ha ta tsekatsekisa kanwe a tiko ni misava, ni bimbi ni misava yi womileko. Isa. 14:16; Maheb. 12:26

Hagai 2:6 Mawu Ofanana

Joba 9:6

Loyi a tsekatsekisako misava wu tshanwini ga yona, Ni timhanze ta yona ti ninginizwa.

Tisimu 18:7

A misava yi lo tsekatseka yi rurumela; A ziseketelo za zitsunga zi lo ninginizwa, Zi jujiwa hakuva yena i wa zangarile.

Tisimu 37:10

Ka ha hi xikhatanyana, zonake a wakubiha a nga ta kuva kona, Loku u languta wutshamu gakwe i tava hava.

Isaya 10:25

Hakuva ku tava xikhatanyana a tsayiselelo yi ta hunza, ni zanga ya mina yi ta va lovisa.

Isaya 13:13

Hikwalaho nzi ta tsekatsekisa a tilo, Ni misava yi ta suka wutshanwini ga yona, Hi zanga ya Jehova wa tiyimpi, sikwini lego ga khulo gakwe gi chavisekako.

Isaya 2:19

A vanhu va ta tsutsumela timhakweni ta maribye, ni lomu minkeleni ya misava, hi ku chava Jehova ni kungangamela ka wukulu gakwe, laha a ta nga suka a chavisa misava.

Isaya 29:17

Hi xikhatanyana Lebanoni i ta maha simu gi nonileko, Ni simu gi nonileko gi ta maha khwati.

Isaya 34:4

A xidlemo xontlhe xa le tilweni xi ta nyunguluka, Ni matilo ma ta songiwa kukotisa a papilo, A zidlemo zontlhe za wona zi tawa khwatsi ku tlhatlheka ka matluka ya vina, Kukotisa matluka ma wunileko ya nkuwu.

Jeremia 33:14

Ma hata masiku, ku wula Jehova, lawo nzi to tatisa a mhaka yi nene nzi yi wulileko hi yindlu ya ka Israeli ni xungetano hi yindlu ya ka Juda.

Jeremia 51:33

Hakuva Jehova wa tiyimpi, a Nungungulu wa Israeli, i ngalo: A nhwana wa Babuloni e khwatsi wuhulelo, a xikhatini va gi kanzihelelako; anzhako ka xikhatana a kutshovela ku ta chikela ka yena.

Ezekieli 38:19

Hakuva hi mona wa mina ni kuhisa ka zanga ya mina nza tiyisa nziku: Hizinene, hi siku lego ku tava ni xitsekatseka xa hombe tikweni ga Israeli; Mat. 24:7; Lu. 21:11

Ezekieli 38:20

kasi a zidluwani za bimbi, ni tinyanyani ta tilo, ni zihari za khwati, ni zontlhe zikokakoka za misava, ni vontlhe vanhu va nga laha misaveni, zi ta rurumela mahlweni ka mina; a zitsunga zi ta khungumuka, a maribye ma tawa, ni makhurisi wontihe ma tawa lahasi,

Joeli 3:16

Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Mitiro 2:19

Nzi ta wonisa zihlamaliso le tilweni, Ni ziwoniso laha hasi misaveni: A nkhata ni nzilo ni hunguva ya musi. Joeli 2:37

Maheberu 10:37

Hakuva ka hi kona xikhatanyana, Zonake i ta chikela loyi a ta ngata, a nga ta hlwela. Hab. 2:3, 4; Lu. 18:8

Kuvululelwa 11:9

A vanhu va mifumo ni tixaka ni tirimi ni matiko va ta cuwuka zirumbi zabye a masiku manharu ni khihlanya, va nga vumeli a zirumbi zabye a ku lahliwa.