Genesisi 49:10 - Tshwa Bible

¹⁰ A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Genesisi 49:10 Mawu Ofanana

2 Samueli 7:13

Yena i ta akela vito ga mina a yindlu, minawu nzi ta yimisa xitshamu xakwe xa wukosi xa mufumo wakwe kala kupinzuka.

2 Samueli 7:16

Kanilezi a yindlu ya wena, ni mufumo wa wena zi ta tshama kala kupinzuka mahlweni ka mina. A xitshamu xa wena xa wukosi xi ta su tsonzoma kala kupinzuka.

1 Kronekele 12:24

A vana va ka Juda lava va khomileko a zitlhangu ni matlhari va wa hi 6,800, va hlomileko kasi kuya yimpini.

1 Kronekele 12:39

Zonake va lo ya tshama leyo masiku manhru zinwe na Davida, vaga, vanwa, hakuva a vanakulobye va wa va longisele zontlhe.

Tisimu 108:8

Gileadi wa mina, na Manasse wa mina; Efraime i ndlondla ya hloko ya mina, Juda i nhonga ya mina ya wuhosi.

Tisimu 60:7

Gileadi wa mina, na Manasse wa mina; Efraime i ndlondla ya hloko ya mina, Juda i nhonga ya mina ya wuhosi. Gen. 49:10

Tisimu 60:9

Himani a ta nga nzi fambisa le mutini wa khokhola? Himani a ta nga nzi chiketa le Edome?

Tisimu 78:68

Kanilezi i lo hlawula a lixaka la ka Juda, A xitsunga xa Zioni lexi a xi ranzako.

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Isaya 33:22

Hakuva Jehova hi mulamuli wa hina, Jehova munyiki wa nayo wa hina, Jehova i Hosi ya hina, i ta hi hanyisa.

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Isaya 60:1

Suka u yima, u khazamula, hakuva a kuwonekela ka wena ku chikele, Ni kungangamela ka Jehova ku vukile hehla ka wena.

Isaya 62:11

Langutani, Jehova i bile hungu kala magemetamusi ya misava, aku: Byelani a nhwana Zioni, muku: A kuhanyiswa ka wena kala; Wata ni nchachazelo wakwe, Ni muphango wakwe wa mu rangela, Mat. 21:5; Joh. 12:15

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 30:21

A hosana yabye yi ta huma ka vona venyi, Ni mufumeli wabye i ta huma xikari kabye wutsumbu, Nzi ta mu tshineta, i tata ka mina; Hakuva himani a nga tiyako a tshinela ka mina ke? Ku wula Jehova.

Jeremia 33:26

zonake nzi ta tsika a pswalo wa Jakobe ni wa Davida a nanza ga mina, lezaku nzi nga ha dzuki nzi teka xikari ka vana vakwe loyi a ta nga fumela a lixaka la Abrahama, Isaka na Jakobe, hakuva nzi ta wuyisa a vakhomiwa vabye nzi va hawukela.

Ezekieli 19:11

Wu wa hi ni tiravi to tiya to ringana a tinhonga ta tihosi, A tsinya ga wona gi wa tlakuka na wu tele hi matluka, Wu woneka kule ni kutala ka maravi ya wona.

Ezekieli 19:14

A nzilo wu la su gwava lomu maravini, wu hisa mihanzu, Laha kaku ni ravi go ringana a nhonga ya wuhosi a ga ha hi kona. 2 Kro. 36:11, 19 Lowu hi wona nkosi, va ta nga bela nkosi ha wona.

Ezekieli 21:27

Nzi ta xi khungumula, nzi khungumula, nzi khungumula; lexi kambe xi nga ta hava kona, kala ku chikela loyi xi lumbako yena, nzi ta mu nyika xona.

Ezekieli 21:32

Wena u ta maha tihunyi ta nzilo, a nkhata wa wena wu ta khulungela xikari ka tiko; u nga ta ha alakanyiwa kambe, hi mina Jehova nzi zi wulileko.

Danieli 9:25

Hikwalaho, tiva u pima lezaku kusukela kuhumeni ka xileletelo xa ku tlhelisela ni ku aketa Jerusalema, kala ku chikela loyi a totilweko loyi a nga hosi, ku tava ni ntlhanu wa maviki ni mambiri; zonake hi 62 wa maviki a muti wu ta aketwa, wuva ni maruwa ni geva, hambu kuva ni zikhati za kukarateka.

Hosea 11:12

Efraime i nzi ranzele hi mawunwa, ni yindlu ya ka Israeli hi kukhohlisa. Kanilezi Juda wa ha hluwuka Loyi wo Basa a tsumbekileko.

Mika 5:1

Makunu tsombanyisa a mabutho ya wena, wena nhanyana wa tiyimpi! Va hi ranzele matlhelo wontlhe; vaba a hlaya ya mulamuli wa ka Israeli hi nhonga.

