Hagai 2:5 - Tshwa Bible

⁵ khwatsi hi xivumelwano xa mina lexi nzi nga maha na nwina laha mu nga huma hi le Gipite, ni Moya wa mina, wu tshamile xikari ka nwina: mu nga chavi!

Hagai 2:5 Mawu Ofanana

2 Kronekele 20:17

A hi nwina mu ta ngalwa yimpini leyi: nwina humani mu ya yima ntsena. Mu ta wona a kuhanyisa ka Jehova loyi a nga zinwe na nwina. Mu nga chavi nwina va ka Juda na nwina va le Jerusalema mu mbhela ntamu, manziko fambani mu ya va vuka, Jehova i tava zinwe na nwina. Ekso. 14:13

Nehemia 9:20

U lo va nyika kambe a moya wa wena wa zinene lezaku wu va gonzisa, cima a ku va tsimbetelangi kuga mane; u te vaha ni mati kasi ku tima a tora gabye.

Nehemia 9:30

Kanilezi ku lo hunza malembe yo hlaya na u timisela ha vona, u va khongotela hi moya wa wena hi milomu ya vaprofeti va wena; kanilezi va nga pangi tindleve tabye; hikwalaho u va nyikela mandleni ya vanhu va matiko.

Eksodusi 19:4

Mu zi wonile lezi nzi zi mahileko ka vaGipite ni lezi nzi mu tlakukileko zona hi tipapa ta gama nzi mu tisa ka mina.

Eksodusi 19:6

Mu tava tiko ga vapristi, a tiko gi basileko. Leti hi timhaka leti u ta nga byela a vanana va ka Israeli. Deut. 7:6; 1 Ped. 2:9; Kuv. 1:6; 5:10

Eksodusi 24:3

Zinghaho Mosi i loya byela a vanhu tontlhe timhaka ta Jehova, ni zileletelo zontlhe. Zonake a vanhu va lo hlamula hi gezu ginwe, vaku: A timhaka tontlhe leti ti wulilweko hi Jehova, hi ta ti maha.

Eksodusi 24:8

Zinghaho Mosi i lo teka a nkhata a nwatsekela vanhu ha wona, aku: Lowu hi nkhata wa xivumelwano lexi Jehova a mahileko zinwe na nwina hi tontlhe leti timhaka. Mat. 26:28; 1 Kor. 11:25; Maheb. 9:19; 1 Ped. 1:2

Eksodusi 34:10

Jehova i lo hlamula, aku: Languta, nza maha xivumelwano. Nzi ta maha zihlamaliso mahlweni ka vanhu va wena vontlhe, lezi zaku cima a zi se nga mahiwa laha misaveni yontlhe, hambu ni ka gihi tiko. Zonake a vanhu vontlhe lava u nga xikari kabye, va ta wona a ntiro wa Jehova; hakuva lezi nzi ta nga zi maha ha wena zi tava zilo zi riwukisako.

Eksodusi 34:8

Zonake Mosi i lo hatlisa a khizama lahasi, aku:

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 41:13

Hakuva hi mina Jehova Nungungulu wa wena loyi nzi khomako a canja ga wena ga xinene, Nziku: U nga chavi, nzi ta ku vunetela. Deut. 31:6; Jox. 1:9

Zakaria 4:6

Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

Zakaria 8:13

Khwatsi hilezi mu nga hi xiruko xikari ka matiko, nwina yindlu ya ka Juda ni ya ka Israeli, lezo nzi ta mu hanyisa, muva xikatekiso. Mu nga chavi, kanilezi tiyani hlana.

Zakaria 8:15

zinghaho nzi xuvile masikwini lawa a ku mahela wunene ka Jerusalema ni ka yindlu ya ka Juda; mu nga chavi!

Mateu 28:5

A ngelosi yi lo wula ka vavasati, yiku: Mu nga chavi; hakuva nza zi tiva lezaku mu lava Jesu, loye a nga belelwe.

Mitiro 27:24

yiku: U nga chavi, Paule; wena u yimelwe hi ku yima mahlweni ka Kesari; wangabye, Nungungulu i ku nyikile vontlhe lava va fambako zinwe na wena tarwini.

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Joxua 8:1

Makunu Jehova i te ngalo ka Joxua: U nga chavi, hambu ku mbhela ntamu! Famba ni vontlhe lava va hlomileko u yalwa ni Ai. Languta, mina nzi nyikele canjeni ga wena a hosi ya Ai zinwe ni vanhu va yona, ni muti wa yona ni tiko ga yona. Deut. 1:21; 7:17

Kuvululelwa 1:17

Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10

1 Samueli 12:20

Samueli i te ngalo ka vanhu: Mu nga chavi. Hakunene mu mahile kubiha, ntsena lezaku mu nga tsiki ku lanzela Jehova, kanilezi khozelani Jehova hi timbilu ta nwina tontlhe.