Genesisi 8:21 - Tshwa Bible

²¹ Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. Isa. 54:9; Mat. 15:19

Genesisi 8:21 Mawu Ofanana

Genesisi 3:17

Ni ka Adamu i te ngalo: Kota lezi u nga ingisa a gezu ga sati wa wena, uga a sinya leyi nzi nga ku layile ku ngalo: U nga yigi, yi rukatelwe misava hi kota ya wena; u taga mihanzu ya kona hi kubayiseka wontihe masiku ya kuhanya ka wena; Rom. 8:20

Genesisi 4:12

Laha u ta nga rima, a misava yi nga ta ha nyika mihanzu hi ntamu wa yona; u tava mupepetseki ni mufambafambi laha misaveni.

Genesisi 5:29

i lo mu chula vito gakwe ku hi Noa, na aku: Yaloyi i ta hi humuta kukaraleni ka hina, ni le kuxanisekeni ka mitiro ya hina yo rima misava leyi Nungungulu a yi rukateleko.

Genesisi 6:13

Jehova aku ngalo ka Noa: Nzi ta lovisa a nyama yontlhe, hakuva a misava yi tele hi tihanyi ta vanhu, languta, nzi ta va lovisa zinwe ni misava.

Genesisi 6:17

Hakuva nzi ta neha a ntalo wa mati misaveni; kasi wu ta lovisa a nyama yontlhe yi nga ni muhefemulo wu hanyako, yi nga laʼhasi ka tilo; zontlhelele zi nga laha misaveni zi tafa.

Genesisi 6:5

Nungungulu i lo wona kuonha ka vanhu lezaku ku kulile laha misaveni, ni lezaku a mixuvo ya timbilu tabye yi bihile masiku wontihe.

Genesisi 6:7

Na Jehova aku ngalo: Nzi ta lovisa a vanhu lava nzi nga va vanga, ina, a vanhu ni zifuyo, ni zikokakoka, ni tinyanyani ta tilo, hakuva nza ti laya hilezi nzi zi mahileko.

Joba 14:4

Himani a nga humesako a xilo xo basa hi ka xilo xi nga basangiko ke? Ge hambu ni munwe.

Tisimu 51:5

Languta, nzi belekelwe kubiheni, Mamani i xurile nyimba lahasi ka xionho. Gen. 8:21; Joh. 3:6

Tisimu 58:3

A vakubiha va hambukile na va hi rumbyini, Va lahleka na va ha pswaliwa, va hemba mawunwa.

Tisimu 58:4

Va na ni wuxungu go fana ni ga nyoka; Va fanana ni phiri gi nga ingisiko, legi gi valako ndleve, Jer. 17:23; Ezek. 12:2; Miti. 7:57

Eksodusi 29:18

U ta hisa a hamba yontlhe laha alatini; muphahlelo wa Jehova wa masema yo nanziha; muphahlelo wa munyikelo wa ku hiswa wa Jehova.

Eksodusi 29:25

zonake u ta zi susa mandleni yabye, u zi hisa alatini, le hehla ka munyikelo wa kuhiswa, zi maha a masema yo nuhela mahlweni ka Jehova; wona muphahlelo lowu wu hiselwako Jehova.

Mavingu 20:9

Himani a zi kotako ku wula aku: Nzi basisile a mbilu ya mina, zi hlazilwe xionhweni xa mina ke? 1 Tih. 8:46; 1 Joh. 1:8

Mutshawuteli 7:20

Hakuva a nga kona munhu a lulamileko misaveni, loyi a mahako kusaseka, a nga onhi nchumu.

Isaya 47:12

Yima zalezi ni wutumbe ga wena ni mimbhulo yinyingi ya wena, Leyi u yi tirileko kusukela wusweni ga wena, Kutani zi ta ku vuna ku chavisa a valala va wena.

Isaya 47:15

Va tava tano lava u lombileko wusungukati kabye, Lava u bhinzuleko navo kusukela wusweni ga wena Va ta hangalaka vaya matshanwini yabye, A nga kona a ta nga ku ponisa!

Isaya 48:8

Cima a ku na nga zizwa, ge hambu ku zi tiva, A ndleve ya wena yi wa nga se ku vululiwa; Hakuva nzi wa zi tiva lezaku a ku tsumbeki, Kusukela rumbyini ga nyine wa wena u vitanilwe lezaku u muhambunyeti.

Isaya 53:6

Hina hontlhe hi wa hambukile khwatsi hi tiyivu, Munwe ni munwani a famba hi ndlela yakwe; Kanilezi Jehova i mu rwexile a kubiha ka hina hontlhe,

Isaya 65:6

Languta, ku tsalilwe mahlweni ka mina: Nzi nga ta miyela nzi kala nzi tlhelisela; Kunene, nzi ta tlhelisela ka vona,

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Jeremia 18:12

Kanilezi va ta hlamula, vaku: Wa ti karatela mahala, hi ta maha kuranza ka hina venyi, a munwe ni munwani i ta maha kota kunonoha ka mbilu yakwe yo biha.

