Hagai 1:9 - Tshwa Bible

⁹ Mu wa cuwukela zo tala, kanilezi mu kumile zitsongwani; ni laha mu nga zi neha kaya nzi lo zi buveta. Hikuyini, ku wula Jehova wa tiyimpi. Hi kota ya yindlu ya mina yi hahlukileko, laha a munwe ni munwani wa nwina a hatlisako ku aka a yindlu yakwe.

Hagai 1:9 Mawu Ofanana

2 Samueli 21:1

Makunu xikhatini xa Davida ku wa hi ni ndlala malembe manharu ma lanzelanako, na Davida i lo wutisa ka Jehova. Jehova i lo mu hlamula, aku: Ku na ni nanzu wa nkhata hi kota ya Saule ni yindlu yakwe, hakuva i dele maGibeoni. Mitse. 27:21

2 Samueli 22:16

A kueta ka bimbi ku lo wonekeliswa kubaseni, A ziseketelo za misava zi lo funungulwa ziku dlunya, Hi kukawuka ka Jehova, Hi bhubhutsa ga zanga yakwe.

2 Tihosi 19:7

Mina nzi ta enghenisa ka yena munwani moya, lezaku laha a ta ngazwa mahungu yo kari i ta tlhelela tikweni gakwe; nzi ta mu wisa hi tlhari lomu tikweni gakwe.

Joba 10:2

Nzi taku ka Nungungulu: U nga nzi koni; Nzi kombise lexi u nzi ranisako ha xona.

Mavingu 11:24

I kona loyi a nyikako hi matsenya, kasi wa engeteliwa; i loyi a tsonako ku hunza mpimo, kanilezi a maha xisiwana.

Mavingu 27:20

A Xeole ni Abaddoni cima a zi xuri, inghaho ni mahlo ya munhu cima a ma eneliswi.

Mutshawuteli 1:8

Zontlhe za karata, a munhu a nga zi koti ku zi tshawutela. A tihlo a gi kolwi hi ku wona, ni ndleve a yi eneliswi hi kuzwa.

Isaya 40:7

A byanyi ga woma, ni xitsangi xa wuna Loku a moya wa Jehova wu hunzile hehla ka xona. Kunene, a vanhu hi byanyi.

Isaya 5:10

Hakuva a khume ga tinzima ta xivina ti ta humesa a karafawu yinwe ntsena, Ni homeri ginwe ga mbewu gi ta humesa a efa ginwe ntsena.

Jeremia 12:13

Va byalile mavele, va tshovele mizwa; Va ti karatile mahala. Mu tava ni tingana hi kota ya kutshovela ka nwina, Ni kota ya kuhisa ka khulo ga Jehova. Levi 26:16; Deut. 28:38; Hag. 1:6

Ezekieli 21:31

Nzi ta chulula a zanga ya mina hehla ka wena, nzi ta ku pupuxela hi nzilo wa khulo ga mina, nzi ku nyikela mandleni ya vanhu va tihanyi, lava va tlharihileko kuloviseni.

Levi 19:25

Hi lembe ga wuntlhanu, nwina mu taga mihanzu ya kona, kasi tisinya ti fela ku mu pswalela mihanzu yinyingi. Hi mina Jehova, Nungungulu wa nwina.

Hagai 1:4

Xikhati xa kuva mu tshama lomu ka tiyindlu leti a makhurisi ya tona ma mehelweko hi mapulangu, na leyi yindlu yi hahlukile ke?

Hagai 1:6

Mu byalile nguvu, kanilezi mu tshovele zitsongwani; maga, kanilezi a mu xuri; manwa, kanilezi a mu kolwi; ma fenengela, kanilezi a mu kufumeli; loyi a tirelako hakhelo i hakhela ku yi chela lomu xikhwameni xi bhoxekeleko.

Malaki 2:2

Loku mu nga xi ingisi, ni loku mu nga xi veki timbilwini ta nwina, lezaku mu dzunza vito ga mina, ku wula Jehova wa tiyimpi, zoriake nzi ta rumela a nzhukano hehla ka nwina, nzi rukatela a makatekwa ya nwina. Ina, nzi sina nzi ma rukatele, hakuva a mu xi khataleli. Deut. 28:15

Deuteronome 28:38

U ta byala a mbewu yo tala le masinwini ya wena, kanilezi u ta tshovela zitsongwani, hakuva a humbi yi ta yi mbheta.

Kuvululelwa 2:4

Kanilezi nzi na ni xisolo lexi ha wena, lezaku u tsikile a liranzo la wena lo sangula.

Kuvululelwa 3:19

Nzi kawuka ni ku tsayisa vontlhe lava nzi va ranzako; hikwalaho pinyama u hunzuluka. Mav. 3:11; Maheb. 12:5