Hagai 2:7

Nzi ta tsekatsekisa a matiko wontlhe, ni titshomba tontlhe ta matiko ti ta nehiwa lomu; mina nzi ta tata a yindlu leyi hi wukosi, ku wula Jehova wa tiyimpi.

Zakaria 10:11

Yena i ta tsemakanya a bimbi ga kuxaniseka, aba a mabyandlati ya bimbi, yontlhe milonga yo eta ya Nilo yi tapswha. A matshanza ya Assiria ma ta mbhela, a nhonga ya wuhosi ya Gipite yi susiwa,

Zakaria 2:11

A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.

Mitsengo 21:18

A hlowo leyi yi kelilweko hi tihosana; Leyi a manghanakana ya vanhu ma yi kelileko Hi tinhonga tabye ta wukosi, ni micetengelo yabye. Va lo Suka le xiwuleni vaya Matana.

Mitsengo 24:17

Mina nza mu wona, kanilezi a hi zalezi. Mina nza mu languta, kanilezi na a nga hi kusuhani. Ku ta huma nyeleti hi ka Jakobe, A nhonga ya wuhosi yi huma ka Israeli, Yi lamata a mareve ya Moabi, Yi mbhetisa vontlhe a vanana va vilinganya. 2 Sam. 8:2; Jer. 48:45

Mitsengo 24:19

Hi ka Jakobe ku ta huma mufumeli, I ta lovisa lava va salako lomu mitini.

Mateu 1:21

I ta beleka nisanyana, u ta mu chula vito gakwe aku hi Jesu (hi lezaku Muhanyisi); hakuva hi yena loyi a ta nga hanyisa a vanhu vakwe zionhweni zabye. Lu. 1:31; Miti. 4:12; 5:31

Mateu 17:5

Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. Deut. 18:15; 2 Ped. 1:17

Mateu 21:9

Ni zidlemo lezi zi nga rangile ni lezi zi nga lanzela, zi lo kanyuluka, ziku: Hozana ka Nʼwana Davida; a ku khesiwe yena loyi a tako vitweni ga Hosi; Hozana ka le hehla-hehla. Tis. 118:26; Xip. 23:39

Mateu 25:32

Ku ta tsomhanyiswa a matiko wontihe mahlweni ka yena; i ta va hambanyisa a vanwe ka vanwani, kota a murisi a phakako tiyivu ka timbuti. 2 Kor. 5:10; Kuv. 20:12

Johani 12:32

Mina loku nzi tlakusilwe misaveni, nzi ta kokela vanhu vontlhe ka mina. Xip. 3:14; Rom. 5:18; Maheb. 2:9

Johani 18:31

Pilatu aku ngalo kabye: Mu tekeni nwina venyi, mu mu lamula kota nayo wa nwina. A vaJuda vaku kakwe: A hi vumelwi hina ku daya munhu.

Johani 19:12

Makunu Pilatu i wa lava ku mu tlhatlha; kanilezi a vaJuda va lo kanyuluka, vaku: Loku u tlhatlha loyi munhu, a ku xaka ga Kesari; hakuva ni wihi a ti mahako hosi i kanyisa Kesari. Lu. 23:2; Miti. 17:7

Johani 19:15

Va lo kanyuluka, vaku: Mu suse, mu suse, mu belele! Pilatu aku kabye: Nzi belela a hosi ya nwina ke? A vapristi va hombe va lo hlamula, vaku: A hi na hosi saseka Kesari. Gen. 49:10

Johani 9:7

Aku ngalo ka xona: Famba u ya hlamba xitivaneni xa Siloami (hi kutlhamuselwa ku ngalo, Kurumiwa). Yena i lo famba a ya hlamba, a wuya na a wona. Neh. 3:15

Va le Roma 15:12

Na Isaya i ngalo: Ku ta baleka ximilwa mutswini wa ka Jese, Loyi a ta ngata ku ta fumela a vamatiko; A vamatiko va ta tsumba ka yena. Isa. 9:6, 7; 11:1; Kuv. 5:5; 22:16

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

Deuteronome 28:57

Zonake yena i ta ala ku nyikela a gulu gakwe, hambu a vanana lava a belekileko; hakuva i taga vona lomu kufihlaleni hi kota ya ku vumala zontlhe, lomu kuvimbezelweni ni kuxanisekeni loku a valala va wena va ta nga ku xanisa ha kona lomu mitini ya wena.

Maheberu 7:14

Hakuva zi la su dlunya lezaku a Hosi ya hina yi humile lixakeni la ka Juda; a lixaka lolu Mosi a nga wulangiko nchumu ha lona hi tlhelo ga wupristi. Isa. 11:1; Mat. 1:3; Kuv. 5:5

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44