Hagai 2:19 - Tshwa Bible

¹⁹ Ya ha hi kona a mbewu lomu gombeni ke? ge hambu a xivina, ni mikuwu, ni sinya ya pomegranada, ni sinya ya maoliva, a zi na nga pswala nchumu. Kanilezi kusukela nyamutlha nzi ta mu katekisa.

Hagai 2:19 Mawu Ofanana

Genesisi 26:12

Isaka i lo, rima ka lego tiko, a kuma hi ka zana lego lembe, hakuva Jehova i lo mu katekisa.

Joba 39:12

U ta yi tsumba lezaku yi ta tleketlela a mavele ya wena yi ma wuyisa kaya, Yi ma hlengeletela lomu zigurumbyini ke?

Tisimu 133:3

Zi fanana ni nzhokati ya le Hermoni, Leyi yi welako zitsungeni za Zioni; Hakuva hi laho Jehova a rumako makatekwa, A wutomi kala kupinzuka.

Tisimu 84:12

Jehova wa tiyimpi, I katekile a munhu loyi a tsumbako ka wena.

Jeremia 31:12

Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.

Jeremia 31:14

Nzi ta xurisa a vapristi hi mafura, Zonake a tiko ga mina gi ta xura hi wunene ga mina, ku wula Jehova.

Joeli 1:12

A mavina ma wunile ni mikuwu yi chomile, a sinya ya pomegranada, ni cinzu, ni sinya ya mamasa, ina ni tontlhe tisinya ta khwati ti womile: a kutsaka kontlhe ku mbhelile xikari ka vanhu.

Joeli 2:14

Himani a tivako aku kutani a nga ta tlhela a hunzuluka, a siya xikatekiso lenzhako kakwe, kasi muva ni minyikelo ya tinzhoho ni ya kunwa ka Jehova Nungungulu wa nwina ke?

Hagai 1:11

Nzi nehile kubalela hehla ka tiko, ni le hehla ka zitsunga, ni le hehla ka mavele, ni le hehla ka vinya, ni le hehla ka mafura, ni le hehla ka zontlhe lezi zi humako misaveni, ni le hehla ka vanhu, ni le hehla ka zihari, ni le hehla ka mitiro yontlhe ya mandla ya nwina. 1 Tih. 17:1; 2 Tih. 8:1; Has. 2:18

Malaki 3:10

Nehani zontlhe za wukhume a ndlwini ya kuveketela, kasi ku fela kuva ni zakuga ndlwini ya mina, mu nzi ringa ha zona, ku wula Jehova wa tiyimpi, kasi ku wona loku nzi ta kala nzi nga mu vululeli a tinjhanela ta tilo nzi mu chululela a makatekwa yo tlhela mu vumala ni wutshamu go chela kona.

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Deuteronome 15:10

Mu nyike hi matsenya, ni loku u mu nyikile, a mbilu ya wena yi nga kanakani; hakuva hi kota ya lezo u mahileko, Jehova Nungungulu wa wena i ta ku katekisa ka yontlhe mitiro ya wena ni ka zontlhe lezi u zi mahako. 2 Kor. 9:7

Deuteronome 28:22

Jehova i ta kuba hi mababyi ya xifuva, ni kuhisa ka miri, ni kuvimba, ni mumu wa hombe, ni supado, ni xipupuri, ni kukuruka ka timbewu; lawa makhombo ma ta ku panzanya kala u lobyiswa. Am. 4:9; Hag. 2:18