Genesisi 49:27 - Tshwa Bible

²⁷ Benjamini i hlolwa legi gi khadamulako; Ni mixo i taga a nyama ya pfimba, Laha gambyeni i ta avanyisa muphango.

Genesisi 49:27 Mawu Ofanana

Genesisi 35:18

Zonake laha wu nga wa huma muhefemulo wakwe, i lo mu chula vito ga Ben-oni na a nga se kufa; kanilezi a raru wa mune i lo mu chula vito ga Benjamini.

Genesisi 46:21

A vana va Benjamini: Bela, na Bekera, na Axbeli, na Gera, na Namani, na Ehi, na Roxa, na Mupima, na Hupami, na Arda.

Genesisi 49:26

A zikatekiso za raru wa wena za hombe ku hunza zikatekiso za vadadani va mina, Ni kusaseka ka zitsunga za kala kupinzuka, A zi tshame hehla ka hloko ya Josefa, Ni le hlokweni ya loyi a nga hosi xikari ka vanakulobye!

Genesisi 49:28

Lava va khume ni vambiri, hi tona tixaka tontlhe ta Israeli, ni timhaka leti, hi leti a raru wabye a nga wula a siku lego a nga va katekisa. I lo va katekisa munwe ni munwani kota xikatekiso xakwe.

Jeremia 5:6

Hi lezo-ke a nghala ya lomu khwatini yi ta va daya, Ni hlolwa ga lomu xiwuleni gi ta va hlakahla, A yingwe yi ta nyanimela a miti yabye; Munwe ni munwani a ta nga huma handle i ta hanzulelwa. Hakuva a zihambunyeto zabye zi tele, Ni zigoho zabye zinyingi. Jer. 4:7; Hos. 13:7

Ezekieli 22:25

Ku na ni gujeguje xikari ka vaprofeti va nga ka gona, khwatsi i nghala leyi yi dzumelako a pfimba. Vaga mihefemulo ya vanhu, va wutla titshomba ni zilo za lisima; va anzisa a tsengo wa tinoni xikari ka gona. Mika 3:11; Mar. 12:40

Ezekieli 22:27

A tihosana ta gona ti khwatsi timhisi ti huhulukelako a pfimba xikari ka gona; ti halata nkhata, ti lovisa mihefemulo ya vanhu lezaku ti kuma bhinzu.

Zefania 3:3

A tihosana ta wona, tinghala leti ti dzumako; a valamuli va wona va fana ni mahlolwa ni wusiku, ma nga siyiko nchumu xa manziko.

Mitsengo 1:36

A vana va Benjamini, a zizukulwana zabye hi mingango yabye, ni tixaka tabye, a ku hlaya mavito ya vavanuna vontlhe lava va zi kotako ku hloma matlhari, kusukela ka lava va nga ni 20 wa malembe, ni kuya mahlweni;

Mitsengo 23:24

Mbanhu lava va vukako kota pswele ga nghala, Va ta yima khwatsi matsune wa nghala. Yi nga ta etlela na yi nga se kuga a pfimba wa yona, Ni kunwa a nkhata wa lava va delweko. Gen. 49:9

Mitsengo 34:21

lomu ka nyangwa ya vanana va ka Benjamini: hi Elidade a nʼwana wa Kisloni;

Mateu 10:16

Langutani, nza mu ruma na mu fanana ni tiyivu xikari ka timhisi; hikwalaho, tlharihani kota tinyoka, mu ku khwatsi mu matuva, mu ngavi na wumbyori. Lu. 10:3; Rom. 16:19; 1 Kor. 14:20

Mateu 7:15

Chavani a vaprofeti va mawunwa, lava va tako ka nwina na va ambele a tinguwo ta tiyivu, kanilezi timbilwini tabye va hi timhisi leti ti pamako. Deut. 13:3; Jer. 23:16; Rom. 16:17

Mitiro 20:29

Nza zi tiva lezaku anzhako ka kuva nzi sukile, a timhisi ti pamako ti ta enghena xikari ka nwina, leti ti nga wu tsikiko ntlhambi. Mat. 7:15; 2 Ped. 2:1

Mitiro 8:3

Kanilezi Saule i lo hlasela a handla, a enghena tindlwini, a rorovisa a vavanuna ni vavasati, a va valela paxweni. 1 Kor. 15:9; Gal. 1:13

Mitiro 9:1

Kanilezi Saule na a ha kukutela a ku dzukisa ni ku daya a vapizani va Hosi, i loya ka mupristi wa hombe, Xip. 8:3; Gal. 1:13

Deuteronome 33:12

Ha Benjamini i te ngalo: Xiranzwa xa Jehova, I ta tshama kuruleni zinwe na yena; Jehova i ta mu fenengeta kala kupinzuka, Yena i ta tshama makatleni ya yena.

Va le Filipi 3:5

Nzi lo engheniswa wukwera hi siku ga wuntlhanu ni manharu, nzi wa lixaka la ka Israeli, wa nyimba ya ka Benjamini, nzi muHeberu nʼwana wa vaHeberu; hi tlhelo ga nayo nzi muFarisi. Miti. 23:6

Valamuli 20:21

A va ka Benjamini va lo huma hi lomu Gibea siku lego, va daya 22,000 wa vavanuna va ka Israeli.

Valamuli 20:25

A va ka Benjamini va lo huma ga wumbiri lomu Gibea va ya tlhangana ni va ka Israeli va hihirita 18,000 wabye, a vakhomi va matlhari.