Jeremia 8:6

Nzi riyile ndleve, nzi ingisa, Kanilezi a va wuli zinene; A nga kona a hunzulukako kubiheni kakwe, Aku: Xini nzi xi mahileko? Vontlhe va tsutsuma kota mahaxi ma hatliselako kulweni,

Ezekieli 20:41

Nzi ta mu tsakela loku nzizwa a masema yo nuhela ya miphahlo ya nwina, laha nzi ta nga mu humesa vanhwini, nzi mu tsombanyisa hi ka matiko lawa mu hangalakileko ka wona; nzi ta hlawuleka ha nwina kuwoneni ka vamatiko.

Levi 1:13

1 ta hlaza marumbu ni masonzo lomu matini, zonake mupristi i ta hisa zontlhe laha alatini, akuva munyikelo wa kuhiswa; a muphahlelo lowu Wu hisilweko, wu nga ni masema yo nanziha ka Jehova.

Levi 1:17

Yena i ta panza a xinyanyani ni tipapa ta xona hi laha xikari, a nga chaputi, zonake mupristi i ta xi hisa laha alatini le hehla ka tihunyi leti wu dzivelweko ha tona a nzilo; muphahlo wa kuhiswa, lowu wu nga ni masema yo nanziha ka Jehova.

Levi 1:9

Kanilezi i ta hlaza marumbu ni masonzo lomu matini, zonake mupristi i ta hisa zontlhe laha alatini, akuva munyikelo; a muphahlelo wa nzilo lowu wu nga ni masema ya kunanziha ka Jehova.

Levi 26:31

Nzi ta hahlula a miti ya nwina, yi maha marumbi; nzi ta hangalasa matshamu ya nwina yo basa; cima nzi nga ta ha nuhetela a masema ya minyikelo ya nwina. Isa. 1:13

Levi 4:31

Mupristi i ta susa mafura wontihe hi ndlela leyi va susako ha yona a mafura ya miphahlo ya kurula, zonake i ta ma hisa alatini, akuva masema yo nanziha ka Jehova. Lezo loku mupristi a maha a muphahlo wa nzhiho wa munhu loye, zonake i ta tsetselelwa.

Levi 8:28

Zonake Mosi i lo zi teka lomu mandleni yabye a zi hisa alatini, le hehla ka munyikelo wa kuhiswa. Wu wa hi muphahlo wa ku wumbela, lowu wu nga ni masema yo nanziha; wu nga muphahlo wu hiselwako Jehova.

Mitsengo 15:3

ku taku loku mu humesa munyikelo ka Jehova, wu mahiwako nzilweni, a muphahlelo wa kuhiswa, kutani muphahlelo wa ku tatisa xifungo, kutani munyikelo wa kuranza ka nwina, kutani hi lomu mibuzweni ya nwina; na mu xuva ku nyikela ka Jehova a masema yo nanziha, hi zifuyo lezi za hombe, kutani hi lezi za zitsongwani; Levi 22:21

Mateu 15:19

Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21

Johani 3:6

Lezi zi belekilweko hi nyama zi hi nyama; ni lezi zi belekilweko hi Moya zi hi moya.

Va le Roma 1:21

Hakuva na va mu tivile Nungungulu, a va mu dumisangi kota Nungungulu, hambu ni ku mu bonga; kanilezi va lo hunzukela za hava kualakanyeni kabye, ni timbilu tabye leti ti nga vumala kutlhariha ti lo pfhupeliswa. 2 Tih. 17:15; Tis. 106:13

Va le Roma 3:23

hakuva vontlhe va onhile, va vumala a kuhatima ka Nungungulu. Gal. 3:22

2 Va le Korinte 2:15

Hakuva hina hi masema yo nuhela ya Kristu mahlweni ka Nungungulu, xikari ka lava va hanyiswako ni ka lava va lovako.

Va le Efesusi 5:2

mu famba hi liranzo kota lezi Kristu a nga mu ranza, a ti nyikela hi kota ya hina, ava mhamba ni muphahlelo wa masema yo nuhela ka Nungungulu. Gen. 8:21; Levi 1:9; Joh. 13:34; 1 Joh. 3:11

Va le Filipi 4:18

Nzi kumile zontlhe, nzi nazo ni ku hunza. Nzi talelwe hi ku amukela ha Epafroditusi lezi zi ngata hi le ka nwina, za masema yo nanziha, a muphahlelo wu amukelekako wu xalalisako Nungungulu. 2 Kor. 9:12; Xip. 2:25; Maheb. 13:16

1 Johani 5:19

Hina ha zi tiva lezaku hi va ka Nungungulu, ni lezaku a tiko gontlhe gi le ntanwini wa loyi wa kubiha.

1 Samueli 26:19

Makunu a hosi ya mina ngha yi ingisa a gezu ga nanza ga yona! Loku ku hi Jehova a ku kucetelako ku nzi hlongolisa, a amukele muphahlelo! Kanilezi loku va hi vanhu, a va rukatelwe mahlweni ka Jehova, hakuva va nzi hlongole va nzi beletela kuva ni xiavelo tshombeni ya Jehova, vaku: Famba u ya khozela vanwani vanungungulu.