Genesisi 6:7 - Tshwa Bible

⁷ Na Jehova aku ngalo: Nzi ta lovisa a vanhu lava nzi nga va vanga, ina, a vanhu ni zifuyo, ni zikokakoka, ni tinyanyani ta tilo, hakuva nza ti laya hilezi nzi zi mahileko.

Genesisi 6:7 Mawu Ofanana

Genesisi 6:6

Zonake Jehova i lo ti laya hilezi a vangileko a munhu misaveni, i lo xaniseka mbilwini yakwe.

Genesisi 7:21

Yi lofa a nyama yontlhe yi makanyako misaveni: tinyanyani, ni zifuyo, ni zihari zontlhe, ni lezi zi kokakokako misaveni, ni vanhu vontlhelele.

Genesisi 7:4

Hakuva hi nzhako ka ntlhanu wa masiku ni mambiri nzi ta nisa a vula misaveni a 40 ya masiku ni wusiku ga kona; zontlhe zi hanyako nzi zi mahileko nzi ta zi lovisa a nghoheni ya misava.

Genesisi 8:21

Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. Isa. 54:9; Mat. 15:19

Tisimu 37:20

Kanilezi a vakubiha va ta lova, Ni valala va Jehova va ta kota kuhluka ka wuriselo, Va ta nwalala kota musi.

Mavingu 10:27

A ku chava Jehova ku engetela masiku; anilezi a malembe ya wa kubiha ma ta komaniswa.

Mavingu 16:4

Jehova i mahile zilo zontlhe lezaku ziva ni ntiro wo kari, na, ni loyi wa kubiha i mahelwe siku ga kubiha.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Hosea 4:3

Hikwalaho a tiko ga rila, ni vontlhe va akileko ka gona va hlokiswa zinwe ni zihari za khwati ni tinyanyani ta tilo; ni zona zidluwani za bimbi za lova. Jer. 12:4; Zef. 1:3

Amosi 7:3

Jehova i lo zi tsika. Zi nga ta maheka, ku wula Jehova.

Amosi 7:6

Jehova i lo zi tsika. Ni lezi zi nga ta maheka, ku wula Hosi Jehova.

Zefania 1:18

A siliva yabye hambu ni nzalama yabye zi nga ta va vuna a sikwini ga khulo ga Jehova; kanilezi a tiko gontlhe gi ta hiswa hi nzilo wa xiluse xakwe, hakuva i ta fuvisa vontlhe a vaaki va misava hi lobyiselelo wu chavisekako.

Zefania 1:2

Nzi ta lovisa zontlhe lezi zi nga kona misaveni, ku wula Jehova.

Zefania 1:3

Nzi ta lovisa a vanhu ni zihari, nzi lovisa tinyanyani ta tilo ni zidluwani za bimbi, a zikhunguvanyiso ni lava vobiha; nzi ta fuvisa vanhu laha misaveni, ku wula Jehova.

Deuteronome 28:63

Khwatsi hi lezi Jehova a tsakako hi ku mu katekisa a mu enzelekisa, zinghaho kambe Jehova i ta tsaka hi ku mu lovisa ni ku mu mbhetisa; na nwina mu ta hlomulwa lomu tikweni lego mu yako ku ya gi fumela.

Deuteronome 29:20

Jehova a nga ta mu tsetselela, hakuva a zanga ya Jehova ni khulo gakwe zi ta vura hehla ka munhu loye; zonake wontihe makhombo lawa ma tsalilweko lomu bhukwini legi ma tava hehla kakwe, na Jehova i ta hlanguta a vito gakwe lahasi ka tilo.

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6