Hagai 2:22 - Tshwa Bible

²² Nzi ta khungumula a zitshamu za wuhosi za mifumo, nzi ta fuvisa a ntamu wa mifumo ya vamatiko; nzi ta hangalasa a tikareta ni vakhileli va tona; a mahaxi ni vakhileli va wona va ta dawa munwe ni munwani hi supado ya nakulobye.

Hagai 2:22 Mawu Ofanana

2 Kronekele 15:6

A tiko ginwe gi wa vukela ginwani tiko, a muti munwe wu vukela wunwanyani muti, hakuva Nungungulu i lo va hlokisa hi zixaniso zo tala.

2 Kronekele 20:22

Laha va nga sangula ku yimbelela, va dumisa Jehova, yena Jehova i lo maha xijumani lenzhako ka vana va ka Amoni ni maMoabi, ni va xitsunga xa Seire lava va ngata ku ta vukela va ka Juda; va lo hluliwa.

2 Kronekele 20:23

Hakuva a va ka Amoni ni maMoabi va lo vukela a vaaki va xitsunga xa Seire, va va hlasela va va lovisa; laha va nga wa mbhetile a vaaki va le Seire, va lo hlaselana ha voce. Vala. 7:22; 1 Sam. 14:20

Tisimu 46:9

Yena i maha a tiyimpi ti khawula kala magumelweni ya misava, Wa tshova wura, ni ku tsema tlhari gi pulakanyeka; A hisa tikareta nzilweni.

Tisimu 76:6

Vontlhe vakhileli va tikareta va etlele ni mahaxi yabye. Hi kota ya kukawukwa hi wena, Nungungulu wa Jakobe.

Eksodusi 14:17

Mina nzi ta nonohisa a timbilu ta vaGipite, va ta mu lanza; zonake mina nzi tava ni wudumo ha Faro ni yimpi yakwe yontlhe, ni tikareta takwe, ni vakhileli va mahaxi.

Eksodusi 14:28

A mati ma lo wuya, ma ta fenengeta tikareta ni yimpi yontlhe ya Faro, leyi yi nga wa lanza a vaIsraeli lomu bimbini; laho a ku salangi hambu ni munwe.

Eksodusi 15:19

Hakuva laha a mahaxi ya Faro ni tikareta takwe, ni vakhileli va wona va jamile bimbini; Jehova i lo tlhelisela a mati ya bimbi hehla ka vona; kasi lezo a vanana va ka Israeli va lo famba misaveni yi womileko lomu xikari ka bimbi.

Eksodusi 15:4

I hoxile a tikareta ta Faro, ni yimpi yakwe lomu bimbini; A tinhenha takwe ta milangelwa ti rikhile lomu Bimbini go Pswhuka.

Isaya 19:2

Nzi ta kucetela maGipite akuva ma vukela maGipite; Lezaku munhu alwa ni nakulobye, a muakelane a vukela mu-akelane-kulobye, A muti wu vukela muti, a mufumo wu vukela mufumo.

Isaya 60:12

Hakuva a tiko ni mufumo wu to kala wu nga ku tireli wu ta lova, Ina, a matiko lawo ma ta hahlulwa maku bhi!

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Ezekieli 21:27

Nzi ta xi khungumula, nzi khungumula, nzi khungumula; lexi kambe xi nga ta hava kona, kala ku chikela loyi xi lumbako yena, nzi ta mu nyika xona.

Ezekieli 26:16

Zonake a tihosana tontlhe ta bimbi ti ta chika hi le xitshanwini za tona za wuhosi. Ti veka tinguwo ta tona tlhelweni, Ti runzuwula a tinguwo ta tona ta mavalavala; Ti ta ambala kuchava, Ti tshama lahasi hi kururumela xikhati xontlhe, Ti rewukiswa hi wena.

Ezekieli 38:21

Nzi ta vitana a supado yi talwa naye lomu zitsungeni zontlhe za mina, ku wula Hosi Jehova; a munhu ni munhu i ta khoma supado a vukela nakulobye.

Ezekieli 39:20

Laha mezeni ya mina mu ta xura hi mahaxi yo khilele ni ya tikareta, hi tinhenha ni vanhu vontlhe va yimpi, ku wula Hosi Jehova.

