Genesisi 6:6 - Tshwa Bible

⁶ Zonake Jehova i lo ti laya hilezi a vangileko a munhu misaveni, i lo xaniseka mbilwini yakwe.

Genesisi 6:6 Mawu Ofanana

Genesisi 6:7

Na Jehova aku ngalo: Nzi ta lovisa a vanhu lava nzi nga va vanga, ina, a vanhu ni zifuyo, ni zikokakoka, ni tinyanyani ta tilo, hakuva nza ti laya hilezi nzi zi mahileko.

2 Samueli 24:16

Makunu laha a ngelosi yi nga tlakusile a canja ga yona hehla ka Jerusalema a kuva yi gi lovisa, Jehova i lo tlhela kubiheni loko, aku ka ngelosi leyi yi lovisako vanhu: Basi, ku enele! Humuta a canja ga wena makunu! A ngelosi ya Jehova yi wa hi laha kusuhani ni nzhimbo wa Arauna a mujebusi. Ekso. 12:23

1 Kronekele 21:15

Nungungulu i lo rumela a ngelosi a ku ya lovisa a Jerusalema; laha a ngelosi yi nga kari yi hlasela, Jehova i lo karateka hi kota ya khombo ga kona, aku ngalo ka yona; Ku ringene! Makunu tlhelisa a canja ga wena! A ngelosi ya Jehova yi lo yima laha nzhimbyeni wa Ornani a mujebusi.

Tisimu 106:45

A alakanya a xivumelwano xakwe hi kota ya vona, A va zwela hi wuxinji gakwe ga hombe. Deut. 30:1

Tisimu 110:4

Jehova i hlambanyile, cima a nga ta hunzula: Wena u mupristi kala kupinzuka Hi tshamela ga Melkizedeki. Gen. 14:18; Maheb. 5:6, 10; 6:20

Tisimu 119:158

Nzi swireka loku nzi wona vakanganyisi, Hakuva a va hlayisi a mhaka ya wena.

Tisimu 78:40

Zikhati zingani va nga mu hluwuka xiwuleni, Va mu zwisa kubayisa lomu cuweni.

Tisimu 81:13

Loku ku wo khwatsi a tiko ga mina ga nzi ingisa, Loku ku wova Israeli i wa famba hi tindlela ta mina!

Tisimu 95:10

Mune wa makume ya malembe nzi lo tsanwa hi xizukulwana lexo, Nziku: Mbanhu vo lahleka timbilwini tabye, A va tivangi a tindlela ta mina. Ekso. 32:9; Deut. 32:5, 6, 28

Eksodusi 32:14

Zonake Jehova i lo tsika kubiha loko a nga wa alakanyile ku ku maha ka vanhu vakwe.

Isaya 48:18

O, loku ku wo khwatsi wa ingisa zileletelo za mina! Zonake a kurula ka wena ku wa ta khulunga ku khwatsi i congo, Ni kululama ka wena ku wa ta ku khwatsi mabyandlati ya bimbi,

Isaya 63:10

Kanilezi vona va lo hluwuka, va bayisa Moya wakwe wa ku Basa, Hikwalaho i lo maha nala wabye, alwa navo.

Jeremia 18:7

A xikhati xo kari nzi nga wulawula nzi vukela a tiko ni mufumo, lezaku nzi ta wu tsuwula, ni ku khungumula ni ku wu lovisa;

Jeremia 26:19

Xana Hezekia hosi ya ka Juda, ni gontlhe tiko ga Juda, va mu dele ke? Xana a nga chavangi Jehova, a kombela thomo ga yena, kasi Jehova a hunzuluka a ka khombo lego a nga wa wulile ha vona? Kanilezi hina hi mahela a mihefemulo ya hina a kubiha ka hombe.

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Joeli 2:13

Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17

Jona 3:10

Laha Nungungulu a nga wona hi mitiro yabye, lezaku va hunzulukile ndleleni yabye ya kubiha, i lo hunzuluka a tlhelisa a khombo legi a nga wulile lezaku i ta va fumela gona, a nga ha gi wiseli hehla kabye. Gen. 6:8; Ekso. 32:14

Malaki 3:6

Hakuva mina Jehova a nzi hunzuki, hi lexi xi nga maha nwina vana va Jakobe mu nga lovi, 1 Sam. 15:29; Isa. 14:24

Mitsengo 23:19

Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2

Va le Roma 11:29

Hakuva a zinyikiwo ni kuvitana ka Nungungulu a zi na kuhunzuka. Mitse. 23:19

Va le Efesusi 4:30

Mu nga vangeli wusiwana a Moya wa ku Basa wa Nungungulu, lowu mu nga fungiwa ha wona hi kota ya siku ga kutirulwa. Isa. 63:10; Rom. 8:23

Deuteronome 32:29

Loku va wa tlharihile ngha va zi pimile, Va alakanya kugumelwa ka vona.

Deuteronome 32:36

Hakuva Jehova i ta yimela vanhu vakwe, Ni kambe i ta hawukela malanza yakwe, Laha a ta nga wona lezaku a ntamu wabye wu mbhelile. Ni lezaku ku nga ta sala ni munwe wa vona. 1 Tih. 14:10; 2 Tih. 14:26

Deuteronome 5:29

Ko khwatsi va ngava ni timbilu ta xichavo ha mina, va hlayisa milayo ya mina yontlhe xontlhe xikhati; va wa ta tshameka ni vanana vabye kala kupinzuka!

Maheberu 3:10

Hikwalaho nzi wa zangarele lexo xizukulwana, Nziku: Vona va lahleka xontlhe xikhati timbilwini tabye. Kanilezi a va tivangi a tindlela ta mina.

Maheberu 3:17

Vamani lava a nga va zangarela a 40 wa malembe ke? A hi vona lava va nga onha, lava a zirumbi zabye zi nga wela xiwuleni ke? 1 Kor. 10:5

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6

1 Samueli 15:29

Loyi a nga Ntamu wa va ka Israeli a nga hembi hambu ku hunzuluka, hakuva yena a hi munhu waku i ta hunzuluka.

1 Samueli 15:35

Samueli a nga ha engetangi kambe a wonana na Saule kala siku ga kufa kakwe, hakuva Samueli i lo rilela Saule, hakuva Jehova i wa ti laya hi lezi a nga yimisa Saule a kuva hosi ya ka Israeli.