Genesisi 6:2 - Tshwa Bible

² a varisanyana va Nungungulu va lo wona a vanhwana va vanhu lezaku va sasekile; va lo va teka a kuva vasati vabye ka vontlhe lava va nga va hlawula.

Genesisi 6:2 Mawu Ofanana

Genesisi 12:11

Laha a nga wa tshinela ku enghena Gipite, i te ngalo ka Sarai, a sati wakwe: Wa wona, nza zi tiva lezaku u mbhuri ya wasati.

Genesisi 24:3

Nzi ta ku hlambanyisa hi Jehova, Nungungulu wa tilo ni Nungungulu wa misava, lezaku u nga tekeli a nʼwana wa mina a sati xikari ka vanhwana va maKanani, laya nzi tshamileko xikari kabye;

Genesisi 26:35

kanilezi va wa hi zikarato mbilwini ya Isaka na Rebeka.

Genesisi 27:46

Rebeka i te ngalo ka Isaka: Nzi swirilwe hi kota ya mahanyela ya vanhwana va ka Hiti, ni loku Jakobe a teka sati ka vanhwana va ka Hiti, wo kota vanhwana va legi tiko, a kuhanya ka mina ku ta nzi yini ke?

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

Genesisi 4:26

Yenawu Sete i lo beleka nisanyana, i lo mu chula vito gakwe ku hi Enoxi. Hi xikhati lexo a vanhu va lo sangula ku khozela Jehova.

Genesisi 6:1

Laha a vanhu va nga wa sangula a ku anza misaveni, va beleka vanhwana,

Genesisi 6:3

Jehova aku ngalo: A Moya wa mina wu nga ta simamisa ku tshama ni vanhu xontlhe xikhati, hakuva a munhu i nyama futsi; ni masiku yakwe ma tava 120 wa malembe.

2 Samueli 11:2

Kute hi ginwani siku, laha gambyeni, Davida a vuka hi laha mubhedini wakwe, a fambafamba le hehla ka langwa la yindlu ya hosi, zonake na hi le langweni i lo wona a wasati na kari a hlamba; a wasati loye i wa sasekile nguvu.

Ezra 9:12

Makunu mu nga nyikeli a vanhanyana va nwina ka vana vabye, hambu ni ku tekela a vafana va nwina a vanhanyana vabye; cima mu nga hloti a kurula ni kuvuvuma kabye; kasi nwina mu fela kuva ni ntamu, muga manone ya tiko, ni ku gi siyela a vana va nwina a tiko legi, a kuva tshomba yabye kala kupinzuka.

Joba 1:6

Makunu a ka siku go kari a vana va Nungungulu va lo ya ti wonekelisa mahlweni ka Jehova, na Satani i wa hi xikari kabye.

Joba 31:1

Mina nzi mahile xivumelwano zinwe ni mahlo ya mina; Lezaku nzi nga dzuki nzi cuwuka a nhwana. Mat. 5:28

Eksodusi 34:16

hambu ku wuta a vanhanyana vabye u lowota a vana va wena, kutani a kuva a vanhanyana vabye va hambukisa a vana va wena, hi ku lanzela vanungungulu vabye. Vala. 3:6; 1 Tih. 11:2

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Malaki 2:11

Juda a nga tsumbekangi, ku mahiwa manyalataniso lomu tikweni ga ka Israeli ni le Jerusalema. Hakuva Juda i hanahanisile a wutshamu gi basileko ga Jehova, legi a gi ranzako, a tlhela a teka vanhanyana va nungungulu mumbe.

Malaki 2:15

A hi na muvangi munwe loyi a ranzako ku hlayisa a moya wa hina ke? Ni loyi wa munwe i xuva yini? I wa lava a lixaka ti basileko, hikwalaho ti woneleni mimoyeni ya nwina, ngha a nga hi kona ni munwe a to kala a nga tsumbeki ka sati wa wuswa gakwe.

1 Va le Korinte 7:39

A wasati i bohilwe na a ha hanya a nuna wakwe; kanilezi loku a nuna afa, i tlhatlhekile; a nga tekana ni wihi loyi a mu ranzako, ntsena ku mahiwa Hosini. Deut. 17:3; Rom. 7:2; 2 Kor. 6:14

2 Va le Korinte 6:18

Nzi tava Raru wa nwina, nwina mu tava a varisanyana ni vanhanyana va mina, ku wula Hosi ya Nyamintamu. Jer. 31:1, 9; Kuv. 21:7

Deuteronome 14:1

Nwina mu vanana va Jehova Nungungulu wa nwina. Mu nga tlhaveli tihlanga mirini wa nwina, hambu ni ku cinga phandla hi kota ya vafileko.

2 Pedro 2:14

Va na ni mahlo ma teleko hi wubhayi, a va kolwi hi kuonha. Va kucetela a mihefemulo leyi yi nga tiyangiko. A timbilu tabye ti tolovela a mahlokoti; a vanana va rukatelweko.

1 Johani 2:16

Hakuva zontlhe lezi zi nga laha tikweni: a kunavela ka nyama, ni kunavela ka mahlo, ni kutikulisa hi kota ya zilo za loku kuhanya, a ziti hi ka Dadani, kanilezi zita hi lomu tikweni.