Danieli 8:25

Hi kota ya kutlhariha ka yona yi ta humelela hi mano ya yona; i ta ti kulisa mbilwini yakwe, a lovisa vanyingi lava va tshamekileko. Kambe i ta vukela a hosi ya tihosi, kanilezi i ta tshobyiwa na ku nga hi woko ga munhu.

Amosi 2:15

A mukhomi wa wura a nga ta yima, ni mukhileli wa haxi a nga ta ponisa wutomi gakwe.

Mika 5:10

Jehova i ngalo: Hi siku lego nzi ta lovisa a mahaxi ya wena lomu tikweni ga wena, nzi tshoveletela ni tikareta ta wena. Deut. 17:16; Isa. 9:5; 31:1

Mika 5:15

Nzi ta ti photela hi zanga ni khulo hehla ka matiko lawa ma nga ingisiko.

Mika 5:8

A misalela ya ka Jakobe yi tava xikari ka matiko ni ka tixaka to tala a ku khwatsi i nghala a xikari ka zihari za khwati, khwatsi i nghalana yi nga xikari ka mitlhambi ya tiyivu, leyi yi nge loku yi hunza yi kanzihela yi hanzula, na ku hi hava loyi a nga ponisako.

Mika 5:9

Ngha a canja ga wena gi tlakuswa hehla ka lava va ku vukelako, a valala va wena vontlhe ngha va lova. Israeli i ta basiswa.

Mika 7:16

A vamatiko va ta zi wona, vawa tingana hi kota ya ntamu wabye wontlhe; va ta ti khoma milomu, vata tindleve.

Zefania 3:8

Hikwalaho nzi rinzeleni, ku wula Jehova, kala a siku lego nzi ta nga vuka ha gona nzi phanga; hakuva a mixuvo ya mina hi ku tsombanyisa a matiko, ni ku tlhanganyisa a mifumo, kasi nza chulela hehla ka yona a zanga ya mina, yontlhe a zanga ya mina yi chavekako, hakuva a misava yontlhe yi ta hiswa hi nzilo wa xiluse xa mina.

Zakaria 10:11

Yena i ta tsemakanya a bimbi ga kuxaniseka, aba a mabyandlati ya bimbi, yontlhe milonga yo eta ya Nilo yi tapswha. A matshanza ya Assiria ma ta mbhela, a nhonga ya wuhosi ya Gipite yi susiwa,

Zakaria 10:5

Va ta fanana ni tinhenha leti ti kanzihelelako a valala va tona lomu nzhopeni ya ndlela le yimpini. Va talwa, hakuva Jehova i zinwe na vona; a vakhileli va mahaxi va tawa tingana.

Zakaria 12:9

A siku lego nzi ta hlota ku lovisa wontlhe a matiko lawa ma ta ngata ku ta vukela Jerusalema.

Zakaria 14:3

Zonake Jehova i ta huma a yalwa ni matiko lawo, khwatsi hilezi a nga lwisa zona a sikwini ga yimpi.

Zakaria 4:6

Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

Zakaria 9:10

Nzi ta fuvisa a tikareta lomu Efraime, ni mahaxi le Jerusalema, ni mawura ya yimpi ma ta fuviswa. I ta wulawula kurula a ka mifumo; a kufuma kakwe ku ta sukela bimbini ginwe kala ka ginwani, ni kusukela Congweni kala magemetamusi ya misava.

Mateu 24:7

Hakuva a tiko gi ta vukela tiko, ni mufumo wu ta vukela mufumo; ku tava kona tindlala ni kutsekatseka ka misava matshanwini ma tsalangeneko. Isa. 19:2

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Valamuli 7:22

Kanilezi laha lava va 300 va nga waba mipunzu, Jehova i lo maha vaMidiani va tlhavana ha voce hi matlhari yabye lomu wugovelweni gontlhe. A yimpi yontlhe yi nga hi lomu wugovelweni yi tsutsuma kala le Bet-xita, hi tlhelo ga le Zerera, va ya chikela le mbhinganweni wa Abeli-mehola, hi tlhelo ga le Tahate. 1 Sam. 14:20; Tis. 83:9

1 Samueli 14:16

A varinzeli va Saule lava va nga hi le Gibea ga ka Benjamini va lo wona a vanyingi lava va nga wa hangalaka, va tsutsuma ka wontihe matlhelo.