Hagai 2:15 - Tshwa Bible

¹⁵ Makunu nza mu kombela, lezaku mu ehleketa lezaku ku wa mahisa kuyini kusukela nyamutlha kuya nzhako, hi mahlweni na ku nga se vekiwa a ribye ginwe hehla ka ginwani a tempeleni ya Jehova;

Hagai 2:15 Mawu Ofanana

Ezra 3:10

Laha a vaaki va nga sangula ku aka a xiseketelo xa tempeli ya Jehova, a vapristi va lo yima laho na va ambele tinguwo tabye na va welele mipunzu, zinwe ni vaLevi, ni vana va Asafa, na va hi ni tingomana, va dumisa Jehova, va lanzela a zileletelo za Davida a hosi ya ka Israeli. 1 Kro. 16:4-6

Ezra 4:24

Zonake va lo kaketa a ntiro wa yindlu ya Nungungulu le Jerusalema; va lo tsika kala lembe ga wumbiri ga kufuma ka Dariusi a hosi ya le Persia.

Tisimu 107:43

Loyi a tlharihileko a ehlekete lezi zilo, A pimisisa a wuxinji ga Jehova.

Isaya 5:12

A xitende ni xiridingoma, ni njhomani, ni khombela, ni vinya zi kumeka mibuzweni yabye; Kanilezi a va khatali hi ntiro wa Jehova, A va woni mitiro ya mandla yakwe.

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Hagai 1:5

Hikwalaho Jehova wa tiyimpi i ngalo: Ehleketani hi tindlela ta nwina!

Hagai 1:7

Jehova wa tiyimpi i ngalo: Ehleketani hi tindlela ta nwina!

Hagai 2:16

a masikwini lawo loku a munhu ata ka nhulu yi nga, ni 20 wa tipimo ta mavele, i wa kuma 10 ntsena; loku ata muphongolweni wa vinya a ku takha 50 wa tipimo, i wa kuma a 20 ntsena.

Hagai 2:18

Nza mu kombela lezaku mu ehleketa kusukela nyamutlha kuya nzhako, kusukela siku ga 24 ga hweti ya wuntlhanu ni mune kala a siku legi a xiseketelo xa yindlu ya Jehova xi nga yimisiwa ha gona, ehleketani lezaku ku wa mahisa kuyini.

Zakaria 8:10

Hakuva hi mahlweni ka masiku lawo a ntiro wa munhu wu wa nga hi na bhinzu, ni zihari zi wa tira mahala; lava va humako ni lava va enghenako va wa nga hi na kurula hi kota ya valala. Hakuva nzi wa kuce-tela vanhu lezaku munwe ni munwani a vukela a muakelane wakwe.

Zakaria 8:11

Kanilezi makunu nzi nga ta maha ka misalela ya vanhu lava khwatsi hilezi nzi nga maha masikwini ya kale, ku wula Jehova wa tiyimpi.

Va le Roma 6:21

Kanilezi mu wa bhinzula yini xikhatini lexo ke? Ntsena a zilo lezi mu nga ni tingana ha zona makunu! hakuva a magumeso ya zona hi kufa.

1 Va le Korinte 11:31

Kanilezi loku hina wutsumbu hi wa ti lamula, ngha hi nga lamulwi. 1 Joh. 1:9