Genesisi 6:17 - Tshwa Bible

¹⁷ Hakuva nzi ta neha a ntalo wa mati misaveni; kasi wu ta lovisa a nyama yontlhe yi nga ni muhefemulo wu hanyako, yi nga laʼhasi ka tilo; zontlhelele zi nga laha misaveni zi tafa.

Genesisi 6:17 Mawu Ofanana

Genesisi 2:7

Jehova Nungungulu i lo wumba munhu hi tshuri wa misava, ni ku mu pupuxela lomu tinhovini a muhefemulo wa kuhanya, ni munhu i lo maha xiwumbiwa xi hanyako. 1 Kor. 15:45, 47

Genesisi 6:13

Jehova aku ngalo ka Noa: Nzi ta lovisa a nyama yontlhe, hakuva a misava yi tele hi tihanyi ta vanhu, languta, nzi ta va lovisa zinwe ni misava.

Genesisi 6:16

U ta maha a njhanela le hehla ka taru yi nga ni nkono munwe a kutlakuka u veka nyangwa ya taru laha tlhelweni ga gona; a taru a give ni yindlu ya lahasi ni ya wumbiri hehla, ni ya wunharu hehla ka tona.

Genesisi 6:7

Na Jehova aku ngalo: Nzi ta lovisa a vanhu lava nzi nga va vanga, ina, a vanhu ni zifuyo, ni zikokakoka, ni tinyanyani ta tilo, hakuva nza ti laya hilezi nzi zi mahileko.

Genesisi 7:15

Zi lo enghena na Noa lomu tarwini a mipatswa ya zihari zontlhe zi nga ni muhefemulo wu hanyako.

Genesisi 7:17

Yi lona yi maha ntalo laha misaveni 40 ya masiku: a mati ma lo kukumuka, ma tlakusa a taru, gi tlakuka hehla ka misava.

Genesisi 7:4

Hakuva hi nzhako ka ntlhanu wa masiku ni mambiri nzi ta nisa a vula misaveni a 40 ya masiku ni wusiku ga kona; zontlhe zi hanyako nzi zi mahileko nzi ta zi lovisa a nghoheni ya misava.

Genesisi 9:9

Langutani, nzi ta tiyisa a xivumelwano xa mina zinwe na nwina, ni pswalo wa nwina anzhako ka nwina;

Joba 22:16

Lava va nga susiwa hi mahlweni ka xikhati xabye; Lava a wuakelo gabye gi kukuletilweko hi ntalo wa mati;

Tisimu 107:34

A misava yo nona a yi maha ya munyu, Hi kota ya kubiha ka vaaki va kona. Joeli 1:10

Tisimu 29:10

Jehova i wa fuma xikhatini xa Ntalo; Ina, Jehova i tava Hosi kala kupinzuka. Gen. 6:17

Eksodusi 14:17

Mina nzi ta nonohisa a timbilu ta vaGipite, va ta mu lanza; zonake mina nzi tava ni wudumo ha Faro ni yimpi yakwe yontlhe, ni tikareta takwe, ni vakhileli va mahaxi.

Isaya 51:12

Hi mina wutsumbu nzi mu chavelelako. U mani wena u chavako a vanhu va ta ngafa, Ni vana va vanhu va ta nga hunzuka va fanana ni byanyi;

Isaya 54:9

Kota lezi nzi nga maha masikwini ya Noa, Hakuva kota lezi nzi nga hlambanya Lezaku a ntalo wa Noa wu nga ta ha tlhelela misaveni; Hizalezo nza hlambanya makunu lezaku cima nzi nga ta ku zangarela kambe, Ge hambu ku ku kawuka.

Ezekieli 34:11

Hakuva Hosi Jehova i ngalo: Mina wutsumbu nzi ta lava tiyivu ta mina, nzi ti hlotisisa.

