Genesisi 47:6 - Tshwa Bible

⁶ A tiko ga Gipite gi kona mahlweni ka wena; akisa a raru wa wena ni vanakuloni ka tiko go saseka nguvu; va akise tikweni ga le Goxeni. Loku va hi kona vavanuna vo tlhariha xikari kabye, va yimise a kuva varisi va tihomu ta mina.

Genesisi 47:6 Mawu Ofanana

Genesisi 13:10

Loti i lo tlakusa a mahlo yakwe, i lo wona a mikova yontlhe ya Jordani, hakuva yi wa hi ni mati yontlhe (Jehova i wa nga se lovisa Sodoma ni Gomora), na yona yi wa ku khwatsi i simu ga Jehova kotisa a tiko ga le Gipite, kala ku chikela Zoare.

Genesisi 13:9

A tiko gontlhe a gi kona mahlweni ka wena ke? Tsawukana na mina; loku uya canjeni ga xibhabha, mina nzi taya ka canja ga xinene; ni loku uya ka ga xinene, mina nzi taya ka ga xibhabha.

Genesisi 20:15

Abimeleki i te ngalo: Languta, a tiko ga mina gi le mahlweni ka wena; aka laho u ku ranzako.

Genesisi 34:10

Mu ta tshama na hina, ni tiko gi ta lumba nwina; akani, mu xaviseiana, mu fuya ka gona.

Genesisi 45:10

U ta ta aka tikweni ga le Goxeni, u tava kusuhani na mina, ni vana va wena, ni vazukulu va wena, ni tiyivu ta wena, ni tihomu ta wena, ni zontlhe lezo u nga nazo.

Genesisi 46:34

Nwina mu taku ngalo ka yena: Malanza ya wena mbarisi, kusukela wunwananeni kala lezi, hina ni vararu va hina. Hi kona mu ta ngaya aka le Goxeni, hakuva vontlhe varisi va mitlhambi zinyenyeko lomu Gipite. Gen. 47:6; Ekso. 8:26

Genesisi 47:11

Josefa i lo akisa a raru wakwe ni vanakulobye lomu tikweni ga Gipite; i lo va nyika wutshamu go nona tikweni ga Ramsesi, kota kuleletela ka Faro.

Genesisi 47:16

Josefa aku: Nehani mitlhambi ya nwina, nzi ta muha zakuga; matshanwini ya mali nzi ta xava tihomu ta nwina, lezi a mali yi mbhelileko.

Genesisi 47:4

Vaku ka Faro kambe: Hi tela ku ta luvela lomu tikweni legi, hakuva a ga hi kona wuriselo ga mitlhambi ya malanza ya wena, hi kota ya ndlala yi tikileko le tikweni ga Kanani; hikwalaho ha ku kombela lezaku a malanza ya wena ma vumelwa ku aka le tikweni ga le Goxeni.

Genesisi 47:5

Faro i lo byela Josefa, aku: A raru wa wena ni vanakuloni va chikele ka wena:

1 Tihosi 11:28

Makunu Jeroboamu i wa hi nhenha. Solomoni i lo wona kupangama ka jaha lego, a mu yimisa a kuva muhlayisi wa vontlhe vatiri va yindlu ya ka Josefa.

2 Kronekele 26:10

I lo aka makhokhola le xiwuleni, a kela tihlowo tinyingi lomo, hakuva i wa hi ni tihomu to tala lomu mikoveni ni lomu tibaleni, ni varimi, ni varimi va zivina le zitsungeni za Karmeli, hakuva i wa ranza mitiro ya wurimo.

Eksodusi 18:21

Kanilezi hlawula xikari ka vanhu vontlhe a vavanuna lava va va nene, lava va chavako Nungungulu, a vavanuna lava va lulamileko, lava va vengako bhinzu legi gi nga lulamangiko; u va yimisa a kuva tinduna ta mazanazana, ni ta zana, ni ta ntlhanu wa makume, ni ta makume; Mitse. 11:16; Deut. 1:13

Eksodusi 18:25

Makunu Mosi i lo hlawula xikari ka vanhu va ka Israeli vontlhe vavanuna lava va lulamileko, a va yimisa kuva tinduna ta vanhu. Ti lo maha tinduna ta mazanazana, ni ta mazana, ni ta ntlhanu wa makume, ni ta makume,

Eksodusi 9:10

Zonake va lo nusa khuma laha khombarini, vaya mahlweni ka Faro; Mosi i lo gi xwanya le hehla, gi hunzuka gi vanga zidlayi lezi zi nga maha zilonza ka vanhu ni ka zifuyo.

Eksodusi 9:21

Kanilezi lava va nga kala ku khatala hi gezu ga Jehova, va lo tsika malanza ni zifuyo zabye lehandle.

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Mavingu 22:29

Wa wona a munhu loyi a ti tlhariheleko ntirweni wakwe ke? ta yima mahlweni ka tihosi; nga ta yima mahlweni ka vanhu va nyalidede.

Jeremia 40:4

Languta, nzi ku tlharihile a mangenje lawa ma nga hi mawokweni ya wena. Loku u ranza a ku famba na mina le Babuloni, ngone, nzi ta ku lonzowota. Kanilezi loku u nga zi ranzi a ku famba na mina le Babuloni, u nga sala. Hi nga wona, gontlhe tiko gi le mahlweni ka wena; ni kwihi ku ku xalalisako, laha u ranzako kuya kona, famba seyo.

Johani 17:2

kota lezi u mu nyikileko ntamu hehla ka nyama yontlhe, lezaku vontlhe lava u mu nyikileko vona, a fela ku va nyika wutomi ga pinzukelwa. Dan. 7:14; Mat. 11:27; 28:18; Xip. 6:37; 1 Kor. 15:25

1 Samueli 21:7

Kanilezi a ginwani nanza ga Saule gi wa hi kona lego siku, na a khamekile mahlweni ka Jehova. A vito gakwe hi Doegi a muEdomi; i wa hi nduna ya varisi va Saule.