Genesisi 49:24 - Tshwa Bible

²⁴ Kanilezi a wura gakwe gi tshamile gi tiyile; Mawoko ni mandla yakwe zi tiyisilwe Hi mandla ya Nyamintamu wa Jakobe, Loyi a nga Murisi tlhelo Ribye ga Israeli.

Genesisi 49:24 Mawu Ofanana

Genesisi 45:11

Nzi ta ku wundla kona, hakuva ka ha sele ntlhanu wa malembe ya ndlala; ku nga taku u kiyelelwa wena ni ngango wa wena, ni vontlhe lavo u nga navo.

Genesisi 45:5

Makunu mu nga bayiseki timbilu, mu xaniseka hi kota ya lezi mu nga nzi xavisa nzita seno, hi lezaku Nungungulu i nzi rumile nzi mu rangela, a ku ta hanyisa wutomi ga vanhu.

Genesisi 45:7

Nungungulu i lo nzi rumela mahlweni ka nwina ku ta mu ponisa laha misaveni, ni ku ta mu hlanguta hi kupona loku ka hombe.

Genesisi 47:12

Zonake Josefa i lo wundla raru wakwe ni vanakulobye, ni yontlhe a nghamu ya raru wakwe, hi ku va nyika zakuga zi ringanako ni kutala ka vanana vabye.

Genesisi 48:15

Zonake i lo katekisa Josefa, aku: Nungungulu loyi vadadani, Abrahama, na Isaka, va nga wa famba mahlweni kakwe, Nungungulu loyi a nga nzi wundla kusukela kubelekweni ka mina kala lezi, Maheb. 11:21

Genesisi 49:23

Vafuli va mu vukele va mu fuletela hi miseve, Va mu karata hi livengo labye;

Genesisi 50:21

Hikwalaho mu nga chavi, nzi ta mu wundla ni vana va nwina. Zinghaho i lo va chavelela, a tangalisa timbilu tabye.

2 Samueli 5:2

Hambu xikhatini xa kale, na Saule a ha fuma, hi wena u nga wa humesa ni ku wuyisa lomu ka Israeli. Jehova i te ngalo ka wena: Hi wena u ta nga risa a vanhu va mina va ka Israeli, uva hosi lomu ka va ka Israeli.

2 Tihosi 13:16

Elixa i te ngalo ka hosi ya Israeli: Khoma wura hi canja ga wena. Na khomile a wura, Elixa i lo tlhateka a canja gakwe hehla ka canja ga hosi.

Nehemia 6:9

Hakuva vontlhe va wa lava ku hi dzukisela, vaku: A mandla yabye ma tava ni gome, va nga zi koti ku maha a ntiro. Kanilezi, wena Nungungulu, tiyisa a mandla ya mina.

Joba 29:20

A wudumo ga mina ga ha hi giswa ka mina, Ni wura ga mina ga ha hi giswa canjeni ga mina.

Tisimu 118:22

A ribye legi gi nga aliwa hi vaaki, Gi mahile a hloko ya magumo. Isa. 28:16; Mat. 21:42; 1 Ped. 2:4

Tisimu 132:1

Jehova, alakanya Davida, Ni hlomulo wakwe wontihe.

Tisimu 132:2

Lezaku i hlamhanyisile kuyini ka Jehova, A funga ka Nyamintamu wa Jakobe;

Tisimu 132:5

Kala nzi mu kumele wutshamu Jehova, A yindlu ya Nyamintamu wa Jakobe. 2 Sam. 7:2; 1 Kro. 17:1; Miti. 7:46

Tisimu 18:1

Nza ku ranza, Jehova, wena ntamu wa mina.

Tisimu 18:30

A ndlela ya Nungungulu yi mbhelele, A mhaka ya Jehova yi longamile; I xitlhangu ka vontlhe va mu tsumbako.

Tisimu 23:1

Jehova hi murisi wa mina, nzi nga ta vumala nchumu. Joh. 10:11; Maheb. 13:20; 1 Ped. 2:25

Tisimu 27:14

Rinzela Jehova, uva ni ntamu, A mbilu ya wena a yi tiye, Ina, rinzela Jehova!

Tisimu 28:8

Jehova i ntamu wa vanhu vakwe; I khokhola ga kuhanyiswa ka a totilweko wakwe.

Tisimu 44:7

Kanilezi hi wena u hi ponisako ka valala va hina, U va wisa tingana lava va hi vengako.

Tisimu 73:23

Hambu zi hi tano, nzi na wena masiku wontihe; U nzi khomile hi canja ga wena ga xinene.

