Genesisi 6:5 - Tshwa Bible

⁵ Nungungulu i lo wona kuonha ka vanhu lezaku ku kulile laha misaveni, ni lezaku a mixuvo ya timbilu tabye yi bihile masiku wontihe.

Genesisi 6:5 Mawu Ofanana

Genesisi 13:13

Kanilezi a vanhu va le Sodoma va wa bihile, va wa onha nguvu mahlweni ka Jehova.

Genesisi 8:21

Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. Isa. 54:9; Mat. 15:19

Joba 15:16

I ta tsumbisa kuyini a munhu wa kubiha ko hunzeleta, Loyi a nwako kuonha kukotisa a mati?

Joba 22:15

U ta lanzela a tindlela ta kale, Leti a vakubiha va fambileko ha tona ke?

Tisimu 53:2

Nungungulu wa cuwuka a vana va vanhu na hi le tilweni, Kasi ku wona loku a hi kona loye a pimako, Loyi a hlotako Nungungulu. Rom. 3:10

Mavingu 6:18

A mbilu yi polako makungo yo biha, i milenge leyi yi hatlisako yi tsutsumela kubiheni;

Mutshawuteli 7:29

Languta, lexi nzi xi kumile ntsena: lezaku Nungungulu i, mahile munhu na a lulamile, kanilezi vona va ti polele mikhuwo minyingi.

Mutshawuteli 9:3

Loku hi kubiha xikari ka zilo zontlhe zi mahiwako lahasi ka gambo, hi lezaku xilo xinwe xi humela vontlhe. Ina, a timbilu ta vana va vanhu ti tele hi kubiha, a wuhunguki gi lomu timbilwini tabye kuhanyeni kabye; anzhako ka lezo vaya ka vafileko.

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Ezekieli 8:12

Zonake aku ka mina:. Nʼwana wa munhu, wa zi wona lezi a masingalakati ya yindlu ya ka Israeli ma zi mahako lomu munyameni, munwe ni munwani lomu ndlwini yakwe ya zifananiso ke? Hakuva ve ngalo: Jehova a nga hi woni; Jehova i tsikile a tiko.

Ezekieli 8:9

Aku ka mina: Enghena u ya wona a manyalataniso yo biha lawa va mahako laha.

Mateu 15:19

Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21

Mateu 24:37

Kota lezi ku nga maheka masikwini ya Noa, ku tava nghaho a kuwuyeni ka Nʼwana wa munhu.

Luka 17:26

Kota lezi zi nga maheka masikwini ya Noa, zi tava nghaho a masikwini ya Nʼwana wa munhu. Gen. 7; Mat. 24:37

Deuteronome 29:19

Ni kambe ku nga dzuki kuva kona munhu waku loku a zwile timhaka ta xifungo lexi, a rutisa mbilu yakwe aku: Nzi tava ni kurula, hambu loku nzi famba kuranzeni ka mbilu ya mina; lezo ku ta lova a byanyi go nyuka ni go woma.

Titusi 3:3

Hakuva kale na hinawu hi wa hi zipumbu, hi nga ingisi, na hi pengile, hi hi tikhumbi ta kunavela ko biha ni kutitsakisa kunyingi; hi lo hanya hi matshoho ni makangwa, hi nyenyiwa, hi vengana.

1 Pedro 3:20

leyi a kale yi nga kala yi nga ingisi, laha Nungungulu a nga rinzela hi lihlaza-mbilu a masikwini ya Noa, na ka ha akiwa a taru, legi ku nga hanyiswa ha gona matini a ntlhanu wa vanhu ni vanharu ntsena, Gen. 6:3; 7:7; Maheb. 11:7