Ezekieli 34:20

Hikwalaho Hosi Jehova i ngalo kabye: Langutani, mina nzi ta lamula xikari ka tiyivu ti nonileko ni ti wonzileko.

Ezekieli 5:8

hikwalaho Hosi Jehova i ngalo: Nza ku holovela; nzi ta ku tsayisa a kuwoneni ka matiko.

Ezekieli 6:3

Nwina zitsunga za ka Israeli, zwanani a gezu ga Hosi Jehova! Hosi Jehova wa wula ka zitsunga ni miganga, ka milonga ya mati ni mikova, aku: Mina nzi ta mu nehela a supado, nzi ta hahlula a matshamu ya nwina yo tlakuka.

Hosea 5:14

Hakuva ka Efraime nzi ta fanana ni nghala, nzi fanana ni xinghalana a ka yindlu ya ka Juda. Mina wutsumbu nzi ta hanzula nzi ti fambela; nzi ta rwala a pfimba, ku nga hi kona a to nzi wutlela wona.

Levi 26:28

zonake nzi ta mu vukela hi zanga, nzi mu tsayisa kambe ntlhanu wa makhati ni mambiri hi kota ya zionho za nwina.

Amosi 9:6

hi yena loyi a akako a tiyindlu takwe le tilweni, a tshambuluta a tilo gi maha a langwa hehla ka misava; a vitanako a mati ya bimbi a ma chulula hehla ka misava. A vito gakwe hi Jehova.

Mateu 24:39

a va nga tivi nchumu kala wuta ntalo, wu va kukuleta vontlhe; ku tava nghaho a kuwuyeni ka Nʼwana wa munhu.

Luka 17:27

Va waga, vanwa, va teka, ni ku tekiwa, ku kala siku lego Noa a nga enghena ha gona lomo tarwini, ni ntalo wu lota, wu ta va lovisa vontlhe.

Va le Roma 5:21

lezaku kota lezi a kuonha ku nga fuma kufeni, lezo kambe a tipswalo ti fela ku fuma hi kululama ku yisako wutomini ga pinzukelwa ha Jesu Kristu a Hosi ya hina.

Va le Roma 6:23

Hakuva a hakhelo ya kuonha hi kufa, kanilezi a xinyikiwo xa Nungungulu hi wutomi ga pinzukelwa ha Jesu Kristu a Hosi ya hina. Gen. 2:17; 1 Ped. 1:4

Deuteronome 32:39

Cuwukani makunu lezaku hi mi na nzoce nzi nga Nungungulu, Lezaku a ku kona munwani nungungulu ahandle ka mina. Hi mina nzi dayako, hi mina nzi hanyisako; Nza balesa phanja, nzi tlhela nzi holisa; A ku na munhu loyi a tlhatlhisako canjeni ga mina. 1 Sam. 2:6; Isa. 45:5; Hos. 6:1

Maheberu 11:7

Hi kukholwa Noa na a byelilwe hi Nungungulu hi zilo zi nga kala zi nga se woniwa, i lo ingisa, a aka a taru kasi ku hanyisa a nghamu yakwe; hi ku maha lezo i lo kona a tiko, a maha xiga-tshomba ya kululama loku ku nga ka kukholwa. Gen. 6:13; Rom. 3:22

1 Pedro 3:20

leyi a kale yi nga kala yi nga ingisi, laha Nungungulu a nga rinzela hi lihlaza-mbilu a masikwini ya Noa, na ka ha akiwa a taru, legi ku nga hanyiswa ha gona matini a ntlhanu wa vanhu ni vanharu ntsena, Gen. 6:3; 7:7; Maheb. 11:7

2 Pedro 2:5

Ni tiko ga kale a nga gi tsetselelangi, hambu lezi a nga hlayisa Noa, a mukaneli wa kululama, zinwe ni vanwani va ntlhanu ni vambiri, laha a nga neha a ntalo hehla ka tiko ga lava va nga chaviko Nungungulu. Gen. 7:1, 7; 1 Ped. 3:19