Tisimu 80:1

Ingisa, wena Murisi wa Israeli, Wena loyi u rangelako Josefa khwatsi hi ntlhambi; Wena loyi u tshamako xikari ka makerubima Huma u hatima. Isa. 37:16; Ezek. 34:12; Joh. 10:11

Tisimu 89:1

Nzi ta yimbelela a wunene ga Jehova kala kupinzuka, A nomu wa mina wu ta tlhatlhambutela a kutsumbeka ka wena titangeni tontlhe.

Eksodusi 3:6

Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.

Isaya 1:24

Hikwalaho a Hosi Jehova wa tiyimpi, a Nhenha ya ka Israeli, yiku: A, nzi tava ni zigingi hi lavava nzi vengako, nzi ti photela ka valala va mina.

Isaya 28:16

Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33

Isaya 29:24

Lava a moya wabye wu hambukileko va ta gonza wutlhari, Ni lava va nga kalala va ta kuma wutivi.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Isaya 60:16

U ta anwa a mafi ya matiko, Ina, u ta anwa a mavele ya tihosi; Zonake u ta zi tiva lezaku mina Jehova nzi Muhanyisi wa wena Ni Mutiruli wa wena, a Nyamintamu wa ka Jakobe.

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

Zakaria 3:9

Hakuva a ribye legi nzi nga gi veka mahlweni ka Joxua (hehla ka ribye legi ku na ni ntlhanu wa mahlo ni mambiri), mina nzi ta kehla a mutsalo wa kona, ku wula Jehova wa tiyimpi; hi siku ginwe nzi ta susa a kugoha ka tiko legi.

Mateu 21:42

Jesu aku kabye: Xana a mu gonzangi Mitsalweni ku ngalo: A ribye legi gi nga aliwa hi vaaki, Gi mahile a hloko ya magumo; Lexi xi mahilwe hi Hosi, Xa hlamalisa mahlweni ya hina. Tis. 118:22; Miti. 4:11; Efe. 2:20

Marku 12:10

A mu se ku gonza a mutsalo lowu wu nge ngalo: A ribye legi gi nga aliwa hi vaaki, Gi mahile a hloko ya magumo; Tis. 118:22

Luka 20:17

Kanilezi i lo va cuwuka, aku: Kasi zi wula yini lezi zi tsalilweko, ku ngalo: A ribye legi gi nga aliwa hi vaaki, Gi mahile a hloko ya magumo? Tis. 118:22; Mat. 21:42

Mitiro 4:11

Hi yena a nga ribye gi nga aliwa hi nwina vaaki, legi gi nga mahiwa a hloko ya magumo. Tis. 118:22; Isa. 28:16; Mat. 21:42; Rom. 9:33

Va le Roma 14:4

Hi wena mani loyi u lamulako a nanza ga munwani ke? Loku gi yima, kutani gawa, i mhaka ya nwinyi wa gona. Ina, gi ta yima, hakuva a Hosi yi na ni ntamu ku gi yimisa. Jak. 4:12

Va le Efesusi 2:20

Mu akilwe xiseketelweni xa vapostoli ni xa vaprofeti, Jesu Kristu wutsumbu hi ribye ga magumo. Tis. 118:20; Mat. 16:18; 1 Kor. 12:28; Kuv. 21:14

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Deuteronome 33:27

Nungungulu wa pinzukelwa mbuchavelo ga wena, Ni laha hasi ku fumela a mawoko yakwe ya pinzukelwa. I hlongolile a valala mahlweni ka wena, A ku ngalo: Lovisa!

Deuteronome 34:9

Joxua nʼwana Nuni i lo tala hi moya wa wutlhari, hakuva Mosi i wa mu tlhatekile mandla yakwe. Ni vanana va ka Israeli va lo mu ingisa, va maha kota lezi Jehova a leleteleko Mosi.

Va le Kolosi 1:11

Ngha mu tiyiswa matlhelweni wontihe, khwatsi hi ntamu wakwe wa hombe, a kuva mu hi ni kutiyisela kontlhe ni kutimisela zinwe ni kutsaka, Miti. 5:41

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

Joxua 17:18

Kanilezi a tiko ga xitsunga gi tava ga nwina; hambu lezo gi nga khwati mu ta gi xakatsa, zonake a tindlela ta kona ti tava ta nwina; hakuva nwina mu ta hlongola vaKanani, hambu loku va hi ni tikareta ta tisimbi, ni hambu loku va hi ni ntamu.

Valamuli 1:22

A va ka Josefa na vonawu va lo kanziha vaya Beteli. Jehova i wa hi zinwe navo.