Hagai 1:14 - Tshwa Bible

¹⁴ Jehova i lo vuxa a moya wa Zerubabeli a nʼwana Xealtieli, a mwamangulu wa le Juda, ni moya wa Joxua a nʼwana Jehozadaki, a mupristi wa hombe, ni moya wa yontlhe misalela ya vanhu, lezaku vata va ta sangula ku aka a yindlu ya Jehova wa tiyimpi, a Nungungulu wabye,

Hagai 1:14 Mawu Ofanana

1 Kronekele 5:26

Nungungulu wa ka Israeli i lo kucetela a mbilu ya Pule a hosi ya le Asiria, ni mbilu ya Tilgate-Pilnesera a hosi ya le Asiria, a khoma va ka Rubeni, ni va ka Gadi, ni khihlanya ga nyangwa ya ka Manasa, a va yisa le wukhumbini, a va yisa le Hala, ni Habora, ni le Hara, ni le Congweni wa le Gozani, laho va akileko kona kala nyamutlha.

2 Kronekele 36:22

Zonake hi lembe go ranga ga kufuma ka Kurusi a hosi ya le Persia, kasi ku fela ku tatiseka a gezu ga Jehova a gi wulileko hi nomu wa Jeremia, Jehova i lo vuxa a mbilu ya Kurusi a hosi ya le Persia, aba hungu ka wontihe mufumo wakwe ni ku tsala aku: Ezra 1:1; Isa. 44:23

Ezra 1:1

Hi lembe go ranga ga kufuma ka Kurusi a hosi ya le Persia, lezaku kasi a gezu ga Jehova legi a nga gi wula hi nomu wa Jeremia gi fela ku tatiseka, Jehova i lo vuxa a moya wa Kurusi a hosi ya le Persia, aba hungu lomu mufunwini wakwe wontihe ni ku tsala a timhaka, aku: 2 Kro. 36:22; Jer. 25:12; 29:10

Ezra 1:5

Zonake a tihosi ta tiyindlu ta Juda na Benjamini, ni vapristi, ni vaLevi, zinwe ni lava a timbilu tabye ti vuxilweko hi Jehova, lezaku va ya aka yindlu ya Jehova le Jerusalema.

Ezra 5:2

Zonake ku lo suka Zerubabeli nʼwana Xealtieli, na Jexua nʼwana Jozadake, va engeta va sangulisa ku aka yindlu ya Nungungulu le Jerusalema, na va hi zinwe ni vaprofeti va Nungungulu va nga wa va vuna.

Ezra 5:8

Ha tivisa ka hosi lezaku hina hi wa yile tikweni ga vaJuda, le ndlwini ya Nungungulu wa hombe; ya akiwa hi maribye ya hombe ma vatlilweko; lomu khurisini ku gongonzelwa mapulango; a mitiro yiya mahlweni mandleni yabye.

Nehemia 4:6

Zinghaho hi lo aka a ligingisi; lontlhe li lo tlhangana laha xikari ka kutlakuka ka lona, hakuva a vanhu va wa ti tsitsiritile ntirweni lowo.

Tisimu 110:3

A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

Hagai 1:1

Hi lembe ga wumbiri ga kufuma ka hosi Dariusi, hi hweti ya wuntlhanu ni yinwe, hi siku go ranga ga hweti, ku lota a mhaka ya Jehova hi nomu wa muprofeti Hagai ka Zerubabeli a nʼwana Xealtieli, a mwamangulu wa le Juda, ni ka Joxua a nʼwana Jehozadaki, a mupristi wa hombe, yiku: Lu. 3:27

Hagai 1:12

Zonake Zerubabeli a nʼwana Xealtieli, na Joxua a nʼwana Jehozadaki, a nga hi mupristi wa hombe, ni misalela yontlhe ya vanhu, va lo ingisa a gezu ga Jehova a Nungungulu wabye, ni timhaka ta muprofeti Hagai, khwatsi hilezi Jehova a Nungungulu wabye a mu rumileko; zonake a vanhu va lo chava Jehova.

Hagai 1:15

hi siku ga 24 ga hweti ya wuntlhanu ni yinwe, hi lembe ga wumbiri ga kufuma ka hosi Dariusi.

Hagai 2:2

wulawula ka Zerubabeli a nʼwana Xealtieli, a mwamangulu wa le Juda, ni ka Joxua a nʼwana Jehozadaki, a mupristi wa hombe, ni ka misalela ya vanhu, uku;

Hagai 2:21

Byela Zerubabeli a mwamangulu wa le Juda, uku: Nzi ta tsekatsekisa a tilo ni misava.

1 Va le Korinte 15:58

Hikwalaho vamakabye va mina va ranzekako, tiyani muku ndende, mu nga tsekatseki, kanilezi mu anza mitirweni ya Hosi xontlhe xikhati, na mu tiva lezaku a ntiro wa nwina a hi wa ipahala Hosini. 2 Kro. 15:7; 2 Ped. 3:14

2 Va le Korinte 8:16

A ku bongiwe Nungungulu loyi a nyikileko Titusi yaleyo mbilu ya ku mu pinyamela.

Maheberu 13:21

a mu maha mu mbhelela mitirweni yontlhe yo saseka, kasi mu maha kuranza kakwe; na a tira ka nwina ha Jesu Kristu lezi zi tsakisako mahlweni ka yena. A wudzunzo a give ka yena kala kupinzuka ni kupinzuka. Amen! Gal. 1:5; 1 Ped. 5:10