Genesisi 7:21 - Tshwa Bible

²¹ Yi lofa a nyama yontlhe yi makanyako misaveni: tinyanyani, ni zifuyo, ni zihari zontlhe, ni lezi zi kokakokako misaveni, ni vanhu vontlhelele.

Genesisi 7:21 Mawu Ofanana

Genesisi 1:25

Nungungulu i lo maha a zivangwa za khwati hi tixaka ta zona, ni zifuyo hi tixaka ta zona, ni lezi zi kokakokako misaveni hi tixaka ta zona: Nungungulu i lo wona lezaku zi sasekile.

Genesisi 6:13

Jehova aku ngalo ka Noa: Nzi ta lovisa a nyama yontlhe, hakuva a misava yi tele hi tihanyi ta vanhu, languta, nzi ta va lovisa zinwe ni misava.

Genesisi 6:17

Hakuva nzi ta neha a ntalo wa mati misaveni; kasi wu ta lovisa a nyama yontlhe yi nga ni muhefemulo wu hanyako, yi nga laʼhasi ka tilo; zontlhelele zi nga laha misaveni zi tafa.

Genesisi 7:4

Hakuva hi nzhako ka ntlhanu wa masiku ni mambiri nzi ta nisa a vula misaveni a 40 ya masiku ni wusiku ga kona; zontlhe zi hanyako nzi zi mahileko nzi ta zi lovisa a nghoheni ya misava.

Joba 34:15

Yontlhe nyama yi wa ta lova khatiginwe, Ni munhu a tlhelela tshurini.

Isaya 24:19

A misava yi panzekile, a misava yi avanyekile; misava ya tsekatsekiswa;

Isaya 24:6

Hikwalaho a nzhukano yi khadamule misava, Ni vaaki va yona va konekile. Hikwalaho a vaaki va misava va hisiwa, a hi vanyingi va seleko.

Hosea 4:3

Hikwalaho a tiko ga rila, ni vontlhe va akileko ka gona va hlokiswa zinwe ni zihari za khwati ni tinyanyani ta tilo; ni zona zidluwani za bimbi za lova. Jer. 12:4; Zef. 1:3

Joeli 2:3

Va rangelwa hi nzilo wu khadamulako, ni lenzhako kabye ku na ni langavi gi hisako. Le mahlweni kabye a tiko gi fanana ni simu ga Edeni, kanilezi lenzhako kabye ku na ni xiwula; loku va hunza a ku sali nchumu.

Zefania 1:3

Nzi ta lovisa a vanhu ni zihari, nzi lovisa tinyanyani ta tilo ni zidluwani za bimbi, a zikhunguvanyiso ni lava vobiha; nzi ta fuvisa vanhu laha misaveni, ku wula Jehova.

Mateu 24:39

a va nga tivi nchumu kala wuta ntalo, wu va kukuleta vontlhe; ku tava nghaho a kuwuyeni ka Nʼwana wa munhu.

Luka 17:27

Va waga, vanwa, va teka, ni ku tekiwa, ku kala siku lego Noa a nga enghena ha gona lomo tarwini, ni ntalo wu lota, wu ta va lovisa vontlhe.

Va le Roma 8:20

Hakuva zivangwa zi vekilwe lahasi ka zi nga nyawuliko, na ku nga hi kuranza ka zona, kanilezi hi kota ya yena loyi a nga zi veka hasi; Gen. 3:19

Va le Roma 8:22

Hakuva ha zi tiva lezaku a zivangwa zontlhe za keta ni ku xaniseka hi kulunwa kala makunu. Jer. 12:11

2 Pedro 2:5

Ni tiko ga kale a nga gi tsetselelangi, hambu lezi a nga hlayisa Noa, a mukaneli wa kululama, zinwe ni vanwani va ntlhanu ni vambiri, laha a nga neha a ntalo hehla ka tiko ga lava va nga chaviko Nungungulu. Gen. 7:1, 7; 1 Ped. 3:19